10/11/2019
الاخطاء ال50
1_الطفل اتولد وانتى مش عايزه تديه نص سم فيتامين ك عضل علشان خايفه عليه من الحقنه ليه!
2_ابنك اتولد ومش عايزه تحطيه عل صدرك اصله مفهوش لبن اومال اي اللى هينزل اللبن
3_ابنك اتولد وانتى سيباه ينام اكتر من 5ساعات متواصله وانتي مبسوطه لا اومال هتنظمى الرضعه ازاى
4_ابنك اتولد وانت نسيتى تديله قطره توبرين للعين لمده شهر ليه!
5_ابنك اتولد واصفر من اول يوم وانتى قاعده تقولى عادى عادى ايه بس!
6_ابنك اتولد واصفر لون اصفر ليمونى وساكته وبتقولى هاولعله لمبه لا ولعيله شمعه!
7_ابنك اتولد وجاله صفرا وهذا اليوم التانى ورحتى لدكتور واداك دوا اسمه سموناليتا مكتوب عليه منوم ومهدئ وبتدهوله ازاى؟
8_ابنك معملش حمام اول يوم من الميلاد وتانى يوم وانتى صابره عليه اسبوع دا مرض وعايز جراحه يافندم
9_ابنك من اول يوم ماخدش فيدروب 4نقط مره وحده فى اليوم وانتى تقولى هو لسه عمل ايه لما ياخد نقط فيتامين!
10_ابنك مناخيره مخنفره وانتى مش عايزه تديله نقط محلول الملح او ماء البحر اصله هيتعود على البخاخه ازى !
11_روحتى للدكتور وابنك لسه 20 يوم وبيقولك عنده التهاب ف الحلق ومديله مضاد حيوى وانتى هتدهوله لالالا مفيش التهاب فى الحلق قبل شهر
12_روحتى للدكتور واداكى فنستيل قبل شهر وبتديه لابنك وهتدهوله ازاي مينفعش قبل شهر
13_ابنك بيرضع ومنتظم وبيزيد بالمعدل الطبيعى وعايزه تديله لبن صناعى علشان يبقى اد ابن اختك ليه حرام !
14_ابنك فى اول 3 الى 7 ايام لازم تحليله تحليل الغده الدرقيه من كعب الرجل مينفعش تنسى
15_اوعى تنسى تطعيم الدرن اللى بيتاخد فى الكتف دا الختم بتاع المصريين علشان ننسى الدرن دا خالص
16_ابنك عمال يبص عل المروحه ومتنح ومش عايز يشوف حد غيرك ومش عايزه تاخدى بالك ان دى اعراض توحد
17_ابنك مش بيلتفت ليكى وعنده شهرين وانتى عماله تنادى وتزعقى وتقولى اصله سارح سارح ايه بس اكشفى على السمع بتاعه
18_ابنك بتعمليله رضعه يانسون مثلا وتحطى عليها سكر لالالا الطفل مبياخدش سكر قبل 6شهور ابدا وبلاش اعشاب عشان هي اللي بتعمل مغص ع فكره فهمين 🤗
19_ابنك لسه معدته صغيره وعايزه تاكليه قبل 6شهور هيهضم ازاى بس !!!!
20_ابنك بياكل والحمد لله عنده سنه لازم بقى تديله محشى وبط وفراخ ولحمه وتظغطيه زى البطه حرام هيودى فين بس!
21_ابنك عنده 4 شهور وشايفه ايده ورجله بيعرقو ومش عايزه تديله كالسيوم صاف لمده شهر
22_لسه مصره توقفى الفيدروب وتدى ديكال طيب ليه بس دا ابنك قرفان من الدوا وهو بيحب الفيدروب ليه بس انت عايزه تعملى كده هو مش ابنك بردو؟
23_ابنك عنده 6شهور ولسه مش ادتيه نص او قطاره الاربع هيدروفرين كل يوم لمده 3شهور وراجعه تقولى الواد جابه انميا طيب ماانت اللى مقصره
24_ابنك كمل ال6شهور ولسه مش عايزه تدخليله اكل ولما يحصله سوء تغذيه والله ماهتعرفى تعالجيه بعد كده
25_ليه مش عايزه تدى ابنك زبادى ساده على 8شهور ولا 7شهور حتى هو عنده حساسيه صدر علشان تمنعيه
26_طيب ليه عايزه تدى ابنك لبن جاموسى ولابقرى قبل سنه حرام عليكى دا بيجيب بلاوى ملهاش حل
27_ابنك عنده سخونيه قبل سنه وبتديله لبوس دولفين بيجيب مشاكل فى الكلي
28_ابنك عنده سخونيه ومعملتيش كمدات ومحتطهوش تحت الحنفيه وغسلتى وسطه برجليه وراسه كمان ليه!؟ مبتعمليش كده ليه؟
29_ابنك عنده امساك ومبتدهوش لبوسه ليه سايبه بقاله اسبوع معملش حمام بحجه اصلى مش عايزاه يتعود على اللبوس ؟ يتعود ايه بس ميتعود ياستى مش احسن ماتسبيه مزنوق!،!
