06/05/2024
"غريبة الحياة و ازاي بتجربك تكون شخص مختلف عن اللي اتمنيته!!"
اتولدت لاقيت ابويا و امي منفصلين و كل واحد فيهم في اتجاه؛ كانوا ديمًا بيحاولوا يبينوا انهم تمام و متفاهمين عشاني لكن كنت عارفة الحقيقة و بسمعها كل ليلة بابا بيبقى فيها عندنا و ماما تقولي اروح انام..
عن أد ايه هو شخص اناني و بيديلها فلوس مبتكفيش و أد ايه هى كل اللي عايزاه انها ترميني عشان تتجوز.. حتى لو دي كانت مجرد اتهامات لبعض بس متخيلة احساسي كطفلة و انا بسمع دة؟
كبرت و كبر جوايا احساسي اني حمل تقيل على اللي المفروض يشيلوا حمولي عني! بابا توفى و ماما جوزتني لأول عريس اتقدملي و كانت حجتها: "مش هعيشلك العمر كله.. و انتي عودك بقى فاير و العين هتبقى عليكي"
و اتقفل علينا باب واحد.. و اكتشفت انه مدمن من اول ليلة جواز.. فضلت فترة اشمئز منه.. لحد ما شوية شوية خدني في السكة دي معاه و حبيتها.. و حبيته..
- انتي عارفة انتي هنا ليه؟
نظرت إلي متلهفة ثم قالت: "انا من يوم ما فوقت و انا بسأل و محدش بيرد!"
- لما الشرطة لاقيتك كان في كمية مخدر كبيرة في دمك و جنبك جثة جوزك شهاب اللي حقنتيه بحقنة هوا في الغالب كنتي فكراها مخدر برضه..
تلألأت عينيها الجميلتين بالدموع و ظلت توجه رأسها يمينًا و يسارًا و كأنها لا تريد تصديق ما اقول ثم قالت و هى تنخرط في البكاء: "ارجوكي قوليلي شهاب فين؟ انا مكنش ليا غيره!"
- انا قولتلك اللي حصل يا سما..
اخذت تصرخ و قبل ان تنقض علي دخلت ممرضتان من باب الغرفة و امسكتا بها و قالت احداهن: "اتفضلي يا دكتورة نازلي.. شكلها محتاجة مهدئ تاني"
