Books Blend

Books Blend Contact information, map and directions, contact form, opening hours, services, ratings, photos, videos and announcements from Books Blend, �Egypt, Cairo.

Books Blend : A Sudanese digital platform connecting generations to their roots
🇸🇩 Through our platform we highlight : Sudanese literature, films, music, heritage, academic research & new voices
🌏 www.booksblend.com

26/08/2026

في حاجات ما بتحتاج صورة عشان تتذكرها… ريحة مطرة كفاية 🧡 صوت أذان، شارع قديم، اسم زول … وفجأة ترجع سنين للوراء !

عشان كده أُمّ درمــــــــــــــــــــــان ما بتُقرأ فقط …
أُمّ درمــــــــــــــــــــــــــــــــــــان تُستعاد في الذاكرة 🧡

وفي كتاب «سيرة أم درمانية» ، حمور زيادة ما اكتفى إنه يحكي عن مدينة ؛ خلّى تفاصيلها ، وناسها ، وحكاياتها تعيش على الورق

حكايات عن أُمّ درمــــــــــــــــــــــان البنعرفها نحن 🧡🇸🇩
أم درمان المكان والناس والذاكرة ، قبل ما يعرفها العالم من الكتب لأنو المدن ممكن تتغيّر … لكن الحكايات البتسكن فينا ما بتهاجر

📖 « سيرة أم درمانية » — حمور زيادة
اقرأ الأدب السوداني … قبل ما تعرفه من العالم

لو حمور زيادة قال ليك : «أحكي لي حكاية واحدة من أم درمانك أكتبها » … حتحكي ليهو شنو؟
إنتَ لو رجعت لأم درمان في لحظة واحدة … شنو أول حاجة حتفتكرها ؟



#سوداني

8 حِـــــــــكَـايات … لـــكن أم درمان واحــدة ! 🇸🇩💚والغريبة ؟ إنك ممكن تقرأ الحكاية وتلقى نفسك ما بتقراها … بتتذكّرها !...
20/08/2026

8 حِـــــــــكَـايات … لـــكن أم درمان واحــدة ! 🇸🇩💚
والغريبة ؟ إنك ممكن تقرأ الحكاية وتلقى نفسك ما بتقراها … بتتذكّرها ! 💚

ريحة المطر في الحِلّة، صوت الأهل في الحوش، القباب والمسائد، الحواري البتعرف خطوتك ، ووشوش وشخصيات لسه عالقة في الذاكرة … حتى التفاصيل الصغيرة البتفتكرها فجأة وما بتعرف ليه !

في كتاب «سيرة أم درمانية» ، حمور زيادة ما كتب عن أم درمان من بعيد ؛ مشى جوّاها ، دخل حواريها ، وقعد مع حكاياتها وناسها ، وخلّى المدينة تحكي نفسها

8 حكايات بتفتح ليك أبواب أم درمان القديمة… وكل حكاية ممكن تودّيك لمكان، لوجه ، لصوت ، أو لذكرى كنت فاكر إنك نسيتها

لأن أُمّ دُرمان ما مدينة عادية … أم درمان ذاكرة عايشة فينا💚
ويمكن عشان كده … الحكاية البتسكن الذاكرة ، ما بتموت ؟!

لو قلنا ليك «أم درمان» … أول مكان، ريحة، صوت أو شخص بيجي في بالك شنو ؟ 🇸🇩💚



#سوداني

خلينا الســــــــودان يُقّرَأ … كــــــــــما يُعاش🇸🇩💚أُمّ دُرْمـــان ما مجرد مدينة …أُمّ دُرْمـــان حكاية كاملة ! ودي و...
18/08/2026

خلينا الســــــــودان يُقّرَأ … كــــــــــما يُعاش🇸🇩💚

أُمّ دُرْمـــان ما مجرد مدينة …أُمّ دُرْمـــان حكاية كاملة !
ودي واحدة من الحاجات البتميز كتابات الروائي العظيم : حـــــمور زيـــــادة ؛ قدرته يحوّل المكان، والناس، والتفاصيل اليومية … إلى ذاكرة مكتوبة 🇸🇩💚

