ቤት ፍቕሪ እግዚኣብሄር

Call Directions Website

ቤት ፍቕሪ እግዚኣብሄር መንፈሳዊ መልእኽትታት

ቤት-ፍቕሪ እግዚኣብሔር ብናይ ኤርትራ ኦርቶዶክስ ተዋህዶ ቤተ ክርስትያን ሕግን ስርዓትን ትምህርትን ተመሪሑን ተማእዚዙን ዝጉዓዝ ማሕበር እዩ። ከምቲ ጉይታና ኢየሱስ ክርስቶስ ከምዚ ኢሉ ዝሃበና ሕድሪ መሰረት፥ “ስለዚ ኺዱ ንዅሎም ኣህዛብ ብስም ኣቦን ወድን መንፈስ ቅዱስን እናኣጥመቕኩም፡ ዝኣዘዝኩኹም ኵሉ ኺሕልዉ ኸኣ እናመሃርኩም፡ ደቀ መዛሙርቲ ግበርዎም። እንሆ ድማ፡ ኣነ ኽሳዕ መወዳእታ ዓለም ኵሉ መዓልቲ ምሳኻትኩም እየ።” ማቴ 28:18-19፥ ዕላማን እዚ ማሕበር በዞም ዝስዕቡ ነጥብታት እጠቓለል
•ብትምህርቲ ቤተ ክርስትያን ንህዝቢ ምጉሳይ
•ንህዝበ ክርስትያን ምትብባዕን ምምኻርን
•ወንጌል ምስፋሕ
ኣገልግሎ ናይዚ ማሕበር ናብ ኩሉ ክሊ ዕድመ እኳ እንተኮነ፡ ብፍላይ ግና መንእሰያት ንኣምላኽን ቤተክርስትያንን ክፈልጥዎን ርክቦም ምስ ኣምላኽ ከማዕብሉን፡ ኣብ ብዙሕ ወልፍን ሕማቅ ልምድታትን ዘለዉ ካብኡ ተናጊፎም፥ ኣብ ክርስትያናዊ ህይወቶም ይኹን ማሕበራዊ ጉዕዞኦም ውጺኢታውያን ሰባት ክኮኑ ዝሕግዝ እዩ። ብተወሳኺውን ብጭንቀትን ጽምዋን ካልእ ሕልኽላኻት ናይ ህይወት ዕረፍቲ ዝሰኣኑ፡ ዝተረጋግአ ህይወት ክመርሑ ዝመክርን ብዓቅሙ ክገብሮም ዝክእል ሓገዛት የበርክትን። ህጻናትውን መጻኢ ቤተክርስትያንን ሃገርን ከም ምዃኖም መጠን፡ ካብ ብቀንዲ ኣተኩሮ ሂቡ ዝሰርሓሎምን መደባት ናይ ህጻናትውን ይነጥፍ።

⚖️ ክርስትና "ፍጹማት ሰባት" ዝእከቡሉ ክለብ ዘይኮነስ፡ "ሓጥኣን" ምሕረት ዝረኽቡሉ ሆስፒታል እዩ!ብዙሕ ግዜ ኣብ ዓለምና ክርስትና ብጌጋ ይርአ፤ ገለ ሰባት፡ "ኣነ ኣይሰርቕ፡ ሰብ ኣይጐድ...
13/10/2026

⚖️ ክርስትና "ፍጹማት ሰባት" ዝእከቡሉ ክለብ ዘይኮነስ፡ "ሓጥኣን" ምሕረት ዝረኽቡሉ ሆስፒታል እዩ!

