08/09/2026
يقولك ناس بكري: «الخير وخيرلو»… بصح ما قالولناش بلي الخير تاع اليوم يقدر يجي معاه بلوكاج غدوة
عيطتلي وحدة قالتلي:
«كاين قط تاع الشارع تعرض للدهس بسيارة، نقدر نجيبهولك؟»
قلتلها: «بما أنه قط تاع الشارع، نتكفل أنا بمصاريف علاجه، غير جيبيه.»
قالتلي: «تحكموا؟»
قلتلها: «ما نحكموش، عندي ظروف.»
قالتلي: «غير اليوم برك، أنا غايبة وغدوة نجي نديه، من فضلك.»
قلتلها: «متفاهمين، جيبيه اليوم.»
غدوة عيطتلها، قالتلي:
«سامحني، ما نقدرش نجي اليوم… نخليه حتى لغدوة.»
قلتلها: «ما عليناش، غدوة.»
غدوة؟ لا حس لا خبر.
نبعتلها في الفايسبوك… ما تردش.
نعاود نحاول… والو وفي الأخير؟ بلوكاتني
خلاتني نراجع علاقتي مع الانسانية
بعض الناس ما يكرهوكش في الخير…
يكرهوك في المهنة كاملة.
ومن بعد يسقساوك: «علاش وليت ما تحبش تستقبل الحالات؟»
هاكم الجواب. 🙃
المهم المنشور ليك يا بنت الناس ارواحي تدي القط ولا لومي غير روحك
