29/08/2026
ليه الواي فاي بتاعك بيبقى قوي في الصالة وميت في أوضة نومك؟
كام مرة قعدت في أوضتك بتحاول تفتح فيديو أو تكلم حد، والنت بيقطع كل شوية، وإنت متأكد إن الاشتراك اللي بتدفع فيه مش رخيص؟
الحقيقة إن المشكلة غالبًا مالهاش علاقة بالشركة ولا بالباقة خالص. المشكلة في حاجة بسيطة جدًا، غالبًا محدش بيلاقيها... مكان الراوتر نفسه.
ليه الإشارة بتضعف في بعض الأوض؟
الراوتر متحط في ركن أو جوه دولاب – الحوائط والأسطح المعدنية اللي حواليه بتضعف الإشارة بشكل كبير جدًا من غير ما تحس.
بعيد عن مركز البيت – لو الراوتر في أول الشقة والأوضة اللي محتاجها في آخرها، الإشارة بتكون فقدت جزء كبير منها قبل ما توصلك أصلاً.
قريب من أجهزة تانية – الميكروويف، التليفون اللاسلكي، وحتى بعض الأجهزة الكهربائية، دول بيعملوا تشويش على الإشارة من غير ما حد يعرف السبب ده.
الراوتر قديم أو مش بياخد ريستارت بانتظام – زي أي جهاز إلكتروني، لو فضل شغال أسابيع من غير ما يقفل، أداءه بيقل تدريجيًا.
طيب الحل إيه؟
حط الراوتر في مكان مفتوح، وقدر الإمكان في نص البيت مش في ركن منسي
بعّده عن والأجهزة الكهربائية التانية قد ما تقدر
اعمله "ريستارت" كل فترة (مرة كل أسبوعين كويسة جدًا)
لو البيت كبير ومساحته واسعة، مش لازم تغير الراوتر بالكامل، جرب "Wi-Fi extender" بسيط وهيفرق معاك جدًا
خطوة بسيطة زي دي ممكن تحل مشكلة انك تشتري راوتر جديد
سؤال ليكم: قابلتك المشكله دي قبل كده ؟ وعملت اي؟ 👇
