Clinical psychologist Sarah Elrawy -نقطة نور

08/06/2026

سؤال بجد...

هل شوفت حد اتغير تغيير حقيقي بعد سنين؟
ولا الناس بتفضل زي ما هي؟

قولوا رأيكم بعد ما تشوفوا الفيديو 👇

Check out Psy_saraelrawy’s video.

02/06/2026

صباح الخير ☀️
لو قلتلك إنك مش محتاج تحارب الوسواس ولا تقنعه إنه غلط؟ أحيانا كل اللي أنت محتاجه إنك تأجل الرد عليه
واحدة من التقنيات المهمة في علاج الوسواس القهري اسمها تقنية التأجيل طيب يعني إيه تأجيل؟
يعني بدل ما تنفذ السلوك القهري فورا (تتأكد، تسأل، تغسل، تعيد، تطمن نفسك) تقول لنفسك: هعمل ده بعد 15 دقيقة مثلا وخلال الـ15 دقيقة: لا تناقش الفكرة و لا تحاول إثباتها أو نفيها و لا تطلب من حد انه يطمنك كل اللي محتاجه انك تسمح للقلق يكون موجود
المفاجأة؟
انك هتلاحظ أن شدة القلق بدأت تنخفض وحدها وأن الرغبة الملحة في تنفيذ السلوك القهري أصبحت غير موجودة بنفس القوة
الوسواس عاوز منك الاستجابة فورا أما العلاج هيعلمك أن تستعيد حقك في الاختيار
كل دقيقة هتأجل فيها الاستجابة للوسواس هي خطوة ناحية استعادة السيطرة على حياتك و أفتكر
إن الهدف مش أن الفكرة تختفي لكن أنك تتوقف عن طاعتها

بقلمي ✍️ د. سارة فاروق الراوي
أخصائي نفسي إكلينيكي








#القلق

10/02/2026

صباح الخير ☀️على اللي بيصحوا شاكين في إحساسهم
ومش فاهمين المشكلة فيهم ولا في اللي قدامهم سؤال بسيط، بس إجابته بتفكك علاقات كاملة: هو أنا حساس؟ ولا اللي قدامي مستفز فعلًا ؟ سؤال بييجي بعد كل زعل وبعد كل دمعة وبعد كل مرة تسمع: إنت مكبرالموضوع ،إنت بتاخد كل حاجة على صدرك ،إنت حساس قوي
خلينا نوضح حاجة مهمة: الحساسية مش مشكلة…إنكار مشاعرك هو المشكلة. إنت مش “حساس زيادة” لو: نفس التصرف بيتكرر نفس الوجع بيرجع ونفس الشخص دايمًا بيطلع بريء وإنت اللي “مبالغ ” أحيانًا اللي قدامك بيستفزك وبيكسر حدودك وبعدين يشككك في إحساسك وده اسمه إرباك نفسي مش حساسية.
اسأل نفسك بدل ما تلوم نفسك: هل أنا دايمًا الوحيد اللي بزعل هل مشاعري دايمًا بتتقلل؟ هل لما أتكلم بتوصم إني صعب ؟
لو الإجابة “آه”…يبقى إنت مش حساس إنت بتتأذي.
خلي بالك: الشخص اللي يحترمك هيهتم بإحساسك مش هيقنعك إن إحساسك غلط.