ብዙሕ ግዜ ኣብ ዓለምና ክርስትና ብጌጋ ይርአ፤ ገለ ሰባት፡ "ኣነ ኣይሰርቕ፡ ሰብ ኣይጐድእ፡ ካብ ካልኦት ዝበለጽኩ ጥዑይ ሰብ እየ" ብምባል ብናይ ገዛእ ርእሶም ጽድቂ ተመኪሖም ንካልኦት ይንዕቁ።

እቲ ሓቀኛ ክርስትና ግን እዚ ኣይኮነን!
ሓቀኛ ክርስትና፤ "ጐይታይ፡ ብዘይ ምሕረትካ ዋላ ሓንቲ ዋጋ ዘይብለይ ድኹም ሓጥእ እየ እሞ ይቕረ በለለይ!" ኢልካ ኣብ ቅድሚ ኣምላኽ ብትሕትና ምውዳቕ እዩ።
ፈሪሳዊ ዝኾነ ልቢ፦ ናብ ናይ ካልኦት ጉድለትን ሓጢኣትን ጥራይ ይጥምት።

ሓቀኛ ክርስትያን ግን፦ ናብ ናይ ገዛእ ርእሱ ድኻምን ናብቲ ዓቢ ምሕረት ኣምላኽን ጥራይ ይጥምት!
ኣምላኽ ንዕቡያት ይቃወሞም፡ ንትሑታት ግን ጸጋ ይህቦም። ኣብ ቅድሚ ኣምላኽ እቲ ዝዓበየ ሰብ፡ እቲ ዝበለጸ ዝተመከሐ ዘይኮነስ፡ እቲ ዝያዳ ዝተነስሐ እዩ።

📖 "እቲ ርእሱ ልዕል ዜብል ኪዋረድ፡ እቲ ርእሱ ዜዋርድ ከኣ ልዕል ኪብል እዩ!" (ሉቃስ 18፡14)

💬 ሎሚ ካብ ልብና ነዛ ናይ ሓቂ ናይ ንስሓ ጸሎት ንጸሊ፤
"ኦ ጐይታይ፡ ንዓይ ንሓጥእ ምሕረትካ ኣብዝሓለይ!"
❤️ ነዚ ንሕልና ዘንቅሕ ሓቂ ንኹሉ ሰብ SHARE ብምግባር ኣብጽሕዎ።

( ✍️ ቤት ፍቕሪ እግዚኣብሔር )

ናብ ድኻምካ እንተ ጠሚትካ ትፈርህ፤ ናብ ሓይሊ ኣምላኽ እንተ ጠሚትካ ግን ትስዕር! ⚡
13/10/2026

ናብ ድኻምካ እንተ ጠሚትካ ትፈርህ፤ ናብ ሓይሊ ኣምላኽ እንተ ጠሚትካ ግን ትስዕር! ⚡

ሓጢኣት ዝስዓር ብሓይሊ ገዛእ ርእስኻ ዘይኮነስ፡ ልብኻ ንክርስቶስ ብምሃብ ጥራይ እዩ፤ ምኽንያቱ ጸልማት ዝጠፍእ፡ ብርሃን ምስ ኣተወ ጥራይ እዩ!👉 እቲ ሕቶ፤ ሎሚ ልብኻ ብመን ይምራሕ ኣሎ፧
12/10/2026

ሓጢኣት ዝስዓር ብሓይሊ ገዛእ ርእስኻ ዘይኮነስ፡ ልብኻ ንክርስቶስ ብምሃብ ጥራይ እዩ፤ ምኽንያቱ ጸልማት ዝጠፍእ፡ ብርሃን ምስ ኣተወ ጥራይ እዩ!

👉 እቲ ሕቶ፤ ሎሚ ልብኻ ብመን ይምራሕ ኣሎ፧

12/10/2026

ምኽሪ ንሰማዒ ቊ.53

ንኹሉ ዝተባህለካ ነገር ናብ ልብኻ ኣይተእትዎ—ናይ ውሽጢ ፊልተር ይሃሉኻ! ኣብዛ ዓለም ክንነብር ከለና ብዙሕ ዓይነት ሰባት የጋጥሙና፤ ገሊኦም ዘተባብዑናን ዘኽብሩናን ክኾኑ ከለዉ፡ ገሊኦም ግ...
12/10/2026

ንኹሉ ዝተባህለካ ነገር ናብ ልብኻ ኣይተእትዎ—ናይ ውሽጢ ፊልተር ይሃሉኻ!

