The Queen's Store

27/08/2026

روحت اتبرع لمستشفى أبو الريش للأطفال ، وأول ما وصلت شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدرو ويساعد )
#منقول

19/08/2026

ارحمونا بقى بجد مش كده 😑🤧

13/07/2026

قرارات العام الدراسي الجديد 2026-2027
التفاصيل الكاملة
أولًا: المرحلة الابتدائية
✅ الصف الأول الابتدائي
• لا تغيير في المناهج.
• لا زيادة في المواد.
• استمرار منهج الرياضيات الياباني.
• التدريس سيكون بلغة المدرسة:
🔹 عربي للحكومي.
🔹 إنجليزي/لغات لمدارس اللغات.
✅ الصف الثاني الابتدائي
• نفس نظام أولى ابتدائي.
• يوجد نجاح ورسوب.
• شرط حضور 60٪ من أيام الدراسة.
• التركيز على:
📖 القراءة
✍️ الكتابة
➕ الحساب
• التغيير الوحيد في الرياضيات بالنظام الياباني.
✅ الصف الثالث الابتدائي
• المناهج كما هي.
• تطوير مادة الرياضيات فقط بالنظام الياباني.
• لا زيادة في أعمال السنة أو المواد.
مهم:
منهج الرياضيات الجديد لن يُدرس باللغة اليابانية، بل:
🔹 بالعربي للحكومي.
🔹 بالإنجليزي للغات والخاص.
✅ الصفوف:
رابعة – خامسة – سادسة ابتدائي
• المناهج كما هي.
• تطوير مادة العلوم فقط بمنهج حديث مستوحى من النظام الياباني.
• التدريس بنفس لغة المدرسة.
📅 المناهج الجديدة ستصدر يوم 15 يوليو المقبل.
ثانيًا: المرحلة الإعدادية
✅ أولى وتانية إعدادي
• لا تغيير في المناهج.
• لا مواد جديدة.
• لا تطوير ياباني أو صيني
• يوجد احتمال تخفيف لبعض الأجزاء في:
🔹 العلوم
🔹 الدراسات
🔹 الرياضيات
مع الحفاظ على نواتج التعلم.
✅ الصف الثالث الإعدادي
تغيير شامل في جميع المواد
❌ ما عدا اللغة الإنجليزية كما هي.
• المناهج الجديدة بالكامل.
• لا يوجد منهج ياباني.
• لا توجد درجات أعمال سنة.
ثالثًا: الثانوية والبكالوريا
✅ أولى ثانوي / أولى بكالوريا
• النظام كما هو.
• إضافة مادة جديدة:
💰 الثقافة المالية
📌 أون لاين فقط.
📌 بدون نجاح ورسوب.
📌 بدون كتاب مدرسي.
✅ الصف الثاني بنظام البكالوريا
🚨 تطوير شامل في:
➕ الرياضيات
⚗️ الكيمياء
⚡ الفيزياء
🧬 الأحياء
• المناهج ستكون بمخرجات تعلم مستوحاة من النظام الياباني.
• التدريس سيكون بلغة المدرسة.
📅 المناهج الجديدة منتصف يوليو المقبل.
✅ الصف الثاني الثانوي العام
• النظام كما هو بدون تغييرات.
✅ الصف الثالث الثانوي
• لا تغييرات.. كما كنت.
رابعًا: التعليم الفني
🚀 مفاجأة التعليم الفني:
إطلاق نظام البكالوريا التكنولوجية
✅ مسارات متنوعة.
✅ أكثر من محاولة امتحانية.
✅ إمكانية تحسين المجموع.
✅ تطوير كبير في شكل التعليم الفني.
📅 موعد بدء الدراسة
🚨 العام الدراسي الجديد سيبدأ مبكرًا عدة أيام عن العام الحالي
🔥 باختصار:
العام الدراسي الجديد يحمل تغييرات قوية في بعض الصفوف.. واستقرار كامل في صفوف أخرى.. مع دخول أنظمة تعليم حديثة مستوحاة من التجربة اليابانية 📚🇯🇵
منتشر على وسائل التواصل الاجتماعي

28/03/2026

03/03/2026

Celebrating my 7th year on Facebook. Thank you for your continuing support. I could never have made it without you. 🙏🤗🎉

07/09/2025

اللهُم أرحمنا إذا بَرق البَصر وخسَف القمر وجُمع الشمس والقمر، اللهُم أجعل خسوف القمر هذا رحمة لنا ولا تؤاخذنا بِذنوبنا ولا تُنزل غَضبك علينا وأغفرلنا وأرحمنا يا أرحم الراحمينلَا إِلٰهَ إِلَّا اللَّهُ، وَحْدَهُ لَا شَرِيكَ لَهُ،
لَهُ الْمُلْكُ، وَلَهُ الْحَمْدُ،
وَهُوَ عَلَى كُلِّ شَيْءٍ قَدِيرٌ
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، وَسُبْحَانَ اللهِ بُكْرَةً وَأَصِيلًا
رَبِّ هَبْ لِي حُكْمًا وَأَلْحِقْنِي بِالصَّالِحِينَ