30_ابنك عنده اسهال وانتى رايحه تديله سميكتا او كابكت ليه توقفى الاسهال ليه من غير ماتعالجيه الاول فين المطهر المعوى
31_ابنك بيرجع وانتى رايحه تديله انتينال ليه دا ممكن يكون التهاب فى الحلق او اللوز او نزله برد او التهاب فى الجيوب الانفيه ليه انتينال؟
32_ابنك عنده سيمات او شك انه عنده داون وانت مش عايزه تعملى تحليل تطمنى عنده وﻻ ﻻ عشان خايفه تعرفى انه عنده!!
33_ابنك عنده انميا وانتى مش عايزه تديله الحديد اصله بيعمل امساك ميعمل امساك اديله ملين ياستى ؟
34_ابنك جاله التهابات سخونيه وانتى عماله تديله خافض ومش عايز يخف اكشفى عليه حرام عليكى
35_ابنك عنده حساسيه صدر ومش عايزه تديله البخاخه اصله هيتعود عليها ازاى دى احدث علاج البخاخه مع الجلسات
36_ابنك عنده ديدان وبتديله جرعه للديدان وناسيه اخواته وحضرتك وباباه لازم ياخدو جرعه ولو فيه حد فى البيت كمان ياخد
37_تطعيم الانفلونزا الموسمى بيتاخد فى شهر 9 و10 ورخيص والناس كلها بتقولك اديه وانتى مش راضيه ليه؟
38_ابنك عنده اسهال وترجيع من يوم ما اتولد وبيخس مبيزدش ويجى يرضع يصوت او عنده امساك وانتفاخات مع ترجيع ومبيزدش ويجى يرضع يصوت وانتى مشكتيش فى حساسيه لبن او حساسيه لاكتوز حتى ازاى؟
39_ابنك بيريل ومقريف وانتى رايحه تكشفى عليه علشان عنده التهاب فى الحلق مفكرتيش فى التسنين
40_التهابات الحفاضه اغلبها فطريات ولازم تعالج بمضاد للفطريات ولمده اسبوع حتى لو خفت
41_ابنك تعبان وبيكح وبيعطس وسايباه يبوس اخوه الصغير وتزعلى لما يتعب ؟
42_ابنك بيهرب من التطعيم فى المدرسه وانت مبسوطه ليه دا مفيد والله
43_ابنك بيسهل واقولك اديله سفن اب بدون صودا علشان ننضف وانتى تقولى طيب ليه ؟
44_ابنك عنده حساسيه صدر وخف وانتى مبتدهوش علاج بين الازمات ليه زى كوكاست سنجيولار وكتوتى او زادتين والبخاخه باستمرا حتى لو مره وحده
45_ابنك جاله بعد الشر يعنى التهاب الكبدى الفيروسى A وانتى عايزه تاكليه لحمه وزيوت واملاح وعايزاه يخف ازاى؟
46_ابنك بيعمل حمام دم او دم زى الجلى ولسه قاعده دا انسداد معوى يافندم
47_ابنك اتخبط فى دماغه وورمت ومش عايزه تعمليه اشعه تطمن عليه ليه؟
48_ابنك مطلعش اسنان لحد 9شهور وانتى قلقانه وروحتى لدكتو اداكى حقن لتطليع الاسنان وانتى ادتهاله ليه؟
الاسنان تتاخر لحد سنه وشهر ولاتقلقى والحقن دا بتجيب تكيسات على الكلى
49_انتى خففتى لابنك والجو لسه هيقلب ساقعه خلاص خليكى قاعده فى البيت متطلعيش علشان ميتعبش بقى!
50_ تضيفوا اصحابكم واصحابكم يضيفوا اصحابهم عشان الاستفاده تبقا ع اكبر قدر ممكن (ممكن) بقا نضيف اصحابنا وبلاش كسل😅
