https://www.facebook.com/101507909548799/

TAYA Brand Store, مصر, Cairo (2026)

29/05/2024

بارك الله لكما و بارك الله عليكما و جمع بينكم في خير 💙💦

مناديل كتب الكتاب متوفرة بأشكال كتير و بأي ديزاين تحبوه ♥️♥️♥️

28/05/2024

البتاع ده حلو يا عيال على ضمانتي ♥️
ده عبارة عن اسبراي لفروة الراس بيقلل التساقط و بيساعد الشعر يطول 💜
قوامه خفيف جدا جدا جدا و ريحته حلوة مش ريحة توم شبه ريحة برفان قديم كده بس مش عارفة اسمه بس في كل الأحوال الريحة مش بتفضل كتير في الشعر و بتروح 😂
بجد لذيذ و سعره بسيط بالنسبة لفوايده هو بيبدأ من 150:200 جنيه على حسب المكان اللي انتو فيه أو هتشتروه من مين هو ناقص شوية في الصيدليات بس متاح أونلاين على بيدچات إنستجرام كتير،أنا لما طلبته جبته من واحدة أعرفها و مكانها قريب ليا لكن معرفش مين تاني بيوفره فممكن تتعبو شوية و تعملو سيرش ♥️
المنتج الأصلي بيكون زي اللي في الصورة علبة كبيرة مغلفة و جواها عبوتين واحدة كبيرة وواحدة صغيرة بنفضيها جوة الكبيرة و نرجها كويس و نرش منها كل يوم على فروة الراس مش على الشعر ،العلبة من برة بتكون مطبوعة عليها صورة التوم ببروز شوية عنها و كذلك لوجو الشركة و من جوة بيبقى اللوجو مكتوب بخط بارز على العبوتين و معاه كتالوج للاستخدام و بيوضح باقي الأنواع من المنتج لأنهم كذا نوع (للتساقط و القشرة و الإنبات ..الخ) المجموعة الكاملة تحتوي على الاسبراي و زيت و شامبو و بلسم و أكيد تأثيرها أقوى لو مع بعض
#ملحوظة أنا مش ببيع المنتج ولا بكسب منه ولا بعمل عنه إعلان لكنه منتج جميل يستحق الترشيح

💙💦

27/05/2024

الزيت ده قمر مالوش وصف غير كده ♥️🌕
قوامه خفيف جدا و مش بيسيب ملمس دهني على الشعر و ريحته جميلة و بتثبت في الشعر و الإزازة كبيرة و بتفضل وقت طويل و سعره مقارنةً بباقي الماركات رخيص أوي الإزارة الكبيرة دي عاملة(150) جنيه و بتكفي شهرين تلاتة على حسب الاستخدام و طول شعرك و كثافته.. متوفر في الصيدليات في كل مكان تقريبا بس ممكن يكون فيه فرق مش كبير في السعر و كمان شكل الإزازة بيبقى مختلف من الشركة نفسها و لو مش متوفر عندكم تقدرو تطلبوه من بيدج الشركة على انستا https://www.instagram.com/hepta.panthenol?igsh=dnF5aDgzY3o2Zzdl

او على الفيس بوك
https://www.facebook.com/Hepta.Panthenol?mibextid=ZbWKwL
الشركة مصرية مش مقاطعة فاشترو بقلب جامد ❤️❤️
الزيت ده بيحافظ على الشعر و بيرطبه و بيخفف الهيشان و بيخلي الشعر مظهره صحي أكتر و متاح منه كريم بس أنا مجربتوش و معرفش تأثيره لكن كل الناس اللي عملو عنه ريڤيوز قالو إن الكريم كمان حلو فاللي شعرها بيحب الزيت تشتري الزيت و اللي شعرها بيحب الكريم تشتريله كريم و ادعولي ♥️😂
#ملحوظة ده مش إعلان يا جماعة أنا مش ببيع المنتج ولا بكسب منه حاجة بس هو يستحق الترشيح ♥️
💙💦

26/05/2024

بما إن كل المتفاعلين على البيدچ و أغلب المتابعين بنات حبيت أعملكم فقرة جديدة أتمنى إنها تتقلد و أي حد يعمل زيي عادي 💜
هرشحلكم منتج جامد سواء للبشرة أو الشعر أو أي حاجة مفيدة استخدمتها و جابت معايا نتيجة حلوة و أعملكم عنه ريڤيو و أقولكم سعره و الأماكن اللي تقدرو تشتروها منه لعله ينفعك و يسهل عليكم يومكم و تتبسطو و الفقرة برضو هتتضمن ترشيحات لكتب و عادات نافعة ♥️
اذكروني في دعواتكم و اسألو الله لي العافية من كل مكروه و الثبات حتى ألقاه 💙💦
💙💦

