14/11/2023
هو انا ام فاشله؟؟؟🤦🏼♀️😔🤔
=================
لما الطفل يبقي مش بيحب المدرسه ودرجاته وحشه
ويلاقي الاب بيقول للام🙎🏽♂️
👈🏻انتى ام مش شايفه دورك كويس امال فين الفلوس اللى بتعب وبشقي فيها 💁🏼♂️
ويلاقي الام بتقول للاب🙍🏽♀️
👈🏻ماهو لو لاقي اب يشكمه ماكانتش تبقي دي درجاته انت سايب كل حاجه عليا ومكبر دماغك💁🏼♀️
وبندخل فى صراعات وإلقاء لوم واتهامات كل طرف للتانى انت اللي مقصر لا انتى اللي مقصره
مناقشه مش هدفها غير ان كل واحد من الطرفين ينفض ايده من المسؤليه ويطلع مش مقصر ويبرء نفسه من وصمة انه مش عارف يربى ومش شايف دوره ويدخل جوه صندوق انا بعمل اللي عليا وزياده ومافيش في ايدي حاجه تانى اعملها
خللو بالكوا ان الطفل بيشوفكم وانتو بتشاوروا علي بعض بالاتهامات👈🏻👉🏻
هل فكرتوا في مره ايه اللي ممكن الطفل يتعلمه من حوار زي ده🤔
للاسف الحوار ده مش بيدل علي حاجه غير حاجه واحده فقط
ان كل واحد من الطرفين مش بينظر للوضع غير من منظور نفسه وبسسسسس
والطفل بيطلع منه مش متحمل المسؤليه اكتر وبيدور لنفسه علي اى شماعه يعلق عليها اخفاقاته مش بس في المدرسه ولكن ممكن ياخده اسلوب حياه🤭
👌🏻درجات ابنك مش دليل علي نجاحك او فشلك كأم😔
👌🏻الفلوس اللي بتصرفها عليه كأب مش سك ضمان بإنك قمت بدورك كأب وانه لازم يكون إنسان ناجح😔
🤔هل فكرتوا تشوفوا هو ايه اللي وصله لكده؟
🏃🏼♂️🏃🏼♀️هلاقى علي طول الاب والام بيقولوا ماعندوش مشكله ومش ناقصه حاجه وغيره يتمني اللي هو فيه ....... والولد دماغه حلوه ونضيفه بس مش عايز يتعب نفسه ودماغه مافيهاش غير اللعب
💥اولا اللي بيقعد يشتكى ويلوم وينتقد علي فكره هو في الغالب بيسبق بالنقد واللوم عشان يقنع نفسه واللي حواليه انه مش مقصر فبيسبق بالهجوم قبل ماحد يهاجمه اوينتقده سواء كان الانتقاد بين الاب والام او الانتقاد للطفل نفسه😔
محتاجين نحدد في الاول هو احنا كأباء دورنا ايه بالظبط؟🤔
***************
ماتحصروش دور الاباء في الاعمال الخدميه فقط احسن اكل واحسن لبس واحسن مدرسه واحسن مدرسين واحسن نادي
ماتضيقوش واسعاً وتهدروا طاقتكم بحاجات اصلا مش دي اللي العيال محتاجينها منكم
الولاد محتاجين تعاطف وتفهم واحتواء لمشاعرهم واحتياجتهم هما زي الزرعه محتاجين نفهما ونعرف خصائصها والاحتياجات المناسبه ليهم مش لينا وللناس والمجتمع.
المقياس هنا واللي هيفرق معاهم مش انك تدخلهم مدرسه غاليه وتوديه دروس وكورسات وهما مش فاهمين قيمة كُل ده
الطفل محتاج انكوا تفهموا
قدراته
مشاعره
واحتياجاته
عشان تقدروا توصلوا لحلقة الوصل المفقوده بينكم⚙️⚙️🧬
👇🏻👇🏻👇🏻👇🏻👇🏻👇🏻👇🏻
👈🏻الطفل محتاج اهتمام بقدراته وافكاره ومشاعره
👈🏻الطفل محتاج يتسمع حتي لو كان كلامه من نوعية مش بحب المدرسه ولا المذاكره وانها مش مهمه لو احنا ماسمعنالوش مش هنعرف المشكله اساسها فين وبالتالي مش هنعرف ازاي نحلها.
👈🏻الطفل محتاج حب غير مشروط بالدرجات ولا بسماع الكلام ولا بكلمة حاضر ونعم وهو كابت مشاعره وماحدش فاهمها.
👈🏻الطفل محتاج احترام لعقليته وانسانيته وانه محتاج يكون مقتنع باللي بيعمله واللي مطالب بيه اخاطب عقله ومااجبرهوش علي حاجات هو مش مدرك اهميتها واقول عليه اصله لسه صغير ومش عارف مصلحته احنا اللي نعرفها فبتثير مقاومته وتخليه يقول بافعاله طب انا بقى هوريكم الصغير اللي مش عارف مصلحته ده هيعمل ايه🧐.
👈🏻الطفل محتاج عدم اصدار احكام عليه وانى اخليه محطوط في كورنر يحس فيه ان قيمتة مرتبطه بدرجاته وانه انسان سئ ومايستحقش.
👈🏻الطفل محتاج تعاطف بانكم تحطوا نفسكم مكانه وتبصوا للامور من منظوره هو.
