Maadi Experimental Language School

08/05/2022

يارب نجح أولادنا هما لاعندهم دم ولا طموح ولا اى نيلة بس إحنا غلابه 😂

29/04/2022

"إن كانت لَك حاجة وليس لَك قُدرة، فإن لَك ربًا لهُ قُدرة وليس لهُ حاجة."

#حَوقِلوا

23/04/2022

‏نسألك العوض عن أيام مرت وأنت وحدك تعلم كيف مرت."

16/03/2021

كل نقطة بتفرق!
حمل أبلكيشن ريد واعرف مواعيد وأماكن التبرع لحملة كل نقطة بتفرق مع McDonald's، لدعم أطفال مستشفى أبو الريش.
حمل الأبلكيشن من هنا : https://redblood.app.link

10/08/2020

حديث أبي هريرة ، عن النبي ﷺ قال:

إن الله تعالى إذا أحب عبدا دعا جبريل، فقال: إني أحب فلانا فأحببه، فيحبه جبريل، ثم ينادي في السماء، فيقول: إن الله يحب فلانا فأحبوه، فيحبه أهل السماء، ثم يوضع له القبول في الأرض، وإذا أبغض عبدا دعا جبريل، فيقول: إني أبغض فلانا فأبغضه. فيبغضه جبريل، ثم ينادي في أهل السماء: إن الله يبغض فلانا فأبغضوه، ثم توضع له البغضاء في الأرض.

صدق رسول الله ﷺ.

سبحان الله .. من كتر حب ربنا فيه .. اللى يعرفوه واللى ما يعرفهوش بيدعيله ويرجو ليه الثبات عند السؤال وجنة عرضها السموات والأرض...

22/03/2020

بربع فلوس الاعلانات بتاعت رمضان وميزانيات المسلسلات الفاشلة والبرامج بتاعت رامز جلال وهانى رمزى..

وب ١٠ % من مكاسب أصحاب المدارس الخاصة وأصحاب المصانع والشركات المختلفة...

ادوا بدلهم اجازة للموظفين والعمال لمدة أسبوعين بس مدفوعة الأجر بدل ما تلاقوش حد يشتغل اصلا بعد كده فشركاتكم ومصانعكم ومدارسكم !!

معلومة على الماشى :

- اقل سعر ايجار اليافطة الإعلانية/شهريا على اول كوبرى المشير اتجاه التجمع = ٤٠٠ الف جنيه !!

- ميزانية الحملة الاعلانية لاى شركة اتصالات فرمضان = فوق ١٥٠ مليون جنيه !!

- ميزانية ١٥ مسلسل فرمضان القادم ( متوسط ٨٠ مليون اعتمادا على ميزانية رمضان ٢٠١٩ ) = مليار و ٢٠٠ مليون جنيه ده غير الدعاية !!

- ده غير ميزانيات البرامج بتاعت رامز جلال وهانى رمزى واحمد آدم ومن على شاكلتهم !!

19/03/2020

19/03/2020

اقرأوا رسائل كورونا واتعظوا 👌

فيروس كورونا بيقولنا إننا نقدر نعيش من غير كورة ودوري ومن غير مساء الأنوار، وممكن نعيش رمضان من غير مسلسلات نمبر وان ولا فوازير ولا رامز جلال وهانى رمزى.

فيروس كورونا بيقول للشملولة اللي كانت مصممة تعمل فرحها في قاعة ياسمينا ب 100 الف إنك عادي ممكن تكتفي بامك واخواتك وصحباتك أمل و إنچي بس.

و بيقول برضه مش لازم اصرف عشرات الآلاف فعزا لمجرد ان الناس ممكن تاكل وشنا .. وان ممكن اعمل بالفلوس دى مية حاجة مفيدة لناس تانية غلابة اكيد هتفرق معاهم و معايا..

فيروس كورونا بيقولنا إن شبابنا لو ما عملوش الحفلات الهبلة اللي بيعمولها دي ممكن يقدروا يكملوا الحياة بدون عقد نفسية ومش هيكونوا ماعاشوش سنهم ولا حاجة..

فيروس كورونا بيقولنا فخر العرب و ميسي و كريستيانو دلوقتي بقوا في مركز "المدافعين" ومرعوبين من أي "هجمة" من سعادته، وإنهم مش هيقدروا يسعدوا الملايين ولا حتى يصرفوا الملايين لإسعادهم ( المتحدث باسم كريستيانو نفى ما أشيع عن تحويله الفنادق التي يملكها لمستشفيات).

فيروس كورونا بيقول للحاج والحاجة اللي مخلين القهوة بيتهم الأولاني إن مالكومش بيت غير البيت اللي فيه اولادكم ومراتتكم وازواجكم وإنكم تقدروا تعيشوا من غير ( الشيشه) .

فيروس كورونا بيقولنا الجامع والكنيسة مش هيفضلوا متاحين لنا على طول احنا اللي مقصرين أو تاركين الصلاة فيهم بمزاجنا ...

وان والعمرة اللي بقالنا سنين بنأجل فيها رغم توافر ماديتها ممكن يُحال بينا وبينها.

فيروس كورونا بيقولنا ان الشهرة بتاعه مجاري المهرجانات والملايين واحلام المغيبات والمغيبيين كلام فارغ ملهوش اى تلاتة لازمة وان الفلوس مش هى كل حاجة وان اصحاب العلم بس هم اللى هينتصروا وخلى ملايينك تنفعك..

فيروس كورونا بيقولنا ان لما تبدء تنشئ جيل بيتطاول على الدين وواخده لعب وهزار ، هيجي اليوم اللى هيتمنى فيه يلحق بس يتوب !!!

فيروس كورونا بيقولنا ان تريقتك على جيل ابوك وعلى ريحة 55555و555 خلى الزمن يلف وخلتك هتموت على 20 مللي بس منها تطهر نفسك منهم قبل ما الوباء يطولك..

يا ريت اللى بيحصل ده يبقى درس نتعلم منه ونفوق ونبتدى نتغيير فتفكيرنا وسلوكنا قبل ما يفوت الوقت علينا وعلى اولادنا ونفضل شايلين ذنب اجيال وأجيال جايه ..