https://www.facebook.com/106967041239897/

خشب صواني وعلب. Decoupage نمبر وان, شارع جمال عميره, Cairo (2026)

10/09/2023

محدش هياخد رزقك لا في شغل ولا في حب و لا في فلوس
صفي نيتك و ماتبصش لحد في حاجه.🌹😍🥰
انتظروني في مفاجأة قريبه جدا علي التلفزيون 😃🥰😍

28/08/2023

برجاء من جميع الاصدقاء والأهل قراءة هذا البوست الجميل 🥰🥰

الحمد لله علي كل شئ...😊😊🙏🏻

للتنوية ..

••صوتي بيبقي عالي جداا عشان أسمع نفسي انا مش حضرتك تسمعني في أغلب الاوقات بسبب السماعة الطبية والقوقعه ودة كلام علمي من دكاترة المتخصصين في السمعيات والتخاطب .
الناس اللي متعرفنيش كويس بتاخد الموضوع بشكل أخر خصوصا جيراني في البيت (متعصب ،بزعق،مش مرن ،مش أجتماعي). بيعلي صوته علي الفاضي وخلاص هوا إنت فرحان بصوتك 😒

وجود أكثر من شخص في الحديث بيخليني مش عارف أركز في الكلام واتوتر ولتشتت في التركيز بيبقي نصف الحديث مش واصل ليا وفي فترات كبيرة بتجنب مشاركة في الحديث مع اكثر من شخص لتداخل الاصوات في وقت واحد

👈أفضل حل للموضوع الحديث مع شخص واحد فقط
‏
أفضل طريقة في التواصل ما بيني وبينهم الكتابة أو التحدث مباشره

من أغراب المواقف اللي أثرت معايا جداا في حياتي وأتكررت بشكل غير طبييعي أثناء الحديث في التلفون مع الناس لما بتكلم في تلفون وفجاءة بطارية السماعة أو قوقعه الاذن تخلص من غير ما تاخد بالك وتلاقي صوتك عالي مرة واحدة اللي قدامك يفتكر أنك بتعلي صوتك جداا ويقفل تلفون في وشك ..تبقي مش عارف أصلا ترد وتواجه الموقف .

كذالك في التعامل مع الناس في الشغل أو خارج الشغل بيحصل نفس موقف نبرة الصوت بيبقي عالي فجاءة لما بطارية بتخلص وياسلام بقي لو كنت مضايق بيبقي حاجة جميلة 😂😂✋🏻 صوتي بيسمع شارع كلة وكله بيفتكر إني بزعق والكلام ده

# احيانا كثيير جدا جدا لما بخرج مع صحابي في مكان بيبقي في ضحك وهزار ببقي نفسي جدا جداا اهزر واضحك معاهم عادي بس الاسف ببقي مش سامع أغلب الحديث أو الكلام ومش فاهم ولا كلمة بس بعمل نفسي بضحك وفاهم عادي 🤣عشان
محدش ياخد بالة بعدم مشاركتي معاهم .
في الغالب مش بظهر كثيير معاهم لما بيتجمعو كلهم

في الشغل لو في حاجة مهمة مطلوبة والناس بتهزر كثيير مش بقدر أكمل معاهم مش عشان انا معقد لا عشان مايحصلش تشتت في التركيز

ناس كثيير جداا لما بتتصل بية بكنسل مش عشان بكبر دماغي ومش عايز أرد
عشان أرد عليك بفتح الاسبيكر لحد الاخر عشان أسمعك..أكيد مش هفتح الاسبيكر في وسط الناس يبقي سامعين كل حاجة
بنتظر لما أكون في مكان لوحدي وهادي.

