Classy daughter

27/03/2025

راني disponible لأي عرس ولا سهريات ولا بحر ولا خرجات للجميع افراحكم و مسراتكم ادوني طول
ماتشاورونيش

29/08/2024

كاينة نعمة كبيرة إسمها نعمة التفصيلة الصغيرة
تفصيلة صغيرة يديرها الشخص لي قدامك تتأكد منها ٱنو موحال يكُون من ناسك و من ناس لي حابينلك الخير.. تفصيلة صغيرة يُقولها لي قدامك تفهمك ٱنو مستحيل هذا بنادم يكونلك ذراعك وقت الحاجة.. تفصيلة صغيرة في كلام الشخص لي حكيتلو حاجة تفرحك و حبيتو يفرح معاك تخليك تحس بلي هذا إنسان جامي يصلح تبني معاه عِشرة
التفصيلة هذي جاية خلاف كامل التفاصيل لي فاتو عليك، خاطش، تفصيلة توجع عينك.. تفصيلة تزعزع روحك.. تفصيلة تخوّف قلبك
لي يدير على هذي تفصيلة و يركز معاها مليح قادرة تحميه بزااف قدام لا تصرالو عفسة و تغيضُو، بصح تحتاج منك كي تقول كلمة ماترجعش فيها
دايمًا ركز مع إحساس تع قلبك كي يقلك هذي الحاجة غالطة و ٱمنوني جاامي تفوت على هذي عفسة كشغل مكاين والو قادرة تحميك من امور بزاف و تخليك تايفيتي عباد مييتاهلوش

18/08/2024

من بين علامات الحُب عندي هو ٱنو يعطيك الشخص من وقتو باش يسمعك ما يهمش وش يسمع منك تفاهاتك، مشاكلك، ليستوار تاعك مهم ما يحبسكش حتى ترتاح ولا ترتاحي ! ما يخليكش لرُوحك تعبك و تاكلك، حتى و إن كان الموضوع ما يعنيهش ! ملخر

26/07/2024

ماوالاش يكفيك الليل ! وليت تخمم حتى فالنهار و تتفكر في الحوايج لي جازو و تتخيل صوالح لي مصرواش.. و تبقى ساهي نتا هنا و عقلك بعييد، c'est vrai الدنيا صعيبة و شحاال قسيت mais لازم تُصبر مراحش تستناو فالباطل مدام مولاها ربي خاوتي

25/07/2024

مكانش حاجة إسمها "تنجح" مدام مزالك "تهدر" يا تسكت باش تنجح يا تكمل تهدر و تكمل فالطيحة وصلت ؟... صحيت

25/07/2024

كُل مرة تحكي فيها حكايتك و وشصرالك راح تلقا ٱنو كاين حوايج و أجزاء في قصتك تتبدل بحيث كل مرة تلقا رُوحك تحكي فيها بوجهة نظر مختلفة و جديدة و مع الوقت تروماركي ٱنو الوجع ينقص و الفهم يزيد و شوية شوية تبدا تحكيها كأنك ماكنتش بطل فيها مبعد تلحق لدرجة لي تولي تحكيها من مقعد المشاهدين لي دايمن يخرجوا العبرة من القصة و بالتالي كالعادة تكُون تعلمت درس جديد راح يفيدك في حياتك و يخليك ما تلدغش من نفس الجحر مرتين، يخي وصلت !

01/07/2024

الفكرة تع تنتقم من انسان خدعك ولا ضرك ولا مهما كانت عفسة لي دارهالك نشوفها فكرة بززف عيانة، الإنسان لي دارلي حاجة كما هذي مايستاهلش مني نخسر برانسيب تاعي و النية و ندير مجهودات باش هو يحس بواش راني نحس ! و زيد ما راح نستفاد والو كي هو يحس هكداك، نتا مزالك نتا بقدرك بنيتك بشهادة ربي ملا علاش عليك تدخل في هذو حسابات و لازم نديرلو كما دارلي ولا مانتهناش و نخليه يحس بالكيّة، مشي حنا لي نحاسبو في دنيا هذي كاين ربي و كاين عدالة إلاهية ..

20/06/2024

هيتي جرين، التي تُعرف بأنها "أكثر امرأة بخيلة في التاريخ"، وُلدت في أمريكا عام 1835 لعائلة غنية، حيث كانت الابنة الوحيدة لرجل أعمال ثري. ورثت عن والدها ثروة هائلة بلغت 7.5 مليون دولار. في سن الحادية والعشرين، انتقلت هيتي إلى نيويورك لاستثمار أموالها في وول ستريت، وحصلت على لقب "ساحرة وول ستريت الشريرة".