ኣብዛ ዓለም ክንነብር ከለና ብዙሕ ዓይነት ሰባት የጋጥሙና፤ ገሊኦም ዘተባብዑናን ዘኽብሩናን ክኾኑ ከለዉ፡ ገሊኦም ግን ሕማቕ ቃላት፡ ንዕቀት፡ ሕሜትን ኣሉታዊ ስምዒትን ዝተፉኡ እዮም። ንሕና ንኣፍ ናይ ካልኦት ሰባት ክንዓጽዎ ኣይንኽእልን ኢና፤ ናብ ልብና ዝኣቱ ነገር ግን ባዕልና ኢና እንውስኖ!

ነዚ ኣገዳሲ ፍልልይ ኣስተውዕለሉ፤

ከም እስፖንጅ (Sponge) እንተ ኴንካ፦
እስፖንጅ ዝረኸበቶ ረሳሕ ማይ ከይመረጸት ከም እትስሕቦ፡ ንስኻ’ውን ንኹሉ ናይ ሰባት ጸርፊ፡ ሕሜትን ቁጥዐን ናብ ውሽጥኻ ትስሕቦ። ኣብ መወዳእታ ድማ ብጭንቀት፡ ብሕርቃንን ብጓህን ትምላእ።

ከም ፊልተር (Filter) እንተ ኴንካ ግን፦
እቲ ዝሃንጸካን ጠቓምን ዘረባ ጥራይ ናብ ውሽጥኻ ክሓልፍ ትፈቅድ። እቲ ጐዳእን መርዛምን ቃላት ግን ኣብቲ ደገ ተጣሪዩ ይተርፍ እምበር፡ ናብ ልብኻ ፈጺሙ ኣይኣቱን!

ከምቲ መጽሓፍ ቅዱስ ዝብሎ፤
📖 " ሕይወት ካብ ኣእምሮ እያ እትፍልፍል እሞ ልዕሊ ዅሉ ነእምሮኻ ሓልዎ።" (ምሳሌ 4፡23)

ዝኸበርካ ሓወይ / ዝኸበርኪ ሓፍተይ፤
ሰባት ናይ ውሽጦም ሕማቕ ስምዒት ናባኻ ክደርብዩ ፍቓድ ኣይትሃቦም። ሰላምካ ዝሰርቕ ዘረባ ኣይትስማዕ፤ ጠቓሚ ዝኾነ ጥራይ ኣጽንዕ!

(✍️ ቤት ፍቕሪ እግዚኣብሔር)

🌅 ትማሊ ሓሊፉ እዩ፡ ጽባሕ ድማ ኣብ ኢድ ኣምላኽ ኣሎ—ሎሚ ደኣ ብኸመይ ትነብር ኣለኻ፧ሓድሓደ ግዜ ህይወት ኣዝያ ትኸብደና እሞ፡ ነቲ ዘይመጸ ናይ ጽባሕ መዓልቲ ብጭንቀት እናሓሰብና፡ ነታ ኣ...
11/10/2026

🌅 ትማሊ ሓሊፉ እዩ፡ ጽባሕ ድማ ኣብ ኢድ ኣምላኽ ኣሎ—ሎሚ ደኣ ብኸመይ ትነብር ኣለኻ፧

ሓድሓደ ግዜ ህይወት ኣዝያ ትኸብደና እሞ፡ ነቲ ዘይመጸ ናይ ጽባሕ መዓልቲ ብጭንቀት እናሓሰብና፡ ነታ ኣብ ኢድና ዘላ ናይ ሎሚ ክብርቲ መዓልቲ ብምምራር ነጥፍኣ።
እቲ ሓቀኛ ዓወት ህይወት ግን፡ ኣብቲ ጽባሕ ዝኸውን ነገር ዘይኮነስ፡ ኣብቲ ሎሚ ኣብ ቅድሚ ኣምላኽ ዘሎካ ኣረኣእያ እዩ ዝውሰን!

