https://www.instagram.com/dr.ahmedantar1?igsh=dWxseWJld3d3ZXZt&utm_source=qr, https://youtube.com/@drahmedantar?si=pHu7I

Ahmed Antar - احمد عنتر, Giza (2026)

29/07/2026

دقيقة واحدة تغير حياة كل مريض سكر🤔

شوف التعليقات👇👇
علشان تعرف المصارد وهل موجود في مصر والا لا

#طبيب #امراض #وراثة #السكري #صحة

25/07/2026

طريقة اخد الانسولين ممكن تكون بالاستنشاق (زي بخاخات الربو كدا) ؟ 🤔

16/07/2026

المرض دا بيموت طفلك ببطئ☠️
Galactosemia (مرض السكر اللبني)

#الجلاكتوزيميا #الجلاكتوسيميا #الطفل #صحة #معلومة ゚viralシ゚

10/07/2026

60 ثانية فرقوا بين حياة إريكسن وموته… القصة كاملة

توقف عضلة القلب ☠️💀
Sudden cardiac death
#كرةالقدمالعربية ゚

09/07/2026

Stay tuned 🔥

30/06/2026

الصداع و الجيوب الأنفية 🤧

اعتقد إن معظمنا لو مكناش كلنا أخدنا مسكن للصداع
قبل كده 💊 بس مرات بييجي صداع شكله مختلف ومبيروحش مهما أخدت مسكن وممكن من غير ما تاخد بالك يكون السبب التهاب في الجيوب الأنفية مش صداع عادي

تعالى أقولك تعرف إزاي إنه التهاب جيوب أنفية 👇

الصداع العادي بتحس إنه عام يعني مش حاسس إن في نقطة معينة هي اللي بتوجعك
أما لو حاسس إن فيه ضغط أو ثقل في مكان معين تحت العين أو جنب الأنف أو فوق عند الجبهة ده بقى مش صداع عادي 😣

كمان لو وجعك بيزيد لما تنحني ده من أوضح العلامات 📌وغالبًا بييجي معاه زكام بيفضل كذا يوم ومش بيخف زي العادي وأحيانًا بتلاقي نفسك حاسس بإرهاق أو تعب زيادة 😩

المهم في الموضوع إن المسكن مش حل لأن المشكلة هنا التهاب مش مجرد ألم ⚠️
يعني ممكن تاخد مسكنات أسابيع وتفضل تحس بنفس الحاجة عشان السبب الأساسي لسه موجود

لو الكلام ده بيحصل معاك متستناش كتير وروح للطبيب علشان يحدد لك خطة العلاج المناسبة 🩺

وهنا العلاج بيكون بناء علي خطة الطبيب المعالج عن طريق 👇

💊 مضاد حيوي لو الالتهاب بكتيري
🔵 بخاخ أو نقط للأنف عشان يقلل الالتهاب والتورم
🌬️ مضاد احتقان يساعد التنفس يرجع طبيعي
💧 غسول للأنف بمحلول ملحي يساعد ينظف الجيوب
وفي حالات قليلة لو الموضوع بيتكرر كتير ممكن تحتاج تدخل جراحي بسيط بالمنظار ودا طبعا بناء علي قرار الطبيب بعد تقييمه لحالتك

شاركوا البوست لو حد حواليكم بيشتكي من صداع مستمر 🔄 وقولولي في الكومنتات لو الأعراض دي حصلت معاكم قبل كده 💬

06/06/2026

جلطة الاوردة العميقة DVT 🩸
شير وفولوا للصفحة علشان المعلومة توصل لاكبر عدد محتاجها

قبل ما تتجاهل ورم أو ألم في رجلك اقرأ البوست ده كويس

جلطة الأوردة العميقة DVT هي جلطة دموية بتتكون داخل الأوردة العميقة وغالبًا بتكون في الساق

المشكلة إن الجلطة مش بس بتسبب ألم أو ورم في الرجل لكن أحيانًا جزء منها ممكن يتحرك ويوصل للرئة ويسبب جلطة رئوية pulmonary embolism 🩸ودي حالة خطيرة جدًا وبتحتاج تدخل طبي عاجل

أكتر ناس معرضة للإصابة:
✔️ اللي بيقعدوا فترات طويلة من غير حركة
✔️ بعد العمليات الجراحية
✔️ مرضى السرطان ومرضي القلب والشرايين
✔️ الحوامل وبعد الولادة
✔️ المدخنين
✔️ أصحاب السمنة
✔️ اللي عندهم تاريخ سابق للجلطات