في كتاب «سيرة أم درمانية» للكاتب : حـــــمور زيـــــادة ، إنت ما بتقرأ عن أم درمان من بعيد … بتدخلها وتمشي في شوارعها ، ناسها ، حكاياتها ، وتفاصيلها البتشبهنا 💚

سؤالنا ليك ياسوداني 💚؟
إنتَ لو فتحت صفحة عن أم درمانك… أول حكاية حتكتبها شنو؟
قول لينا تفصيلة صغيرة من أم درمان القديمة لسه عايشة معاك لليوم؟



#سوداني

09/08/2026

رسموا خط على الخريطة … وقالوا انتهت الحكاية🇸🇩🇸🇸 !
لكن في الحقيقة… الحكايات ما بتخلص💔

زي ماقال الكاتب العظيم : عبد العزيز بركة ساكن
“ ما كنا أطراف متفرقة …كنا حكاية واحدة🇸🇩🇸🇸 ” من كتاب الأعمال الكاملة - رماد الماء

رماد الماء ما مجرد كتاب…هو ذاكرة ما بتموت، وصوت بيذكّرنا نحن كنا منو
من جوبا … للعالم كلو ! صوت بيقول : نحن لسه هنا
هم رسموا الحدود … لكن ما قدروا يقسموا قلوبنا !
لأنو ذاكرتنا … ما عندها جواز سفر 🇸🇩🇸🇸



#سوداني

مرات السِّلم ما بكون سلام .. بكون بس هدوء قبل الانفجار ! 🇸🇩🇸🇸في كتاب (رماد الماء)، الأديب العظيم عبد العزيز بركة ساكن ما...
08/08/2026

مرات السِّلم ما بكون سلام .. بكون بس هدوء قبل الانفجار ! 🇸🇩🇸🇸

في كتاب (رماد الماء)، الأديب العظيم عبد العزيز بركة ساكن ما بيحكي لينا مجرد قصة، الزول ده بيفضح حقيقة بتوجعنا في الصميم .. حقيقة إنو نفس الناس الكان بيجمعهم "حلم واحد"، بقوا فجأة يحاربوا بعض 💔

الكتاب ده ما كتاب قراءة سريعة ؛ ده كتاب بوقّفك، بخليك تفكر، وتتوجع.. ولو ما اتوجعت، غالباً ما فهمت!

نحن بنقرأ الليلة عشان القصة ما تتكرر، وعشان ما نلقى نفسنا جزء منها بكرة

السؤال الأهم ليك :
"الرواية بتوثق لزمن كان عندنا فيهو (حلم واحد) بين الشمال والجنوب قبل ما نحارب بعض. الليلة وبعد السنين دي كلها.. هل بتشوفوا إنو الانفصال كان هو الحل، ولا أكبر غلطة دفعنا تمنها هسه؟ 💔 "

الأيادي البَنَت بيوت الطين في خشم القربة.. الليلة بتبني وعي أُمم !🇸🇩💚«المهنة أمان من الفقر»..الجملة دي قالتها الحاجة "مر...
06/08/2026

الأيادي البَنَت بيوت الطين في خشم القربة.. الليلة بتبني وعي أُمم !🇸🇩💚

«المهنة أمان من الفقر»..الجملة دي قالتها الحاجة "مريم" لولدها الشاب عبد العزيز وهو بيشيل المونة ويبني حيطان خشم القربة، من غير ما تعرف إنو الأيادي الخشنة دي حتتحول في يوم لأعظم قلم سوداني بتُدرّس رواياته في جامعات أوروبا !

في كتابه (رماد الماء)، أستاذنا العالمي عبد العزيز بركة ساكن ، ما كتب مجرد رواية، ولا طَبْطَب علينا.. الزول ده صفعنا بحقيقة بتوجع من أول صفحة: "السلم هو جثة الحرب" !