ነዚ ዕጹብ መንፈሳዊ ትምህርቲ ኣብ ህይወትካ ብ 3 ነገራት ተለማመዶ፤

1. ንሎሚ ብምስጋና ሕለፎ! 🌾ሎሚ ኩሉ ነገር ከምቲ ዝደለኻዮ ኣይኮነን ይኸውን፡ ኪስኻ ባዶ ትኸውን፡ ጥዕናኻ’ውን ዝደኸመ ይኸውን፤ ግናኸ ገና ብህይወት ኣለኻ! ኣብ ውሽጥኻ ዝተነፍሐ ናይ ህይወት ትንፋስ ኣሎ። ሎሚ ዘየመስገነ ሰብ፡ ጽባሕ ዝኾነ ነገር እንተረኸበ’ውን ዕግበት ኣይረክብን እዩ። ምስጋና ነቲ ዘሎካ ባሪኹ ዘዕቢ ዓቢ ቁልፊ እዩ።

2 .ንጽባሕ ብተስፋ ተጸበዮ! ☀️ጽባሕ እንታይ ከም ዘጋጥም ሰብ ኣይፈልጥን እዩ፤ ኣምላኽ ግን ድሮ ኣብ ጽባሕ ኣሎ! እቲ ትማሊ ዘስገረካ ኣምላኽ፡ ጽባሕ ንበይንኻ ኣይክሓድገካን እዩ። ናይ ጸልማት ለይቲ ክሳብ ክንደይ እንተ ነወሐ፡ ጸሓይ ካብ ምብራቕ ደው ኣይትብልን እያ። ስለዚ፡ ንጽባሕ ብፍርሂ ዘይኮነስ ብዓቢ ናይ እምነት ተስፋ ተቐበሎ!

3 .ሓይልን ትዕግስትን ካብ ኣምላኽ ጥራይ ድለ! 🧎‍♂️
ሰብ ዝደክመሉ ዓቢ ምኽንያት፡ ብናይ ገዛእ ርእሱ ሓይሊ ንኹሉ ክስዕር ስለ ዝደሊ እዩ።ኣብ ቅድሚ ሰብ ዝተነፍሐ ቀልጢፉ ይትኮስ፤ ኣብ ቅድሚ ኣምላኽ ዝተንበርከኸ ሰብ ግን፡ ኣብ ቅድሚ ዝኾነ ናይ ዓለም ማዕበል ደው ክብል ዝኽእል ዘይስዓር ሓይሊ ይለብስ። ትዕግስቲ ማለት ብስቕታ ምጽባይ ጥራይ ዘይኮነስ፡ ኣምላኽ ኣብ ሰዓቱ ከም ዝሰርሕ ብምሉእ ልቢ ምእማን ማለት እዩ።

🙏 ሎሚ ብሓባር ክምዚ ኢልና ንጸልይ፤"ኦ ኣምላኸይ፤ ንሎሚ ብምስጋና ክሓልፎ፡ ንጽባሕ ድማ ብተስፋ ክበጽሖ፡ ሓይልን ትዕግስትን ባዕልኻ ዓድለኒ! ኣሜን።

( ✍️ ቤት ፍቕሪ እግዚኣብሔር)

🙏🙏🙏
11/10/2026

🙏🙏🙏

"ንስኻ ክትልምን ከለኻ ከምቲ ውሱን ናይ ሰብ ዓቕምኻ ንእሽቶ ትልምን፤ ኣምላኽ ክምልሰልካ ከሎ ግን፡ ከምቲ ዘይውዳእ ናይ መለኮቱ ሃብቲ ብዕጽፊ የፍስሰልካ!"— ቅዱስ ዮሃንስ ኣፈወርቅ
10/10/2026

"ንስኻ ክትልምን ከለኻ ከምቲ ውሱን ናይ ሰብ ዓቕምኻ ንእሽቶ ትልምን፤ ኣምላኽ ክምልሰልካ ከሎ ግን፡ ከምቲ ዘይውዳእ ናይ መለኮቱ ሃብቲ ብዕጽፊ የፍስሰልካ!"

