03/09/2026
للأسف كنت شايف الناس بتقول بتعمليها ازاي يا سامسونج
بص يا صديقي الايفون نفسه احتمال كبير اوي يرفع ٢٠٠ دولار و ده طبعا بما يعادل زيادة في حوالي ١٠,٠٠٠ جنيه مصري
كل الشركات هترفع و نسب الزيادة هتكون كبيرة متقولش علي شركة بتعملها ازاي علشان القصة كلها انها لسه مزودتش مش اكثر…
و من الاخر كده حاول اتعود علي تحريك اسعار الفئات بمعني ان النهارده اقل موبايل اقتصادي هيكون في حدود ١٠,٠٠٠ جنيه و اه معاك مش هتلاقي امكانياته وااااو و هتلاقي عادية
و ده طبعا مش عاجب حد حتي الشركات نفسها كله عاوز العجلة تمشي و كله يشتغل بس ده غصب و الله انت مش مصدق ان الأحداث اللي حوليك فعلا مأثرة في العالم كله براحتك بس ده حقيقة و مش هنا بس
يمكن انت بتحس شوية زيادة في مصر علشان مستوي الدخل فقط لا الزيادة ده موجودة عالميا
امال ايه الفرق بين الشركات لما تلاقي شركة منزلة موبايل X و شركة تانية منزلة موبايل Y و الاثنين بنفس السعر او واحد اعلي من واحد ٢٠٠ او ٣٠٠ جنيه
و تلاقي X حاطة امكانيات اعلي من Y ساعتها انفخ Y و انفخ اللي هيطبل ليها غير كده طول ما الفرق بين الموبايلين تخطي ١٥٠٠ جنيه متعاتبش حد علشان و الله في ناس فارق معاها انت مش فارق معاك روح اشتري اللي بيقدم مواصفات علي مزاجك لكن في ناس فعلا بيفرق معاها ١٠٠ جنيه صدقني الله يكون في عون الناس 🤍
و يبقي السؤال الأهم امال ايه فايدة التصنيع المحلي…؟
تعالي نتناقش في الكومنتات ♥️
#تقنية #سامسونج #اسعارنا #المولدالنبوي
