Youssef mohamed

Youssef mohamed الشعر ��

24/07/2022

قصيده/
مستني رايكم في الكومنتات وماننساش اللايك ولو القصيدة عجبتكم اعملوا شير كتير 🤍🤍🤍

08/05/2022

رايكم مهم جدا 🤍🤍
سيبو رأيكو ف الكومنتات 💙🌸

06/05/2022

طب مين جديد معانا هنا 🤍

06/05/2022

وسط العواصف والمطر ..
أدركت ان انا ف خطر ..
مش بس م البعد المفاجئ ..
ولا حتي مين فينا اللي صادق ..
أصبح في الف سيناريو بادئ..
بعد بعد بعادنا ايه ..
الطريق كان ضلمه جدا ..
بس فرض اني امشي فيه ..
لازم أثبت لما الاقي ..
قلبي بقي مجني عليه ..
طفل جاهل درس عربي ..
وكهل مُدرك أنه عجز ..
شاب كسل يصحي بدري ..
مارحش شغله وراح مأجز ..
الف عركه ف صدري قايمه..
وعقلي مش قادر يحجز ..

#القيصر

06/05/2022

من اخر نقطه ف قاع الليل ..
بكتبلك قصه نهايتنا ..
ف مفيش داعي اننا نتعاتب ..
وياريت نظهر علي حقيقتنا..
انا وانتي خلاص مبقاش بينا ..
اللي نزين بيه نهايتنا ..
لا انا عندي مشاعر تنفعلك ..
ولا عندي حنين لحاجات فاتت ..
الذكرى مابينا دي يادوب ورده ..
وف نهايه النص ..تكون ماتت ..
ف ده اخر يوم ..
وانا اسف أني فيوم جيتلك
ووعدك أن حياتنا تدوم ..
انا وانتي خلاص أصبحنا يادوب ..
اوجاع مستورة ف شكل هدوم ..

#القيصر

06/05/2022

ولعت النور ..
وطفيت الضلمه اللي بتسكن
ف زوايا الروح من ركنتها ..
ورميت احلامي عشان أدركت
أنها بتخالف حقيقتها ..
وقلعت الوش ..وورضيت بالغش
اتهمت خوفي علي فروعها
ب أن انا بمنع تكوين العش ..
اللي هيجمع روحي بروحها
وهيقفل مرة علينا الباب ..
ف ظهرت اليكم بحقيقتي
علشان ماتقولش أن انا كداب ..
كانت ارضي وانا نور الشمس
هي اللي اختلقت بيننا سحاب..
وعشان الحمل مايتقلشي .. انكسر الباب 🖤

#القيصر

06/05/2022

مد الشتا ايده اليمين للقدر ..
قام القدر رد السلام والتقوا ..
كل اللي عافروا ف الخريف والموج
آن الأوان علي سهوه يتغرقوا ..
‏شط النصيب جمع قلوب ..
‏رعد السحاب صحي الذنوب ..
‏راح قرر الخاين يتوب ..
‏و مفيش رياح راح تلحقوا..
‏ساب الشتا ايد القدر ..
‏ولتاني مرة اتفرقوا ..


#القيصر

06/05/2022

ولعت نور القمر علي عتمه الاوجاع ..
شقق وريد الدم اغراء ل دراكولا ..
دراكولا كان صعبان عليه ..
يشرب مكان طعنات سببها كان غوله ..
كل الديابه آمنوا حياتي ..
فور إدراك انخداعي ف قصتي الأولي ..

كام سلسله فضه ..شنقوني قبل النوم ..
نزلت دموعي عليا علي شكل مكركروم..
طيب جراحي لما فارقتني ..
دهنت حيطان الشفا مساحيق فصوص التوم

#القيصر

06/05/2022

انا عارف ان انا مش توبك ..
ولا حتي يصح تقولي ف يوم
إن انفع أصبح محبوبك ..
طب حتي ياريت مرة تقولي ..
إن انا من كفر ف ذنوبك
علشان مجنون ..
وبشوفك جوا عيوني الكون
وبشوفك من غير ما بريدك ..
ازاي راح اوافق اكون جنبك ..
وانتي الاوجاع ماليه وريدك..
وانتي الأشخاص ماليه بريدك ..
مراسيل علشان تبعدي عنهم ..
ازاي والهجر أما يجيلك ..
بيكون من ناس اصلا منهم ..
انتي اللي اختارتي تكوني ليهم ..
استقوي عليا عشان جيتلك
واستقوي عليكي ببعضيهم ..

ف انا برضو هبيع..
ف بدون مانقول اني مفارق
ولا حتي نزوق ف المواضيع
إن انا تعبان ..والراحه البعد
أو أن انا بخلف اول وعد ..
إتولد أما انتي صارحتيني ..
وان انا كده بعمل أفعال ..
منبوذه ف أخلاقي وديني ..
بس انتي بجد كسرتيني ..
وكسرتي ف عيني حاجات لمعت
من اول مره وجعتيني ..
وسندتك علي كتفي ف وجعك ..
وعشان تقفي ف طعنتيني

انا ليه بقتلني ف كل غياب ..
وافرشلك جوا ف عيني سحاب ..
يتحدي الشتا مطره غزاره ..
وعشان الوحده بترتاحلي
ف انا قلبي شرايينه عذاره ..
وكان الفرح وليد لحظي. .
لا يجوز أن تنجبه بكارا..

#القيصر

07/03/2022

وده مش ضعف بالمرة يادوب كلمه وكام احساس ..
انا الحد اللي باع روحه ك سلعه يتاجروا بيها الناس ..............................................................................
مش قادر استوعب فكرة خلاص خلصت ..
مش قادر اتأقلم علي الاوضاع انا بدونك..
كان كل مرة تغيبي فيها عن حياتي ..
ببقي عارف ليا حق ف اني اتخيل عيونك ..
عيب عليا ف اني أفارق ..عيب عليكي انك تغيبي ..
هجر ايه اللي ياخدني منك انتي اصلا من نصيبي ..
عشت اعافر لأجل ما اسمع من شفايفك يا حبيبي ..
شكله حلو الطقمه ده ..اه حقيقي يليق عليك ..
أو نصيحتك مش طبيعي اي حد يكون صديق..
كنتي نعمه الضهر واللمه..كنتي اسم علي مسمي ..
كنتي عيله وكنتي امه..كنتي لحياتي الطريق ..
صعب جدا ع اللي شارك ..أنه يبعد ع الشريك
خدتي حقك بدري بدري ..قولتي عني خلاص ببيع ..
فاكرة لما قولت مرة اني من دونك بضيع ..
ادي حالنا انا وانتي حالا ..قصه خلصت ف السريع ..

#القيصر

Address

Alexandria

Telephone

01227752786

Website

Alerts

Be the first to know and let us send you an email when Youssef mohamed posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Youssef mohamed:

Shortcuts

Share

Category