بلاش الجدال أثناء الحديث يكون في أكثر من شخص بيتكلم في وقت واحد يفضل شخص واحد بيتكلم لحد الاخر

لما بسال علي الحاجة أكثر من مرة دة معناها تركيز وأهتمام عشان أسمع وأفهمك مش تكبر أو تجاهل مني أو ترجمة من أغلب الناس تعامل صعب

لو في حاجة ضرورية ممكن تبعت رساله عبر الواتساب

مش هزعل لو جيت قولتلي أنا زعلان من كذا أو تراجع معايا
تاني بعد ما الحديث يخلص (أنت تقصد كذا كدة فهمت صح)
أتعلم منك مش عيب خالص ..
شكراً لكم جميعاً
وآخر ملحوظه هامه للجميع

ضعف السمع مش مرض
يعني بمعني أصح بلاقي الناس بتقول لي ربنا يشفيك يارب 🤲
ربنا يشفينا جميعاً بس انا هنا مش يشتكي من المرض نفسه
الموضوع باختصار اني عندي جزء محتاج يكمل بسماعه أو بقوقعه
الموضوع باختصار كان نظرى ضعيف ولابس نظاره لتقويه النظر
انا برضه في ضعف السمع لابس سماعه لتقويه السمع 😍🥰

طالما وصلت هنا يبقي ربنا كرمك وفهمت وجهه نظري
واستاذنك في دعوه حلوه لأخوك مرزوق بأن ربنا يهدي لي الحال ويرزقني الزوجه الصالحه عاجلا غير اجلا 🤲🤲🥰😍

09/08/2023

من فعاليات معرض دار الدفاع الجوي🤟🥰🤟
لحظه لقائي بالسيد الفريق محمد حجازي 😊🥰
قائد قوات الدفاع الجوي مع مجموعه من القيادات العليا التنفيذيه التابعة لقيادة قوات الدفاع الجوي 🥰
وأيضا مع الدكتورة إيمان كريم المشرف العام للمجلس القومي

29/12/2022

السلام عليكم ورحمه الله وبركاته

عملائنا الكرام كل عام وانتم بخير 🥰
في انتظار حضرتكم جميعا غدا الجمعه في معرض الإسكندرية تشرفونا وتنورونا
عنوان المعرض:-- الإسكندرية لوران:--شارع الإقبال :-- الممر التجاري لبنك القاهره أمام فيلا مدير الأمن في ستور آرت الدكتوره MooRy Ry
تفاصيل المعرض في اللينك دا 😊 الأسعار ومعظم المنتجات دا غير شغل رمضان طبعاً 🥰🥰😍
https://www.facebook.com/groups/213797953682674/permalink/552860056443127/?mibextid=Nif5oz

لوكيشن المعرض 🥰🥰
https://maps.app.goo.gl
/LBwaifPQYFBGGkL69

04/08/2022

السلام عليكم ورحمه الله وبركاته
عملائنا الكرام كل عام وانتم بخير 😍🥰
بنفكر حضراتكم جميعاً أن فيه معرض غداً الجمعه ا الموافق 5/8/2022 في تكية مسافر- Takiyyat Musafir
وطبعا ك العادة بنضحي و فيه عروض جامده جدا 🥰😍
والمره دي المعروضات مختلفه عن كل مره بجد 😍🥰
ومعانا باذن الله تعالى المهندسه مووري أدمن مجموعه Moory Silicone Molds🌹 ل المولدات وعجائن البوليستر وفيه تشكيله حلوه جدا مع المهندسه مروه 😊 وأيضا المهندسه مروه عامله عرووض جميله جدا ومعاها تشكيلات رووعه 🥰🌹
يعني بالبلدي كدا ال مش جاي المعرض دا فايته حاجات ومعروضات كتير وبأسعار رمزيه 🥰😍
ونتقابل على خير باذن الله تعالى 😍
ولأي استفسار بخصوص طريقه الوصول إلى المعرض ممكن نعمل بحث علي خريطه جوجل عن تكية مسافر هتظهر لحضرتك أول خانه في قائمة البحث 🥰
أو ممكن حضرتك تتواصلي فون وأنا اوصفلك الطريق 😊
01016192575
01205801858

خشب صواني وعلب. Decoupage نمبر وان

10/09/2023

28/08/2023

09/08/2023

29/12/2022

04/08/2022

Address

Website

Alerts

Shortcuts

Share

Category

Listing takedown request