22/09/2022
فخامة السيد رئيس الجمهورية
تحيا مصر تحيا مصر تحيا مصر
كفايه بقى ياسيسى كفايه عمل
كفايه بقى طموح وامل
كل انجاز تم ناس ياما مش شايفاه
كنت سيبها ماشية زى ما ماشية
كنت سيب الناس اموات وفاكره انها عايشه
كنت سيب بتوع العشوائيات كانوا بانولهم حملة ١٠٠مليون عيشه
كنت سيبها تقوع وتروح وتتقسم وتتقسم بقشه
الظاهر كده احنا هنعيش ونموت بنحب اللى يضحك علينا
اتعودنا ياسيسى قبلك ناخد على عنينا
لازرعنا حاجه قبلك ولا جنينا
بل انخسف بينا سابع ارض ما عشنا وما حيينا
وكفايه ملف زى العشوائيات
وكفايه ملايين المصريين اللى كانوا عايشين اموات
ملف الطرق وربط الدوله ببعضها
يانهار ابيض دى عظمه متعملش زيها
ياراجل دى العرابيات فى مصر ماشيه فوق بعضها
كنت شايفها ازاى وحوادث الطرق ورا بعضها
سابوا كل الطفره اللى انعملت واتحققت على الطرق وحجم وعدد الحارات ويقولك لازمتها ايه ندفع رسوم على البوابات
كنت سبهالنا ياسيسى مكسره
كنت سيبنا فى عيون العالم متصنفين بلد عماله ترجع لورا
عمركوا شوفتوا زى كده مسخره
كنت سيب الدائرى العربيات بالعشر ساعات عليه متحشره
على فكره يامصريين
مش السيسى اللى صنع خط الفقر فى مصر وخلا اللى عايشين مايتين
مش السيسى اللى سكن الناس فى المقابر والعشوائيات وخلاهم يعوموا فى ماية المجارى بالعوامات
ولاهو اللى خلاهم يسكنوا عشش الصفيح
ولاهو اللى نهب البلد زى ماكانت مسروقه من شلة المفاصيح
قال معنديش فواتير لحد اسددها
قالها بالعربى الفصيح
ده هو الوحيد ياجدعان لما مسك البلد حط ايده على ميدالية المفاتيح
فتح كل الملفات واقتحمها
مهموش حد وفى كل حته بيخرجها من سواد ايامها
ومعاك ان الدنيا غلا وصعب على ناس كتير
بس الراجل ده بيصنع المستحيل
بسلاح اسمه التغيير والتطوير
مانتوا صابرين ٥٠٠٠سنه
اصبروا بقى كمان كام سنه
مش السيسى ياجدعان اللى دمر التعليم فى بلادنا المنهوبه
مش السيسى اللى خرج اجيال اميه بشهادات مضروبه
مش السيسى اللى ساب الحراميه تسرق ارض مصر
مش هو اللى ساب الارهابين يحفروا انفاق على حدودنا ملهاش عدد ولا حصر
مش السيسى اللى موت كل هذا الكم من رجالتنا الشهداء
مش السيسى اللى خان وهرب الملفات برا للعملاء
مش هو اللى جاب للمصريين القاصر من الاغذيه المسرطنه
مش السيسى السبب ان العيشه بقت مطينه
مش هو السبب فى التلوث واعلى نسبة امراض كبد وفيروسات
ده فى مينت عمل حملة ١٠٠مليون صحه ورخوا راجعوا الكشوفات فى المستشفيات شوفوا كام واحد اتعالج بفضل الله ثم رئيس دوله يعى حجم التحديات
مش السيسى اللى ساب البلد ٤٠ سنه عندها جلطه وشلل نصفى وممشيها بالمسكنات
مش السيسى اللى دمر الزراعه واهمل الطرق وتجاهل كل الملفات
مش هو والله اللى كبر دماغه عن البنيه الاساسيه
مش هو اللى اتجسس وخان وباع تراب الدوله المصريه
مش هو اللى ساب الحراميه يبنوا على اراضى الدوله
مش السيسى اللى بوظ الذوق العام فى مصر ودمر اجيال
مش اللى دمر الاعلام وريا جيل من الاعلاميين رضعوا نفاق وغرفوا دولارات واتفطموا على خدمه مصلحتهم ومصلحة اللى مشغلنهم وفى ستين داهية المواطن يعيش ويموت شحات
مش السيسى اللى الفجوه بين الاغنياء اللى واصلين للسحاب وبين الفقرا اللى مرمين فى التراب
فوقوا بقا
هى كلها عايزه تغرف من غير تعب ولا شقا
هى كلها قعده بتنقد ومستنيه السيسى يجى يأكلها فى بوئها بالمعلقه
مش السيسى اللى ساب مصر من غير مشاريع قوميه لا بنيه تحتيه ولا بنيه مهلبيه
مش هو اللى دمر صناعة الغزل والنسيج وهدم كل اولويه
مش السيسى اللى وعد الناس ان مصانع الشيبسى واللبان السماره هى دى تبقى الصناعه الوطنيه
مش السيسى اللى اهمل سينا والصحرا الغربية
مش السيسى اللى ساب ارض مصر اللى عليمه على غاز وثروات وآبار من غير مايحفر ويخرج الخير ده كله منها فى سنوات الاستقرار
تحيا مصر تحيا مصر تحيا مصر
