12/01/2026
مساء الخير نظام تعامل وشروط لازم تعرفيها قبل اي حجز
لحجز اي اوردر 📦
مكاننا دمياط القديمه شحن لاي مكان داخل وخارج دمياط وضواحيها وجميع المحافظات
شحن 🚚🚚المحافظات من ٩٠ل ١٠٠/١١٠
اسعار الشحن الداخلي
داخل القديمه ٢٥
شحن الجديده وراس البر ٤٠
فارسكور الزرقا والكفور ٥٠
لو عايشه خارج مصر ✈️✈️✈️بتجمعي اوردرك
وبتحجزي الاوردر وبتحولي تمنه فودافون كاش او انستا باي
لما اي قطعه توصل ببلغك
وبنشحنهولك اول ما تنزلي اجازه او علي عنوان انت بتحدديه في الوقت اللي تحبيه وده بيتم مع عملاء بالفعل وثقو فيا سنين بياخدو اوردات استعمال شخصي او هدايا 🎁 🎁
تاكيد الحجز 👍
بالاسم والفون والعنوان
و٥٠ ٪ ديبوزيت بالنسبة لتعامل اول مره بستثني من ده العملا الدائمين القدااااام
مده تجميع الاوردر 📦📦اسبوعين ✌🏼تزيد او تقل ايام بسيطه
العميل المستعجل 🔜🏃♂️🏃♂️اللي عندو ظرف معين او مسافر او طالب هديه ومرتبط بمعاد محدد بيبلغنا بنعرض عليه المتاح فوري 🔜🔜او المتاح انو يوصل مستعجل او بنشحن مخصوص ليه وفي حاله الشحن مخصوص ده بيكلفه رسوم شحن زياده بنتفق عليها وقت حجز الاوردر
موديلات الحجز 🚫🚫 بنكتب عليها حجز ودي بتتعرض ديما بصور المصانع ملهاش صور عالطبيعه لسه بتدخل في دوره تصنيع وإنتاج وشحن وتسليم للمكاتب ثم تسليم 🚚 للسيلر
ثم تسليم للعميل دي عمليه بتتم في شهور لو مستعجله متحجزييييش خاااالص ابدا وعندك الموديلات المتاحه بتنزل يوميا عالجروب والبيدج
متصوره عالطبيعه وتقدري تسالي وتتاكدي قبل ما تحجزي بنفسك
سرعه الحجز مهمه ‼️عشان نلحق المقاسات لان مجرد نزول الموديل فوري في المكتب بيخلص في دقايق معدوده وده بيبقي خارج عن ارادتنا طبعا
ولذلك دي ميزه الحجز 🚫🚫من بدري طبعاً انك بتاخدي اولويه لحجز اللون والموديل اللي عاجبك
المقاس مسؤليه العميل 🫵🫵🫵واغلب الموديلات الفوري ليها سايز شارت بتحددي من خلاله مقاس ابنك او بنتك انت ادري بيه
مفيش مرتجع او استبدال غير في حاله الديفو. لان المكاتب بترفض المرتجعات لكن ممكن نعرض الموديل فوري وده اوبشن من عندي وبساعد علي قد ما اقدر اني ابيعه وبديكي الاولويه لو الموديل اتطلب منني باخده منك انت ودي خدمه منني ليكي ولو في مكتب وافق علي الاستبدال وده نااااادر جدا جدا بعرفك طبعا لكن تكلفه الشحن عليكي
في حاله طلبك لاوردر مكون من عدد قطع انا بجمعلك اوردرك من مكاتب كتير فمش كلهم بيوصلو مع بعض مجرد ما ببلغك ان قطعه 🫵وصلت بتحولي تمنها وتنتظري تجمعي بقيت اوردرك اشيلهولك في عنيا لما الباقي يوصل بظ تخلصي حسابك عشان متعطلش واعرف تاستلم الباقي او ابعتلك مندوب باللي وصل زي ما تحبي لكن معدش فيه قطعه عندي هتستني غير ومدفوع تمنها
نقطه مهمه جدا ☝️☝️ انا مش بتعامل بالآجل ولا بقسط ولاااا هعمل كده ابداااااا لان غلاء الاسعار اصبح بيجمد معايا سيوله كبيره بكون محتجاها لدفع فواتيري ولسرعه عمليه التسليم والاستلام
اخيراً انا طويله البال واسهل مما تتخيلو وأبدي مصلحه العميل عن مصلحتي والمكسب الحقيقي عندي هو رضاكي عن الاوردر
لكن‼️‼️ اتعرضت لنصب وعدم تقدير وخسايررر بالألوفات وكذب وتحوير وقله ادب كتييييييير خلتني لازم اضمن حقي واديكو حقو علي اكمل وجه 🥰 ولا ضرر ولا ضراار
انا ☝️ بتقي ربنا جداااا في شغلي ضميري صاحي مبينيمنيش حرفياً
كل اللي طالباه منكو تتعاملو معايا بنفس الضمير والتقدير
