02/09/2026
كلمتين لوجه الله في فرق أسعار العمره....✅✅✅
(((((السعر مقابل خدمة ))))))))
يعني ايه الكلام ده ؟؟؟؟؟؟؟؟؟
لما يقولك هطلعك عمرة ب٣٠ الف و وغيرو يقول ب ٣٣ الف و تالت يقول ٣٥ الف و رابع يقول ٣٧ الف و خامس يقول ب ٤٠ الف يبقا كده لازم نعمل واقفه جامده🤔🤔
طب ليه الفرق في السعر كدة نصابين ولابيضحكوا علينا لا
مفيش نصب ولا حاجة خااالص لأن في شوية حاجات بتخلي السعر يختلف ويختلف جامد كمان👌
🌸اولا التأشيرة تكلفتها واحدة على الكل 👌
🌸ثانيا الطيران هو أول حاجة بتخلي السعر يختلف وده حسب نوع الطيران والوزن المباح لكل معتمر لانه بأسعار مختلفة
🌸ثالثا الوجهة يعني ايه يعني الطيران القاهرة جدة -جدة القاهرة اقل في السعر من الطيران مباشر للمدينة والعودة من جدة أو العكس ركزوووا معايا☺️
🌸 رابعا الفنادق هي قريبة من الحرم هتتمشي ولا بعيدة ولازم باصات لأنها تفرق جامد في السعر بردووا
بس خد بالك فيه فنادق بمواصلات اسهل واقرب بكتير من اللي بتتمشي
وهنا لازم تعرف بالظبط مكان الفندق قبل م تسافر
🌸 خامسا درجة الفندق و ده مهمة جدا هل هي عمارة فندقية ولا ٣ نجوم ولا ٤ نجوم ولا ٥ نجوم علشان تفرق كتير قوي في السعر والله وكمان تسأل هتقعد مع كام واحد في الغرفه
🌸سادسا مدة الرحلة كل لما تقل المدة ولو يوم واحد السعر يختلف طبعا يكون أقل
☝️يبقي متفرحش قوي بالسعر القليل لأن شركة السياحة في المقابل هتيجي على حساب الخدمات المقدمة كل حاجة ولها سعرها
وانت اللي بتختار لما تقارن قارن رحلات على نفس المستوي ...
ربنا يكتبلكم جميعا زيارة بيته الحرام قريبا ...