على الرغم من ثروتها التي قُدرت بأكثر من 2.3 مليار دولار، عاشت هيتي حياة تقشفية بشكل لا يُصدق. تزوجت من مليونير، لكنها استمرت في العيش على بقايا الكعك والبسكويت المكسور من محلات البقالة، وطالبت بالحصول على عظمة مجانية لكلبها يوميًا. لم تكن هيتي مجرد بخيلة؛ بل كانت تعيش بطريقة غير معقولة. كانت ترتدي ملابس قديمة لم تغيرها منذ أن كانت في السادسة عشرة من عمرها، وكانت تخيط ملابسها الداخلية بنفسها وتستخدمها حتى تهترئ تمامًا. لم تستخدم الماء الساخن أبدًا، وارتدت ثوبًا أسود لم تغيره حتى بلى، وعاشت على تناول فطائر تكلفتها سنتان فقط.

تجسد بخل هيتي في حادثة مأساوية عندما تعرض ابنها لكسر في ساقه. بدلاً من أن تنفق المال على علاجه، بحثت طويلاً عن رعاية طبية مجانية. وبسبب تأخرها في العلاج، تم بتر ساقه.

توفيت هيتي جرين في عام 1916 عن عمر يناهز 81 عامًا في مدينة نيويورك. ودخلت موسوعة غينيس للأرقام القياسية باعتبارها "أكثر شخص بخيل في العالم". كان سبب وفاتها سكتة دماغية نشأت عن مشاجرة مع خادمتها التي طالبت بزيادة في راتبها الضئيل.

المفارقة الكبرى أن أبناء هيتي لم يرثوا بخلها. بل كانوا كرماء بشكل ملحوظ، حيث قامت ابنتها ببناء مستشفى مجاني بأموالها، مما أظهر أن الكرم والسخاء يمكن أن ينبعثا حتى من أكثر الأشخاص بخلًا في التاريخ.

18/06/2024

ريح تشو نقلك
لفيمنست مقوسين قالك الأنثى هي لي تبين المفاتن تاعها بكل حرية

علابالك واش يصرا لوكان نكملو كيما رانا..

فالماضي نهار كانت المرأة حاكمة الدار قليل وين تخرج برا.. كان الراجل يسمع المشية تاع مرأة يحس بانجذاب نحوها.. لوكان يشوف خيالها يدخل في تخيلات كبيرة ولوكان يشوف ساقها كي تهبط درجة يدير كابتير ديكرون في راسو و يستعملها عند الحاجة لشهور طويلة هههه
هذا هو قانون العرض والطلب. كان من الصعب باه توصل للأنثى لهذا كانت قيمتها مرتفعة و كي يتزوج يقنع بمرتو مهما كان شكلها والسبب أنه ما يشوفش الف وحدة كل يوم فالشارع و التلفاز و الانترنت... الخ كان لا يملك الكثير من الخيارات راك فاهم..

اليوم صرا شيء يشبه ما يسمى في الاقتصاد بالتضخم كي تزيد الكتلة وتتوفر الأموال لكن تنقص قيمتها..
يعني الراجل يشوف أشكال و انواع كل يوم في كل مكان و جماعة التلفاز bien maquillée
و وانستاغرام يتبع لي مانكان كل يوم يعرضو فاجسادهم سون بيتي و بدون التطرق إلى مواقع الكذا منا ملهيك وين العمليات التجميلية تلعب 10.. يعني كل شيء متوفر فوق الطابلة اذا من الصعب أن الرجل تقنعو زوجتو مهما بلغت من الجمال لكن ماراحش تكون كيما لي مانكان لي خاسرين الملاير على مواد التجميل و ربما عمليات التجميل..

إذا ومنه نستنتج بلي لوكان نكملو هكذا فالمستقبل يرجع البنادم يشوف وحدة أبوال ما يتأثرش وترجع حاجة عادية ناس تمشي عارية ولي يكون ضد التعري ويطالب بستر العورة يقولولو رجعي متخلف..

يعني نرجعو بدائيين بطريقة حضارية..

ممكن تبانلك راني نزيد عليها لكن لا تنسى بلي كاين أمثلة عن كلامي في الحاضر ماشي فالمستقبل من بينها شواطئ العراة لي راهي كاينة في كل البلدان تقريبا وحتى بعض البلدان الإسلامية فيها..
منقول

09/06/2024

09/06/2024

الله أعلم شكون غدوة تطلع 500k بعد لكزامان c'est grâve🤦🏻‍♀️