18/03/2024
معلومه أكيدة من خضروات وفواكة أورجانيك الطماطم سعرها بيرفع مرتين فالسنه عشان تبديل العروة شهر ٤ وشهر ٩ ومحدش يقولي يعني ايه عروة احنا مش هنراجع ورا #أورجانيك
فالاحسن تشيلوا شوية اليومين دول 👇👇
طريقة عمل صلصة الطماطم:-
هاتي الطماطم اغسليها كويس جدا بعدها صفيها في مصفي و هاتي اي حله تعملي فيها واقطعي الطماطم ٤ تربع عشان نتاكد انها سليمة من جوة وحطيها في الحله و اعملي كل الطماطم كدا و بعدها حطيها علي النار من غير سوايل لان هي هتنزل مية و بعدها هاتي البنجر ال هو اسمه في البلاد العربيه الشمندر الاحمر اغسليه و قشريه وقطعيه و حطيه في الحله مع الطماطم ولو مش عاوزة البنجر ممكن كام قرن فلفل احمر (البنجر والفلفل اختياري عشان تركيز اللون فقط) وغطي عليها و خليها تتسلق و بعد متستوي وسمكها يقل سيبيها تبرد و بعدها اضربيها في الخلاط كويس و بعدها صفيها في مصفي و طلعي منها التفل و القشر بتاعها و بعدها حطيها في حله علي النار تغلي خمس دقايق و هي علي النار بتغلي حطلها معلقه ونص سكر و معلقه و نص ملح الكلام ده لو انتي عامله مثلا 10 كيلو سيبيها تغلي شويه و بعدها سيبيها تبرد تماما و كيسيها بس اهم حاجه تطلعي منها الهوا و انتي بتكيسيها وبس كدة يلا حضروها هتنفع في الصيام وفي رمضان وكل سنه واحنا طيبين وبخير كلنا
