Kaff Arossa. كَف عروسة

06/01/2023

احنا عاجزين عن الشكر والإمتنان لكل اللى دعمنا..أحطتونا بطاقة رهيبة من الاهتمام والحب فوق مستوى استيعابنا..تواصلت معنا صفحات زميلة-هنفرد ليهم شكر مخصص لاحقا- بيدعمونا ويعرضوا بسخاء إنهم يقفوا جنبنا ويساعدونا فى الإنتاج لحد ما نرجع تانى إن شاء الله..جروبات للدعم..رسائل ومكالمات هاتفية طوال اليوم بنعتذر لعدم استطاعتنا للرد عليها كلها..خسائرنا الحمد لله بسيطة..هنرجع قريب أو لأ هو أمر فى علم الله وحده لأسباب كتير لكن المؤكد إننا غارقين فى نعمة كبيرة هى الدعم والحب اللى لقيناه منكم كلكم.

بنشكركم حقيقى من كل قلوبنا ومش طالبين أى حاجة غير الدعاء لنا بأن يخلفنا الله خيرا ❤️

ملحوظة: رقم تواصل الصفحة الأساسي مسروق..التواصل على الرسائل أو واتس آب فقط

05/01/2023

أصدقاءنا الأعزاء يؤسفنا إننا نعلن عن توقفنا لأجل غير مسمى..كان عندنا حريق أمس قضى على كل حاجة أخشاب وماكينات وأوردرات جاهزة للتسليم..بنعتذر لكل اللى كان حاجز معانا حاجة..دعواتكم لنا

01/01/2023

رزقكم الله أوقاتا سعيدة حافلة بالطاعات

25/12/2022

أفعال اللغة الفرنسية

الملك Avoir المكار
والملك Etre المحتار
و ال Infinitif اللطاف كانوا أول تعاون بيننا وبين المبدعة د. يارا
Senorita-Rapunzel Lolo
واللى كان مقدمة لتعاون متميز وشراكة ناجحة انطلقنا بها فى تصميم الشخصيات على الأقزام وأصبح لينا شخصياتنا الخاصة زى أفلام الكارتون 😀 وعملنا أحجام مخصصة ودمجنا الخشب مع خامات تانية أو استخدمنا تقنيات مختلفة عن شغلنا المعتاد

الملك المكار استخدمنا فيه قزم قبعة لكن بطول جديد ١٠ سم
الملك المحتار استخدمنا صوف صناعى لطرف الجاون الملكى
الأفعال..عملنا شكل حرف V بالنحت اليدوى على رؤوس أقزام (الشاب) طول ٦ سم.

وطبعنا أسماءهم على ظهورهم.

أنتم كمان تقدروا تطلبوا أقزامكم المخصصة بالشخصيات اللى تحبوها.

20/12/2022

عشان نفرح اكبر عدد ممكن من أصحابنا زودنا على الجائزة 3 كوبونات خصم بقيمة 50 جنيه على أول أوردر للفائزين
الفائزة الأولى ا. بسمة أشرف
Basma Ashraf

فازت بمجموعة أقزام سبورة بقيمة ٣٠٠ جنيه

الفائزات التاليات ب ٣ كوبونات خصم

ا. سلمى عثمان Salma Othman
ا. زينب أحمد Zeinab Ahmed
ا. شيرين سعيد Shereena Said

كل مسابقة وأنتم بخير انتظرونا فى مسابقات كتير الفترة القادمة

❤️❤️

20/12/2022

رحلة ثرية بدأتها معانا عميلة جميلة عندها مخيلة ذهبية وإبداع بلا حدود..شرفنا باختيارها لنا عشان ننفذ أفكارها ومرت رحلتنا بمحطات كتير حبينا تشوفوها معانا وهنبدأها بمسابقة لطيفة

أول حد هيخمن شخصية اليوم نفذناها على أى عنصر من العناصر اللى عرضناها عالصفحة سابقا له مجموعة أقزام سبورة من الإصدار الجديد ( زيرو تجيير زيرو علامات) بقيمة ٣٠٠ جنيه

19/12/2022

أكاديمية فلنحيينه لأولادنا

شكرا ❤️❤️

مش مهم لو كنت قاعد بتتفرج دلوقت على ماتش نهائي كأس العالم
المهم إنك تبقى مدرك الوقت وعارف هتتفرج أد إيه ومظبط جدولك على كدا 😍

في ورشة تعلم " قراءة الساعة" ضمن منهج مدرسة المهارات الحياتية بالأكاديمية كان من أهم المفاهيم اللى بنركز عليها مع أولادنا هو مفهوم إدارك الوقت، مفيش حاجة اسمها " بضيع وقت " وخلاص، حتى لو في الراحة أو في اللعب
** اسمها بقضي جزء محدد من وقتي بالعب واستمتع
** اسمها بقضي جزء محدد من وقتي بارتاح عشان أكمل

واتعلمنا كمان عن:
⌚️كيفية قراة الساعة
⌚️أنواع الساعات
⌚️ قصص عن الساعة
⌚️كيفية تحويل ساعة العقارب إلى الساعة الرقمية والعكس

وتدريبات آخرى ومسابقات على قراءة الساعة وقمنا بتصميم ساعة خاصة بكل طالب كنموذج للساعة
⏰
كل ده اتعلمناه بالوسائل الجميلة من صفحة المنتجات الخشبية الجميلة Kaff Arossa. كَف عروسة اللى حابين نقولهم شكرًا لاتقانهم وإحسانهم في صناعة أجزاء الساعات

14/12/2022

من اعمالنا السابقة ل نماء _العقيدة
🌷🙏

01/12/2022

من أشهر إصدارات اللعب التخيلى ذو النهايات المفتوحة

قوس زان ٧ شرائح (قوس صغير للسن الصغير)

طول القوس: ٢٥-٢٦ سم

ارتفاع القوس:١٢.٥-١٣ سم

عرض الشريحة: ٤ سم

متاح حاليا بألوان الطيف المعتادة والميتالك معززة بطبقة الحماية المطورة.

خصم ١٠% لمدة يومين.