10/08/2025
⛔ لو بتفكر تشتري INFINIX GT 30 PRO
هقولك رأيي 👈 جهاز جميل 👉
بس في عيوب مخفية هي مربط الفرس ✋
-
البوست فيه فضايح بالكيلو 😉
لايك وانت معدي ... هنكسر الدنيا 🔥
-
التصميم :
🟢 الجهاز له هوية ومفيش تقليد للتفاحة + وزن خفيف 189g
🟢 داعم "لنض وكهارب" بتنور ف الضهر (شغل صيني علي ابوه) 😅
⛔ لكن معيار مقاومة مياة iP64 اقل من المنافسين ، وخامات بلاستيك مش اجدع حاجة
-
🟢 واحدة من أفضل الشاشات في سعره 😠😡
شاشة 6.78 اموليد 144hz بسطوع محترم 1600nits ، ومعدل تعتيم عالي 2300hz ، باعلي دقة ف السعر 1220×2712
-
🟢 افضل اداء لحد 30 الف بدون مبالغة.
معالج mtk8350 مع ذاكرة UFS 4.1 مع سوفتوير خفيف.
اختصاراً للوقت ده اعلي كومبو اداء وسرعة ممكن تاخدهم تحت 30K ، يتفوق بفرق الضعف عن 7 Gen3 في الموبايلات المحلية.
ويتفوق حتي ع الرينو ١٤ ف الذاكرة UFS 4.1 بدل 3.1 ، ويتفوق ع البوكو ف السوفتوير الاخف وليلة كبيرة سعادتك 🤨
-
🟢 كاميرا أساسية شغالة 108MP بمستشعر محترم Samsung HMX لكن معالجة الصور مش قوية
🔴 كاميرا زاوية واسعة ضعيفة 8MP بمستشعر قد حبة الرز 1/4.4
🔴 سيلفي متواضع 13MP بفتحة عدسة f/2.2 اداءها عادي !
زي الاكس ٧ برو كاميراته الاساسية يعتمد عليها لكن الواسعة والسيلفي أي كلام 🤷
-
الجهاز اعتمادي بمعاييري الشخصية ؛
🟢 بصمة شاشة سريعة.
🟢 مستشعر مكالمات حقيقي.
🟢 شبكات وواي فاي ممتازة.
🟢 طبقة حماية الشاشة CG 7i
🟢 داعم ir blaster و NFC
🟢 داعم بلوتوث 5.4
🟢 داعم صوت ستيريو محترم JBL
🟢 داعم ازرار تريجر للجيمرز
🟢 داعم جايروسكوب حقيقي.
🟢 كارتونة كاملة ومعاه مروحة تبريد.
🟢 داعم شحن لاسلكي ميزة عبقرية الحقيقة
-
⭕ عيوبه بالنسبالي ⭕
⛔ كاميرات الجهاز ليست الاقوي ( خصوصاً الوايد انجل والسيلفي )
⛔ خامات الجهاز بلاستيك رخيصة وتقفيل الاجزاء الداخلية متكروت .
⛔ بطارية 5500mAh علي معالج سفا.ح و 144hz و 1220p كان محتاج 6000mAh اقل واجب*
الجماعة بتوع السوفتوير الخفيف ياحمادة ده مش IOS عشان مانحرقش كتير 😉
⛔ داعم سنتين تحديثات اندرويد فقط.
⛔ انفنكس سوقها تقيل ف الاجهزة الغالية هيتعبك في حال اعادة البيع
-
⭕ السعر ⭕
19099ج نسخة 512/12
ومعاه سماعة هدية حجز
+ مروحة تبريد موجودة بالعلبة.
لو نزلوا نسخة 256/8 بسعر اقل كان هيبقا صفقة بس التوكيل بيحب يبيع بس 😉
-
⚜️ رأيي الشخصي ⚜️ 8/10 :
الجهاز عبقري وتجربة فعلاً هتعجبك❗
لو شيلنا "لوجو انفنكس" الجهاز كتجربة فعلية يدمر كل موبايلات سعره تماماً
Realme 14
Galaxy A56
Honor 400
فيما عدا الكاميرات طبعاً*
⚠️⚠️ ولكن ⚠️⚠️
سعره برا يوازي 15000
المفروض ينزل ف رينج 16 أو 17 الف
بالتالي التوكيل نا.صب ع الناس ف 2000ج مقفولة زي ماعمل في النوت ٥٠ اس 😉
وباعلك السماعة الخردة بالعافية الف مبروك
-
وسواء نزل ب19 او حتي 16 شايفها مخاطرة الاستثمار في انفنكس بالسعر
العيب مش في الجهاز ده أصلاً سفاح بل في الضمان❗
خدمة ما بعد البيع "مش تمام" اقل وصف يقال علي ضمان CarlCare
يعني لو حطيته جمب الاكس ٧ برو الدولي هتلاقي طولها زي عرضها واعتقد كفاية فضايح 😉
-
⛔ الانتشار والاحتفاظ بالقيمة ⛔
لو اشتريت الجهاز و قررت تبيعه بكرة .
هتسمع فيه 13000 بالكتير
صاحب المحل : "سوقه تقيل يابو عمو"
"موبايلك بياخد قيمته من اجماع الناس علي قيمته بغض النظر عن صحة رأيهم أصلاً"
الحقيقة : "جهاز تحفة فنية"
الناس شايفة : "انفنكس ايه ياعم؟"
-
لو جيمر و ميزانيتك تحت 20000ج
أنا بقولك اهو 👈 اشتري الجهاز 👉
طبعاً داخل الترشحيات احنا هنهزر❓
ده بيلعب مع الرينو ١٤ والاكس ٧ برو❗
مع الاخذ في الاعتبار 👇
⛔ الجهاز مش مخزن للقيمة نهائي ⛔
-
تفاصيل بالعبيط ياجدعان 😂
خليك ايجابي وشير البوست بحيث نعمم الفائدة 😉
تحياتي..
- إسلام أسامة ✍️
