E-Chrili اشريلي

23/08/2023

الطريقة السهلة لي تجيب بيها بطاقة في نهار واحد و تبدا تشري من الي اكسبراس او دير اعلانات فيسبوك هي Pyypl

صح من عيوبها ان العمولة طالعة شويا (3%) و لكن مقبولة كdépannage و كبديل لغياب بطاقة بايسيرا

أولا افتح حساب بينانس Binance، و لازملك جواز سفر او بطاقة هوية باه توثقو.

راح تقولي كيفاه نفتح حساب و منعرفش و ...

نقولك بلي راهي ساهلة و مفيهاش تعقيدات، فقط نحي الخوف، تيليشارجي التطبيق و تبع الخطوات كامل تلقى روحك صاي فريتها.

و اذا حاب تبع فيديو ولا، تقدر تحوس في اليوتيوب، مثلا هذا فيديو يقدر يفيدك
https://youtu.be/Ky6VTjmS-ks

التوثيق و التأكد من الحساب غالبا يصرا ليه ليه، في نهارها...

ذرك صاي راك حليت حساب بينانص.. نروحو للخطوة الثانية

الخطوة الثانية هي انك تيليشارجي تطبيق pyypl و تفتح حساب و تاكدو بجواز السفر + شهادة الاقامة(نورمال بالعربية يقبلوها عادي)

كيف كيف، الحساب راح يتوثق بسرعة.

حساب pyypl يجي بلا بطاقة، يشرطو عليك تستقبل على الاقل 5دولار باه يعطيوك بطاقة(بطاقة في الحساب)

ال5 دولار هذيك راح نجيبوها من البينانس، و في البينانس الدولار يعيطولو usdt.

هنا راح تقولي و منين راح نجيب الusdt.

كيما موالف تشوف الناس تشري اورو بايسيرا، اورو وايز، كيف كيف كاين حاجة اسمها دولار usdt و غالبا لي تعرفهم في حياتك يبيعو الاورو راح تلقاهم يبيعو الusdt ثاني...

اذن راح تشري usdt من عند واحد ثقة(جارك، صاحبك...)

من بعد تدخل لتطبيق pyypl و دير اضافة رصيد، و تختار بينانس و تشحن الكمية لي راك حابها.

في بضع ثواني راح يوصلوك الدراهم لحسابك في pyypl و تتفعل لك البطاقة و بصحتك راك تقدر تتسوق وحدك...

متنساش، وش كتبت قادر يبانلك بزاف و صعيبة بصح صدقني راهي ساهلة طول و تندار في نهارها.. غير اتحرك برك.

و السلام عليكم.

22/08/2023

عرفتوا كيفاه تشريو وحدكم من Aliexpress ببطاقة Pyypl ولا نديرولكم شىرح؟

13/02/2022

07/02/2022

نعتذر لعدم الرد على الرسائل لتوقف كل المعاملات الخاصة بنا مؤقتا، اما بخصوص الضريبة المفروضة عند الشراء بالانترنت فهذا ملخص لها :
المنتجات التي سعرها بين 0.1 و 70 دولار او ما يعادل 10000 دج، لا تدفع عليها أي رسوم .
المنتجات التي يتراوح سعرها بين 70 و 500 دولار، او بين 10000 و 100000 دج، تدفع عليها رسوم بين 70 و 160% ، حسب اَخر تحديث لقانون المالية 2022، حسب المادة 138 و المادة 136 من قانون الجمارك الجزائرية.
المنتجات التي تكون قيمتها بين 500 و 1000 دولار، او بين 100000 و 200000 حتى 300000 دج، تحتاج إلى تصريح شرفي و عادة تحتاج الى الكثير من الاثباتات ان الهدف ليس تجاري، إضافة الى دفع رسوم بين 70 و 160%.
المنتجات الممنوعة : جميع انواع اسـ لـ حة ، المناظير الليلية و لباس الجيش و كل ما له علاقة بالجيش ،الدرونز او الطائرات التي يتحكم فيها عن بعد ،معظم انواع الادوية ،المنتجات الغير اصـ لية التابعة لاي ماركة ،جميع الادوات مثل كاميرات صغيرة او نظارات بكاميرات او ادوات تسجيل الصوت ،جميع المنتجات التي هدفها جـ نـ سي، الخمور و ما يشابه ،كاميرات المراقبة و اجهزة التتبع GPS ،الساعات الذكية التي تحمل كاميرا ،الليزر بجميع احجامه و أنواعه، لواقط الوايفي و أجهزة القـ رصـ نة والإخـ تـ راق ،بعض أنواع البطاريات التي تشحن بالطاقة الشمسية ،المعدات الطبية ،المواد القابلة للكـ سـ ر كالاواني و انابيب الإضاءة ، مواد كيميائية و بعض مواد التجميل ،اَلات ذات استعمال غـ ريـ ب او غير معروف ،اجهزة الر اد ار، المـكـملات الغذائية ، العاب على شكل اسـ لـ، حة او مسد سات .

25/11/2021

دير في بالك الحاجة لي تشريها من الأفضل متفوتش 70دولار و إلا تسلك عليها ضريبة. لا ننصحكم بشراء الهواتف حتى يظهر القانون ويتضح كل شيء.

20/11/2021

المفيد منا و جاي مكانش هاتف تع زوالي
اوتوماتيكمون رح تطلع جميع الاسعار هنا على الاقل بقيمة تع مليون او اكثر
ربي يجيب الخير وخلاص

20/11/2021

انتهت رحلة تسوق في الجزائر ...😔
نائب برلماني فارس رحماني أكد ذلك تمت الموافقة على مليون سنتيم وفوق المليون تخلص ضريبة
منقول من صفحة Best Coupons

12/11/2021

👈ارتفاع الأورو من جهة
👈نقص المخزون و التصنيع من جهة أخرى(كاينة ازمة)
شك كبير راح تزيد أسعار الهواتف في الخارج و بالتالي في الجزائر(حنا فبلادنا السعر بلا ميزيدولو فالخارج و يطلع فما بالك كي المخزون مكانش و الاورو غالي...) هذوك الأسعار لي رانا موالفينهم مشكيتش راح يبقاو، يعني يولي الهاتف الاقتصادي ب3ملاين على الأقل.
✔️تبقى ف الBlackFriday كشما يهبطو شويا الأسعار...

12/11/2021

السلام عليكم لم نضع عروض كثيرة بتخفيضات 11.11 لانها تخفيضات فاشلة جدا
تخطي ما تكونش افار شابة(فرق تاع +5000دج) رانا منحطوهاش أصلا