25/05/2024

استيتش رجع ♥️♥️♥️
كوليكشن استيتش أكتر كوليكشن كيوت بعد كوليكشن القطط 🥹جمالهم لا يقاوم بجد و سعرهم صغنون ♥️♥️
للحجز و الاستعلام من خلال رسايل البيدج أو واتساب 01016721442

22/05/2024

أباچورة القمر متاحة بأي ديزاين تختاروه ❤️❤️❤️
أكاد من فرط الجمال أذوب بجد 🥹و سعرها على القد أوي بالنسبة لجمالها ❤️..قطعة فنية فريدة من نوعها بتعمل ديكور هادي و رقيق و شكلها شيك أوي تنفع هدية حلوة لواحدة حلوة أو حد حلو 😉مناسبة لكل المناسبات و قيّمة جدا و تستر كتير في الهدايا 🥹♥️
للحجز و الاستعلام عن طريق رسايل البيدچ أو واتس 001016721442

22/05/2024

المرايا السحرية متوفرة بكل أشكالها و سعرها صغنون بس مش هقول عليه علشان تسألوني بكام🌚😂
بتشتغل مرايا و أباچورة و بتنور في الضلمة و دي چي عمرو حاحا ريمكس حودة مزيكا يا ولاد 😂😂💃💃💃
للاستعلام و الطلب من خلال رسايل البيدچ أو واتساب 01016721442

21/05/2024

هو أنا لو قولتلكم إني قررت أرجع أشتغل تاني و المج هيبقى ب70 جنيه من غير الشحن والتغليف هيجرى حاجة؟ والله ما هيجرى حاجة 😂😂
ألحقو اطلبو أوردرات علشان أنا لو مجاليش أوردر خلال 25 ساعة من دلوقت هفقد الشغف و هتقمص زي ما انتو عارفين 🌚🌚

19/05/2023

يا جماااااعة عندي خبر حلو إلكووو..قبل ما انسى تاااني ،ركزو معايا كده من دلوقت و لمدة 48 ساعة ..حرق أسعااار🔥🔥🔥
المج مطبوع بأي تصميم ب80 جنيه
التابلوه مقاس 20×30 ب50 جنيه
التابلوه مقاس 30×40 ب80 جنيه
العرض مش ممتد طول العمر يا جماعة محدش يجي يسألني عليه بعد البوست ده 😂😂😂

16/05/2023

بعض الأصدقاء اللي كانوا مقربين مني بعدو عني ظنًا منهم إني مطنشاهم و دي حقيقة فعلا أنا الفترة اللي فاتت كنت مطنشة العالم كله لدرجة إني نسيت أشتغل و نسيت أسلم الأوردرات 😂😂
كان نفسي أقولكم إني هرجع أشتغل تاني و بقوة و الجو الجميل ده بس في الحقيقة أنا مش ضامنة الكلام ده كله لكن بما إننا أسرة مع بعضينا فحبيت أمسي عليكم و أقولكم إن محتوى البيدج هيتغير و مش هيبقى مجات و تابلوهات بس لكن هتتفرجو على شوية إبداع جامدين و بأسعار خزعبلية مشوفتوهاش عند حد 😉😉😉(أسعاري غالية جدا بجد مش هزار يعني)
انتظرووووووني أنا _مش_ جاي 🫣🫣🫣

17/04/2023

البوست خاص للناس اللي بيحبوني أنا و قطتي 😺
حبيت أطلق العنان لخيالي و أعمل كوليكشن هادي و جميل و رومانسي كده و الحمد لله عملت أول مج في المجموعة و فجأة بدون مقدمات لقيت الشغل كله قلب قطط قطط في كل مكان و ناقصني شوية و هنونو و أنا بشتغل 😂😂
لذلك و بناء على ما حدث من سيطرة القطط على شغلي قررت إنه أي مج قطة هيكون عليه خصم عشرة جنيه بحالها علشان تجيبو بيها طبق لانشون لحبايبي و تروقوا عليهم وانتو بتشربو مشروبكم المفضل 🤭🤭🤭🤭🤭🤭
أي مج قطة هيبقى ب 90 بدل 100 و العرض لفترة محدودة مش للأبد علشان الناس اللي لسة عايزين عرض ال65 اللي خرب بيتي ده 😂😂😂
متنسوش لايك للبيدج و ريأكت على البوست دول أهم من الأوردر أصلا (بضحك عليكم في الحتة دي معلش أنا عايزة تفاعل و أوردرات الاتنين سوا)

TAYA Brand Store

29/05/2024

28/05/2024

27/05/2024

26/05/2024

25/05/2024

22/05/2024

22/05/2024

21/05/2024

19/05/2023

16/05/2023

17/04/2023

Address

Website

Alerts

Shortcuts

Share

Category