مرات الحقيقة بتكون قاسية، لكن الوجع ده هو البعلّمنا نعيش صاح ، الكتاب بياخدنا لأحراش جنوب السودان قبل الانفصال، لزمن كان عندنا فيهو "حلم مشترك وأمل واحد"

نحن ما بنقرأ الرواية دي الليلة عشان نقلّب المواجع؛ نحن بنقرأها عشان نحمي "ذاكرة وطن" من الضياع، وعشان نواجه الحقيقة البتخلينا ما نكرر أخطاء الماضي

السؤال هنا : نحن اتعلمنا.. ولا لسه؟



#سوداني

03/08/2026

هي صوت … ولا وطن كامل ؟!🇸🇩💚

القصة ما أغنية … القصة صوت وقف مع الناس لما كل شيء كان بيقع … والأمل كان بعيد💚
📖 نانسي عجاج : الأغاني لأجل الحياة، للحب وللوطن
كتاب بيحكي كيف ممكن الفن يكون مقاومة… وهوية… وذاكرة

نانسي ما كانت بس فنانة… كانت صوت الشارع… وصوتنا كلنا
في الفيديو ده ، بنحكي حكاية صوت قدر يلمس ويعيش في قلوب كل الأجيال… وبقى جزء من وجداننا

لو الأغاني بتعيش… المبدعة نانسي عجاج خلتها خالدة 🇸🇩💚


في فنانين بنسمعهم …وفي فنانين بنلقى نفسنا فيهم 💛كتاب [ نانسي عجاج: الأغاني لأجل الحياة، للحب وللوطن] ما بس يوثق مسيرة … ...
01/08/2026

في فنانين بنسمعهم …وفي فنانين بنلقى نفسنا فيهم 💛

كتاب [ نانسي عجاج: الأغاني لأجل الحياة، للحب وللوطن]
ما بس يوثق مسيرة … ده بيوثق إحساس جيل كامل

Nancy Ajaj
نانسي عجاج 💛
الصوت البشبهنا … والما بنقدر نتجاوزو

قريباً … والنسخة دي حتخليك تسمعها بطريقة مختلفة تماماً

# booksblend.com
#السودان

ما كل صوت بيقدر يلمس وجدانك، وما كل أغنية بتقدر تحكي حكاية وطن 🇸🇩💚في أصوات بنسمعها، وفي أصوات "بنعيشها".. ونانسي عجاج هي...
31/07/2026

ما كل صوت بيقدر يلمس وجدانك، وما كل أغنية بتقدر تحكي حكاية وطن 🇸🇩💚

في أصوات بنسمعها، وفي أصوات "بنعيشها".. ونانسي عجاج هي الصوت الغنّى بــ لِسان كل سوداني وسودانية 💚

في هذا العمل الإستثنائي:
(نانسي عجاج: الأغاني لأجل الحياة، للحب وللوطن)
يقدم الكاتب جابر حسين توثيق ماعادي ! دي ما سيرة ذاتية ؛ دي "حالة" سودانية كاملة بتوثق كيف بقت الأغنية جزء من ثورتنا، ووعينا، وهويتنا الممزوجة بين الثقافة العربية والإفريقية

دعوة للحب والوطن بنشاركها بكل فخر مع الإستثنائية دائماً
[نانسي عجاج] .. شكراً لأنكِ كنتِ دايماً "نحن"

شنو الأغنية البترسم ليك ملامح (السودان) بصوت نانسي؟

# booksblend.com
#السودان

قبل أن تُؤلّف كتب الإدارة الحديثة عن "كفاءة العمل الجماعي"كان السودانيون يطوعون الأرض ويحصدون الحقول ويبنون البيوتبسواعد...
20/06/2026

قبل أن تُؤلّف كتب الإدارة الحديثة عن "كفاءة العمل الجماعي"
كان السودانيون يطوعون الأرض ويحصدون الحقول ويبنون البيوت

بسواعد لا تعرف الكلل تحت مظلة "النَّفِير"؛ الملحمة التراثية التي حوّلت العطاء العفوي إلى طاقة إنتاجية هزمت المنافي وصنعت التاريخ 🇸🇩

بمناسبة يوم الإنتاجية العالمي، ندعوكم في Booksblend.com
لإعادة اكتشاف إرث أجدادنا الثقافي والفني والاقتصادي والاجتماعي والتعليمي الموثق في أوراقنا الأكاديمية وبحوثنا التراثية

تابعوا منصاتنا الآن، واجعلوا من جذوركم الأفريقية وقوداً لإنتاجيتكم اليوم ! 🇸🇩💚

Address

�Egypt
Cairo

Website

,

Alerts

Be the first to know and let us send you an email when Books Blend posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Books Blend:

Shortcuts

Share