أعراض لازم تاخد بالك منها:
🔹 ورم في رجل واحدة
🔹 ألم أو شد في السمانة
🔹 إحساس بثقل أو عدم راحة أثناء المشي
🔹 احمرار أو سخونة في الرجل المصابة

⚠️ وفي بعض الحالات ممكن الجلطة متعملش أي أعراض

علامات خطيرة تستدعي الطوارئ فورًا :
🔴 ضيق مفاجئ في التنفس
🔴 ألم في الصدر
🔴 كحة مصحوبة بدم

إزاي نقلل خطر الإصابة:
✅ اتحرك باستمرار ومتقعدش ساعات طويلة من غير حركة
✅ امشِ بدري بعد أي عملية جراحية حسب تعليمات طبيبك
✅ اشرب كمية كافية من المياه
✅ التزم بمضادات التجلط أو الجوارب الطبية لو الطبيب وصفها

أي تورم أو ألم مفاجئ في ساق واحدة يستدعي التقييم الطبي علشان التشخيص والعلاج المبكرين ممكن يمنعوا مضاعفات خطيرة وينقذوا الحياة

#دكتور

31/05/2026

🩸 سكر النوع الأول.. Diabetes type 1!

شارك البوست وتابع الصفحه عشان تنشر الوعي وتعرف معلومة يمكن مكنتش تعرفها ❤️🫶

سكر النوع الأول بيحصل فيه ان جهاز المناعة بيهاجم خلايا البنكرياس المسؤولة عن إنتاج الأنسولين (خلايا بيتا)ويدمرها بالخطأ ونتيجة لكده الجسم بيبقى مش قادر ينتج الأنسولين اللي بيساعد السكر يدخل للخلايا ويتحول لطاقة

📌 نتيجة عدم وجود الانسولين السكر يفضل موجود في الدم بمعدلات عالية لكن خلايا الجسم نفسها بتكون جعانة ومش قادرة تستفيد منه فيبدأ الجسم يحرق الدهون للحصول على الطاقة وده ممكن يعمل مضاعفات خطيرة لو ما اتعالجش

⚠️ أعراض سكر النوع الأول:

- عطش شديد وشرب مياه كتير
- دخول الحمام بشكل متكرر
- فقدان وزن ملحوظ من غير سبب
- جوع مستمر
- إرهاق وتعب طول الوقت
- زغللة في العين
- جفاف بالفم والجلد
في الأطفال ممكن نلاحظ رجوع التبول اللاإرادي بعد ما كان الطفل متحكم فيه.

🚨لو ما اتشخصش أو ما اتعالجش بسرعة ممكن يسبب حاجة اسمها الحماض الكيتوني السكري DKA ودي حالة طارئة تستدعي الذهاب للمستشفى فورًا.

وعلى المدى البعيد عدم التحكم في السكر ممكن يؤثر على:
- العين
- الكلى
- الأعصاب
- القلب والأوعية الدموية

علشان الجلوكوز وجوده بيسحب المياه لداخل الخليه فبيؤدي لامتلاء الخلية وبالتالي انفجارها
وكمان ارتفاع الجلوكوز المستمر فالدم وعدم دخوله الخلايا بيجرح جدار الاوعيه الدمويه وبالتالي بتكون عرضه لوجود الكوليستيرول الضار LDL وعلوه فالدم 🩸

💉 العلاج
للأسف مفيش علاج نهائي لحد دلوقتي لكن فيه علاج فعال جدًا يخلّي المريض يعيش حياة طبيعية بيعتمد على:

✅ الأنسولين بشكل يومي سواء حقن او مضخة انسولين اوتوماتيكية
✅ متابعة مستوى السكر باستمرار سواء بالاجهزه العاديه او من خلال المضخة
✅ نظام غذائي متوازن غني بالألياف والبروتينات
✅ ممارسة الرياضة بانتظام
✅ معرفة أعراض ارتفاع وانخفاض السكر والتعامل معاها بسرعة

#السكري #طب #صحة #صحتك #الأنسولين

25/05/2026

🚨 سكر النوع الثاني Type 2 diabetes

فولو ولايك علشان المعلومه توصل لاكبر عدد❤️🫶

كتير من الناس بيكون عندهم سكر من النوع الثاني من غير ما يعرفوا لأن الأعراض في البداية ممكن تكون بسيطة أو تتفسر غلط

