22/04/2026
. بما اني بطلت ليزر العيادات واتجهت لليزر المنزلي
تحبوا اقلكم تجربتي م الاخر بعد اكتر من ٣ شهور استمرار والتزام ؟؟ الإيجابيات والسلبيات بكل حياديه..
بوست طويل ودسم ومفيد وفيه الخلاصه. .. إعملي save وشير لصاحبتك المهتمه بالليزر وهاتي قهوتك وتعالي...
🔴 أول حاجة: إيه الفرق بين الليزر في العيادات والليزر المنزلي؟ 🤔
حتة علمية كدا 🤓🥸
🔹️ أولًا: الليزر هو إشعاع له طول موجي معين بيتوجه للبصيلة عشان يحرقها أو يمنع وصول الغذاء لها فتموت… وده بيفسر ليه فيه أجهزة مختلفة في العيادات نتيجة اختلاف الميكانيزم بتاع الليزر.
🔹️ الليزر المنزلي أو بمعنى أدق الـ IPL هو الضوء العادي بتاعنا اللي فيه أطوال موجية مختلفة، بس بيتفلتر وبيخرج منه أقرب طول موجي لليزر.
👍 كدا بقينا متفقين إن الليزر المنزلي مش ليزر… هو ضوء مركز ومتكثف عشان يحرق البصيلة، فهو مش بنفس القوة…
لكن مع الانتظام عليه هيوصل لنفس النتيجة.
🔴 طيب إيه مميزات أجهزة الـ IPL؟
✔️ أول ميزة هي الـ Privacy
✔️ كونه مش بنفس قوة الليزر ده قبل ما يكون عيب فهو ميزة… يعني احتمالية الحروق أقل بكتير
✔️ التوفير: هتشتري الجهاز وتعملي Full Body لمدة ٥ سنين بتمن ٢ أو ٣ سيشن من العيادة
✔️ توفير وقت الانتظار والزحمة ومواعيد العيادات
✔️ أهم ميزة بجد: مفيش انتقال أمراض… خاصة مع انتشار فيروس الورم الحليمي بسبب بعض عيادات الليزر
🔴 ما هو أفضل جهاز لإزالة الشعر في المنزل؟
بالنسبالي أفضل جهاز هو ملاي T14
لأن:
✔️ قوي (2 Pulse في الثانية)
✔️ فيه تبريد عالي
✔️ فيه عدسات منفصلة (لو باظت العدسة مش هتشتري جهاز جديد)
✔️ فيه 500 ألف نبضة (يقعد معاكي على الأقل ٥ سنين)
⚪⚫🔵 🔴نيجي بقا لتجربتي⚪⚫🔵
مبدائيا أنا كنت عامله ٧ جلسات ليزر عيادات.. بيكيني واندر ارم.. وكانوا علي فترات متباعده بسبب الحمل
الايد والرجل معملتش ليزر خالص هقولكم علي التركات اللي فرقت معايا وادتني نتيجه أسرع واحسن:
١_أول حاجه الشيفنج.. بالخبرة والتجربة اكتشفت إنه أفضل يتعمل قبل الجلسه ب ٦ ساعات.. يعني مثلا تعملي شيفينج الصبح وجلستك بليل..ودا لانه بيساعد الومضه تضرب بصيلة الشعر لكن لو استنيني يوم او آتنين بعد الشيفنج بيكون الشعر بدا ينبت ف الضوء بيستهلك ف ضرب الشعرايه مش البصيله.. طبعا مترطبيش بشرتك قبله ولازم علي بشرة نضيفه
٢_بدأت ب باور ١ وزودت تدريجي لغايه م وصلت ل ٤ ف الايد والرجل.. التركايه بقا إنك تعيدى ع المكان من مرتين ل ٣ ف نفس الجلسه.. يعني هتعملي الايد اليمين وتخلصيها وتروحى للشمال.. وترجعي تآني لليمين وبعدها الشمال وهكذا ٣ مرات
٣_ بعد م بخلص بحط لوشن بانثينول أو سيكا كريم مش بحتاج مضاد حيوي لان كدا كدا الجهاز الحمد لله متعقم.. لو حسيت بسخونه ف مكان كأنه اتلسع زيادة بحط ميبو.. بنحافظ علي الترطيب اللوشن كل يوم.. التركايه اللي هنا بقا انك م اليوم الرابع تحطى زيت السعد زى بتاع روزى او لوشن فيه زيت السعد زى بتاع فاليبك بيفرق كتير
٤_ التركايه في عدد الجلسات.. ف البدايه.. كنت بعمل جلستين ف الاسبوع.. لمدة شهر.. والشهر التاني الشعر بدا يتأخر ف الظهور ف بقيت أعمل كل أسبوع جلسه.. الشهر التالت جلسه كل أسبوعين
اللي لاحظته من اول اسبوع الشعر بيطلع ببطء.. الشعرايه كمان بتطلع ضعيفه.. والبيكيني بيطول شويه لكن مع الاستمرار الشعرايه ارق وفي امكان بدأت تبقي فاضيه
طبعا بعقم الجهاز بعد كل استخدام برش كحل علي الودانه وبمسح العدسه
لو في اى اسئله أنا معاكم. اتمني تكونوا استفدتوا ❤️
ولو عجبك البوست ياريت تعملي لايك وكومنت و شير لان التفاعل ده بيخليني أستمر انزل نصايح وريفيوز وعروض..
