06/07/2022
واحد اسمه عصام عيان في المستشفي ، واهل الحي عايزين يروحوا يزوروه وعددهم ١٣ ،اتفقوا مع واحد عنده ميكروباص يوديهم للمستشفي وكل واحد يدفع ١٠ جنيه
فضل كرسي فاضي ، فالسواق قالهم شوفوا واحد كمان عشان نكمل العدد ، قالوله لا خلاص ده عددنا اتكل علي الله
ولما بدأ يتحرك شافوا واحد من جيرانهم اسمه عاطف جاي يجري من بعيد وبيحاول يوقف الميكروباص
السواق قالهم خلونا ناخده معانا ونكمل العدد
قالوله لا لا متقفش دا عاطف اصله نحس لو ركب الميكروباص لازم يحصل حاجه
السواق قالهم لا والله انا أولي بالفلوس ولا يهمكوا !
(بلا نحس بلا بطيخ اهم شئ ال١٠ جنيه)
قالوله انت حر وذنبك علي جنبك
أول ما عاطف فتح الباب قالهم
انزلوا يا جماعة عصام طلع من المستشفي .
= السواق : ..