🔍 علامات مبكرة لازم تنتبه لها:
• عطش مستمر وجفاف بالفم
• كثرة التبول خاصة بالليل
• إحساس بالتعب والإرهاق بدون سبب واضح
• زغللة أو تشوش في النظر
• بطء التئام الجروح
• زيادة الجوع مع فقدان وزن أحيانًا
• تنميل أو حرقان في القدمين

⚠️ مين الأكثر عرضة؟
• زيادة الوزن أو الكرش
• قلة الحركة
• وجود تاريخ عائلي للسكر
• ضغط أو دهون مرتفعة
• بعد سن 40 (لكن ممكن يظهر في سن أصغر)

🚨مقاومة الانسولين تعتبر مؤشر خطر للاصابه بسكر النوع الثاني

✅ خطوات عملية للسيطرة والوقاية:
1️⃣ قلل السكر والمشروبات الغازية والعصائر المحلاة
2️⃣ امشِ 30 دقيقة يوميًا
3️⃣ اهتم بالأكل المتوازن: خضار + بروتين + تقليل النشويات البيضاء
4️⃣ نام كويس وقلل التوتر
5️⃣ اعمل تحليل سكر بشكل دوري خاصة لو عندك عوامل خطر

💡الاكتشاف المبكر والسيطرة على السكر تحمي القلب والكلى والأعصاب والعينين من مضاعفات خطيرة نتيجة عدم السيطرة لمدة طويله عليه

🩺 لو عندك أعراض أو عوامل خطر استشارة الطبيب وعمل التحاليل خطوة مهمة جدا

متابعة مستويات السكر فالدم بصفه دوريه لمصابي السكر و انتظام اخذ العلاج ليست رفاهية مع الاخذ فالاعتبار اذا ظهر اي اعراض جديده(دوخه /نقص فالقياسات بشكل غير طبيعي/….) لابد من متابعة الطبيب المختص ❤️

#السكر #السكري #صحة #الوقاية #سكر

23/05/2026

🚨 المياه على الكُلى

فولو ولايك علشان المعلومة توصل لاكبر عدد ❤️🫶

يعني ايه مياه علي الكلي؟

💧 المياه على الكُلى أو تمدد الكُلى بيحصل لما البول ماينزلش بشكل طبيعي فيبدأ يرجع ويتجمع جوه الكُلى بدل ما يخرج للمثانة ممكن برضو السبب يكون فناحية واحده او فالناحيتين سوا

📌 الأسباب ممكن تكون:
-حصوة تسد اي جرء في مجرى البول
-ارتجاع البول من المثانة للكُلى نتيجة انسداد فالمثانة او اورام
-ضيق بالحالب سواء خلقي او مرضي
-تضخم البروستاتا عند الرجال
-ممكن الحمل يضغط علي المثانه

⚠️ المشكلة إن الحالة أحيانًا تكون بدون ألم لكن مع الوقت ممكن تسبب:
❌ التهابات متكررة "اتهاب مجري البول مرتين خلال ٣ شهور او ٣ خلال ٦ شهور"
❌ ضعف بوظائف الكُلى بنعرفه من تحاليل الوظائف يوريا وكريات
❌ ممكن الكُلى تتأثر بنسبه كبيرة لو اتأخر العلاج

🚨 أعراض لازم تنتبه لها:
-ألم بالجنب أو الظهر
-حرقان أو صعوبة في البول
-حرارة والتهابات متكررة
-دم في البول
-تورم أو ضعف عام

🩺 بنشخصها عن طريق:
✔️ سونار على الكُلى
✔️ تحليل بول ووظائف كُلى
✔️ أحيانًا أشعة مقطعية وممكن مسح ذري علشان نعرف الكلي سليمه وبتقوم بوظيفتها والا نعمل عمليه ونشيلها

💡العلاج بيعتمد على السبب لأن المياه علي الكلي ما هي الا عرض لسبب فممكن العلاج يكون
-دواء
-منظار
-دعامة
-إزالة انسداد قبل ما الكُلى تتأثر

#احمدعنتر
#الكلى

#مسالك #طب #صحة #دكتور #مصر

Ahmed Antar - احمد عنتر

29/07/2026

25/07/2026

16/07/2026

10/07/2026

09/07/2026

30/06/2026

06/06/2026

31/05/2026

25/05/2026

23/05/2026

Address

Website

Alerts

Shortcuts

Share

Listing takedown request