07/12/2024
من وقت ما خلصت الثانوية، وأنا بحاول ألاقي أي شغل يساعدني إني أصرف بيه على الجامعة، حاجة كده شبه ناس كتير جدا. 🎓
المهم، بدأت أشتغل أونلاين. أول ما بدأت كنت بجري ورا مواقع النقر على الإعلانات ومشاهدة الفيديوهات وما إلى ذلك. 💻
بعد مدة من ضياع وقتي حرفيًا، عرفت إن كل ده مالوش أي لازمة. 🕒
من هنا بدأ يظهر قدامي شوية فيديوهات لقناة دروس أونلاين،
أ. أحمد ما شاء الله فتح عيني على حاجات كتير من ضمنهم إني أتعلم فوتوشوب. 🖌
هنا كانت بدايتي، بس الحقيقة مشكلتي كانت في سعر الاشتراك المبالغ فيه لشركة أدوبي.
جربت بالفعل المُكرك، مش هخبي عليك، وعلى الرغم من تحذيرات لناس كتير على يوتيوب إلا إني تجاهلت الموضوع ده. ⚠
ومرت حوالي 4 شهور وأنا بستخدم الكراك، لحد ما جربت جهاز واحد صديقي بالصدفة وهو بيستخدم البرامج الأصلية.
الفرق شاسع الحقيقة. 🌟
دا غير كمان إن في نفس الوقت تعرضت لهجمة فيروس الفيدية اللي فرمتت كل حاجة على الهارد عندي. 🦠
بفضل الله ثم بمساعدة صديق ليا قدرت أرجع الحاجات اللي ضاعت، بس لا يُلدغ المؤمن من جُحر مرتين، هنا كان لازم أوقف عبث. 🛑
بالفعل، بدأت أدور على حد أشترك أنا وهو عشان نوفر التكلفة.
على الرغم من إنه أفضل من الكراك، إلا إنه حل غير عملي بنسبة كبيرة.
كان في مشاكل بتحصل بسبب مشاريع بتضيع وحاجات منعرفش كان إيه اللي بيحصل فيها. 😕
بعد مدة بدأت أفكر إن لازم يكون في حل فعلي للموضوع ده، وهنا كانت بداية بحث طويل ومحاولات عديدة، لحد ما قدرت بفضل الله أوصل لخصومات كبيرة على اشتراكات أدوبي.
لقيت إن كتير من الناس بتعاني من نفس المشكلة، ومن محاولة مني لتخفيف الضغط على أصدقائي المصممين، بدأت فكرة DIGITALICO. 🚀
الموضوع أبدا ما كان بالسهولة دي، المهم في الوقت ده كنت بنشر على الجروبات للمصممين إني أقدر أساعدهم في الحصول على اشتراكات أدوبي بأسعار مخفضة. 🎨
وبالفعل، الناس كانت مبسوطة جداً، وان بعضهم اقترح عليّ إني أعمل بيدج وأعرض فيها مساعدتي لعدد مصممين أكبر. 📈
وها نحن الآن، من طالب بيعاني عشان يوصل لحل مشكلة عنده، لواحد قرر يرسخ حياته كلها عشان محدش يقع في نفس مشكلته.
دي كانت قصتي، دي كانت قصة زياد، ودا بداية DIGITALICO 🌟
واللي هتفضل مستمرة بيكم، وبدعمكم.
شاركونا قصصكم في التعليقات 😉👇
