09/04/2021
بنات ..
عقولكم حاجة حلوة جربتها
سكراب فروة الراس!!!
احنا عارفين أن السكراب بيكون للبشرة بس أنا بتاعت الجديد 🤣😅
فروة الراس بقي بيتعمل لها سكراب هي كمان *زغرطي يا انشراح*💃
عشان الجلد الميت لما بيتراكم ع فروة رأسك بيخلي الشعر يقع و ميطولش و ميوصلوش تغذية كويس من الزيوت أو السوخام اللي بنحطه عليه
عشان كده تلاقي جايبة حاجات ب ١٥ جني بحالهم و متجيبش نتيجة معاكي و تقولي نصابين ضحكوا عليا 🤣
المهم .. هنعمل السكراب ده ازاي
معلقة كبيرة بن
معلقة صغيرة سكر خشن بتاع التموين .. مش سكر الأسرة
و تقلبيهم مع بعض
و تدلكي بيهم فروة راسك و شعرك مبلول
تدلكي كويس خالص
و بعدين تغسلي شعرك بالشامبو و اشطفيه عادي بقي
ممكن تعملي كده كل شهر مثلا مش ع طول يعني 🥰♥️