— ቅዱስ ዮሃንስ ኣፈወርቅ

📅 ክሳብ ሕጂ ብህይወት ምህላውና፡ ብጸጋ ኣምላኽ ጥራይ እዩ!ኣዋርሕ ብኣዋርሕ ይቕየሩ፡ ዓመታት ይሓልፉ፤ ኣብ ውሽጢ እዚ ጉዕዞ ብዙሕ ፈተናታት፡ ድኻማትን ሕልኽላኻትን ሰጊርና ንኸውን። እንተኾ...
09/10/2026

📅 ክሳብ ሕጂ ብህይወት ምህላውና፡ ብጸጋ ኣምላኽ ጥራይ እዩ!

ኣዋርሕ ብኣዋርሕ ይቕየሩ፡ ዓመታት ይሓልፉ፤ ኣብ ውሽጢ እዚ ጉዕዞ ብዙሕ ፈተናታት፡ ድኻማትን ሕልኽላኻትን ሰጊርና ንኸውን። እንተኾነ ግን እቲ ዝሓለፍናዮ ኩሉ ብጉልበትና ወይ ብጥበብና ዘይኮነስ፡ እቲ ዘይድክም ናይ ኣምላኽ ጸጋ ደጊፉ ስለ ዘሳለየና ጥራይ እዩ!

ካብቲ ዝሓለፈ መዓልታት ጀሚሩ ክሳብዛ ሰዓት እዚኣ፡ ኢዱ ካባና ኣይተፈልየትን። እቲ ትማሊ ዘስገረና ኣምላኽ፡ ሎሚን ጽባሕን እውን ብሰላም ከስግረና እሙን እዩ።

ከምቲ ቃል ኣምላኽ ዝበሎ
📖ዘለዓለማዊ ምሕረቱ ኣይውዳእን እዩ እሞ፥ ጥራስ ዘይጠፋእናስ ሳላ ፍቕሪ እግዚኣብሔር እዩ። (ደጉዓ ኤርምያስ 3፡22-23)

መጽሓፍ ብዛዕባ ኣብርሃም ክነግረና ኸሎ ኣምላኽ ናበይ ይመርሖ ከም ዘሎ ከይፈለጠ ብእምነት ካብ ዓድዩ ወጽዩ ናብቲ ኣምላኽ ኪድ ዝበሎ ከደ ይብል።ሓደ ሓደ ግዜ ኩነታት ካብ ዓቕምና ንላዕሊ ክኾ...
09/10/2026

መጽሓፍ ብዛዕባ ኣብርሃም ክነግረና ኸሎ ኣምላኽ ናበይ ይመርሖ ከም ዘሎ ከይፈለጠ ብእምነት ካብ ዓድዩ ወጽዩ ናብቲ ኣምላኽ ኪድ ዝበሎ ከደ ይብል።

ሓደ ሓደ ግዜ ኩነታት ካብ ዓቕምና ንላዕሊ ክኾኑና ከለዉ ዎ ጐይታ ናበይ ይኸድ ኣለኹ ኣይፈልጥን ግን ይኣምነካ እየ ንበሎ።

ኣጆኻ ንሱ ብምድረበዳ ገይሩ ናብ ትዓርፈሉ ሻኻን ናብ ጠስምን መዓርን ትውሕዝ ክውስደካ እዩ።

#ቤት #ፍቕሪ #እግዚኣብሔር

Address

Cairo

Telephone

+201123239918

Website

Alerts

Be the first to know and let us send you an email when ቤት ፍቕሪ እግዚኣብሄር posts news and promotions. Your email address will not be used for any other purpose, and you can unsubscribe at any time.

Shortcuts

Share

Category