04/02/2023
و اللي بيقولي عيش عيشة اهلك وهو بيتريق بقوله ، ياريت اعرف اعيش عيشتهم 🥺
كانت البيوت مليانه خير
عاملة اكتفاء ذاتي
عيشهم بيخبزوه في البيت طازة وقبل ما يخلص تكون العجنة الجديدة جاهزة .
و كل كام يوم يتعمل فايش او بسكوت أو كيك يبقي فطار للاسبوع كله ..
ومعاهم شوية بطاطا عشان الحلو يكمل بعد الغداء ..
و السمن البلدي والجبنة والرايب موجود في البيت علطول
و السطوح طيور من كل الأصناف
ايوة الفلوس مكانتش كتيرة ، بس مكانش في معاناه للحصول علي ابسط احتياجاتهم !
اصل اية لزمة الفلوس الكتيرة وانت مش قادر تشتري بيها ابسط احتياجاتك بعد ما بقت بأسعار تخض 😟
اللي في الصورة دا كان تصبيرة الزمن الجميل
نص رغيف سخن طازة محشي سمنة بلدي وسكر
علي ما يكون الطبيخ استوي ..
و اللي يقولك عيش عيشة اهلك
قوله ياريتها دامت 💔
