12/05/2019
يوميات عائلة سورية
الزوجة : شو بدكن تأكلوا بكرة ؟
الزوج : أي شي .
الزوجة : يعني شو أي شي؟ أنت ما بدك حتى تساعدني باقتراح.
الزوج : أعمليلنا بامية و رز.
الزوجة :قريضة تقرض البامة من يومين عملناها!
الزوج : طيب شو رأيك فاصولية حب
الزوجة: تقيلة ع المعدة بهالشوب
الزوج : أعملي محشي
الزوجة : والله مالي خلق احفر واحشي واطبخ
الزوج : طيب شوفي أي شغلة سهلة و موجودة عندك و أعمليها و خلصينا
الزوجة : يعني مافي مرة بدك تريحني وتجاوبني , دايماً مريح حالك انت
الزوج : شو رأيك ناكل أكلة خفيفة, مثلاً علبة طون و جبنة و زيتون؟
الزوجة : خلص خلص أنا عم فكر أعمل معكرونة و شوية بطاطا مقلية وسلطة؟
الزوج : الله عليك و على أفكارك يؤبشني الفهيم
الزوجة : هاد اللي أنت شاطر فيه بس.
والمسا اتصال تليفوني من الزوجة للزوج:
الزوجة : ألو جيب معاك كازوز انت وجاي لأن جبنا فروج مشوي
الزوج : أنتي مو قلتي رح ناكل معكرونة و بطاطا؟
الزوجة : و الله مافضيت لأنو من وقت فقت و أنا عم أغسل و اشطف و حمم القرود ولادك ونضف الزريبة اللي عاملينها بالبيت
الزوج : شو البارد يلي بدك ياه.. سبرايت" و لا "سفن أب"؟
الزوجة : أي شي
الزوج يرجع ع البيت و يجلس ع الطاولة و يمد أيده ويطالع زجاجة"سبرايت " من الكيس و يضعها على الطاولة
الزوجة : شو هاد..؟ يعني مابتعرف تجيب سفن أب ؟ أنت دايماً ذوقك غريب هيك
الزوج مد أيده للكيس و طالع زجاجه (ثانية) سفن أب وحطها على المائدة.
الزوجة : أي بعزق بالمصاري و آخر الشهر قلي وين بيروح المعاش, عرفت يا سيدي المعاش وين بيروح..؟
الزوج : يأكل في صمت.
الزوجة : ما قلتلي , شو بدكن تاكلو بكرة.. ؟
الزوج : شلل نصفي
😂😂😂😂😂😂😂😂
منقول...
