29/10/2022
بيقولوا الصورة بتبيع ، بس تفتكر صور المنتجات لوحدها كفاية ⁉️🤔
زى ما صور المنتجات مهمة ، كمان المحتوى الإعلاني اللى هتكتبه لازم يكون جذاب ومقنع لعميلك ويقدر يحفزه على قرار الشراء 👌👌
طيب نعمل ده ازاى ⁉️
فريق الدعم فى كيان هيقولك 7 معايير مهمة جدا لازم تراعيها وانت بتكتب المحتوى الاعلاني : 👇
🔴✔️ حدد شريحتك كويس واعرف طبيعة جمهورك قبل ما تكتب الإعلان ، يعنى لو بتبيع منتجات شبابية هتكتب بطريقة عصرية تناسب سنهم ، لو هتبيع منتجات حريمي يبقى لازم الطريقة تكون جذابة للبنات .
🔴✔️ ذاكر مواصفات منتجاتك كويس عشان تقدر تطلع منها مميزات تعرف تقنع عميلك بيها ، ولو لقيت ان صفاتها عادية اكتب عن مواصفات البيع نفسه ، خدمات البيع ، السعر المناسب للخامة ، ان العميل بيقدر يعاين البضاعة بنفسه قبل الاستلام مثلا .
🔴✔️ لازم تكون بتعرف تكتب ومتعلم أساسيات اللغة ، ولو مش عارف استعين بحد يكتب لك المحتوى ، أو اتعلم وده مش عيب ، لكن مش صح انك تكتب محتوى مليان أخطاء املائية ، لأن جه هيقلل من قيمته ومن تقبل العميل لمنتجك
🔴✔️ خليك صادق ، التسويق الصح انك تعرض المميزات " الموجودة فعلا " فى منتجك بشكل جذاب ومقنع ، لكن متقولش مواصفات عن المنتج مش موجودة فيه وبلاش توعد بخدمة متقدرش تقدمها
🔴✔️ الجملة الأولى أهم جملة فى المحتوى لأنها لو مش جذابة العميل مش هيكمل قراية ، فلازم تكون بدايتك قوية وملفتة ، وفيه طرق معروفة عشان تعمل كده لكن تأُيرها كويس زى انك تبدأ بسؤال " زى ما عملنا فى البوست ده " ، او قصة ، أو جملة هزار أو افيه أو بكلمات جذابة زي " مفاجأة " ، " عرض ميتفوتش "
🔴✔️ زى ما البداية مهمة ، نهاية البوست كمان مهمة
وأفضل طريقة تنهي بيها البوست هيا انك تشجع العميل على اتخاذ قرار سريع بالشراء ، وفيه جمل مستخدمة كتير زي :
مستني ايه ؟ اتصل بينا دلوقت !
ابعت لنا دلوقت ومتفوتش فرصتك فى انك تستفيد من العرض
⬛ نتمنى يكون البوست مفيد للمسوقين ويساعدهم على زيادة مبيعاتهم ، ولو عندكم أى استفسار ابعتوا لنا وهنجاوبكم....................................................
تابعونا على صفحتنا عشان تعرفوا تفاصيل أكتر
وكمان تقدر تشارك فى جروب كيان عشان توصلك تحديثات المنتجات والأسعار والعمولات أول بأول
https://www.facebook.com/groups/kiaaneg
