21/01/2023
السلام عليكم ورحمه الله وبركاته
أعرفكم بنفسي أسمي يحي محمد
مصمم شعارات وانا جاي النهاردة
علشان اقولكم ازاي اجيب فكرة
علشان اصمم الشعار
نبدا كدا وحدة وحدة
ماشي قول يا عم يحي وبلاش كلام كتير صدعتنا
حاضر بس اسمعني للآخر
اولا حاجة انت دلوقتي عندك افكار كتير في دماغك بس مش عارف تطلعها
تمام وبعدين
علشان تطلع الافكار دي محتاج انك تقدر مع نفسك
الكوفي بتاعك وتجيب الاسكتش بتاعك بردو
وتفضل تأبدع بقا
تبدأ تطلع كل الأفكار اللي في دماغك
الفكرة الوحشة قبل الكويسة
لان دا هيساعدك تصفي دماغك من الأفكار الوحشة اللي ملهاش لازمة
ازاي يا عم يحي مصدعنا من غير ما فاهمين حاجة
اقولك ازاي استنا
انت لما بترسم الفكرة علي الاسكتش (الورق)
بتطلع كل الأفكار اللي في دماغك الوحشة قبل الكويسة
لحد ما بتوصل للفكرة اللي انت محتاجها وهتعجب العميل
وبعد كدا ياسيدي تاخد فكرتك دي وتروح علي اللاب بتاعك أو الكمبيوتر ايا كان اللي بتصمم عليه وتبدأ تنفذها عليه وتظبط الالوان بتاعتك 🌈
وعيش وسبني اعيش 😂
اتمني البوست يعجبكم