✍️ بقلمي
د/سارة فاروق الراوي
أخصائي نفسي إكلينيكي

10/01/2026

08/01/2026

صباح الخير ☀️
في حاجات بنحس بيها جوانا بس مش دايما بنعرف نعبّر عنها.
في مشاعر بتتراكم، بتكتم، وبتتخبّى ورا ابتسامة، أو سُكوت طويل…
بس لما بتنفجر، الناس بتشوف “الغضب”، ومش دايماً بتشوف اللي وراه.
الغضب مش ضعف… أوقات بيبقى غريزة بقاء
في ناس بتفتكر إن اللي بيغضب بسهولة شخص ضعيف، أو “مش متزن”. لكن الحقيقة إن الغضب أحيانا بيكون صرخة نفس بتحاول تحمي نفسها من الأذى، أو من التراكم اللي سكتنا عليه كتير.
الغضب مش دايما علامة على إنك متقلب…
ممكن يكون علامة إنك اتحملت فوق طاقتك
إنك سكتت على وجع، على قلة احترام، على تجاهل متكرر، على خيانة، على ضغط مش مفهوم.
فيه نوع من الغضب اسمه “الغضب الدفاعي”
ده مش غضب مؤذي ، ده غضب بيقولك:
“أنا مش قادر أكمّل كده، أنا محتاج أتصرف، أنا تعبت”.
في الجلسات دايماً بقول للمريض أو المريضة :
“ما تلومش نفسك إنك انفجرت… اسأل نفسك انفجرت ليه؟ ومين سابك توصل للمرحلة دي؟”
اهدى… بس اسمع غضبك
يمكن هو الصوت الوحيد اللي بيقولك إنك تستحق تعامل أحسن، تستحق احترام، تستحق مساحة، تستحق راحة.
الغضب مش دايماً شيء لازم نخاف منه
أوقات بيبقى أول خطوة إنقاذ
نهاركم فيه هدوء… وفيه صوت داخلي بيسمعك قبل ما توصل لمرحلة الانفجار.

15/12/2025

صباح الخير 🌞
من العيادة النفسية… حيث تُقال الأشياء التي يخاف البعض يواجهها في نفسه في ناس أول ما تحس بالألم تضحك. مش لأنها مش موجوعة، لكن لأنها متعودة تخبي وجعها في نكتة. يضحكوا وهما بيحكوا عن أصعب مواقف حياتهم، يتريقوا على مشاعرهم، على نفسهم، على اختياراتهم وأوقات على ناس خذلتهم ، مش لأنهم أقوياء لكن لأنهم لو اتكلموا بجد، ممكن ينهاروا ومحدش يلحقهم.
السخرية بقت سترة نجاة نفسية ، لكن المشكلة إنهم نفسهم بينسوا إنهم محتاجين حضن، مش اللي يضحك على خفة دمهم. محتاجين يسمعوا: “أنا حاسس بوجعك”، مش “إنت بتضحكني”، اللي بيسخر مش دايمًا بيضحك ، أوقات بيستغيث بلُطف، بلُغة تانية.
نهاركم بيضحك ألف ضحكة و ضحكة حقيقية من القلب💚

✍️ بقلمي: د. سارة فاروق الراوي

28/11/2025

اطفال مدرسة سيدز الدولية..
عبد العزيز فخري محامي الضحايا يكشف حقائق صادمة لأول مرة مع الإعلامية نجلاء الراوي!
نجلاء الراوي Sarah Elrawy

28/11/2025

نجلاء الراوي تصدم الجميع على الهواء: مين قالك نيرة اشرف اتقـ. لت بسبب التفكك الآسري؟.. بعد حديث أحمد مطر عن انفـ ـجار حالات الطلاق وعلاقته بظاهرة التحـ ـرش!!!و مشاده على الهواء 😱
نجلاء الراوي Sarah Elrawy
#تحرش" @أبرز المعجبين

28/11/2025

أطفال بين الخوف والعدالة.. هل ينقذهم العلاج النفسي أم المواجهة مع المتهمين؟!
د. سارة فاروق الراوي والمحامي أحمد مطر يفتحان الملف الشائك مع نجلاء الراوي على شاشة الشمس 2
نجلاء الراوي Sarah Elrawy

28/11/2025

إنذارات خطيرة لو ظهرت على طفلك اعرفي فوراً إنه ممكن يكون اتعرض للتحرش.. د. سارة فاروق الراوي تكشف للأمهات العلامات اللي مستحيل تتجاهليها 🛑💔
نجلاء الراوي Sarah Elrawy