15/05/2020
طبعا كلنا بنحب ناكل كحك العيد خصوصا لو ريحته وطعمه بنفس طعم الكحك بتاع زمان
بشاير هتقولك علي طريقة جديدة تعملي بيها كحك بالعجوة والسمسم متماسك وبيدوب في البق يعجب كل افراد العيلة ومش هتحتاجي تشتريه جاهز تاني بعد الطريقة دي
مقادير الكحك:-:-
½ كيلو سمنة بشاير مقدار 2 كوب ونص
3 ملعقة كبيرة سمسم
½ 1 ملعقة كبيرة ريحة الكحك
رشة ملح
كيس خمير بيرة
2 ملعقة كبيرة سكر
كيلو دقيق
كوب مياه
مكونات العجوة:- ½ كيلو عجوة أو تمر مفروم ناعم.
2 ملعقة كبيرة سمنة بشاير.
ملعقة صغيرة قرفة.
طريقة الحشو:-
في طبق كبير هتحطي العجوة وسمنة بشاير والقرفة، واعجني بإيديكي لحد ما المكونات تكون خليط متجانس.
طريقة الكحك:-
- هنجيب طبق غويط ونحط فيه الدقيق مع الخميرة والسمسم وريحة الكحك ورشة الملح والسكر ونقلب المكونات مع بعض
- نبدأ نزود نص كيلو سمنة بشاير وتكون بدرجة حرارة الغرفة علشان الخميرة تعمل مفعولها وتبدأي تعجني بإيدك كويس وتبثي العجين لحد ما الدقيق لونه يتغير معاكي للون الأصفر
- تبدأي تزودي كوب المياه وتعجني بإيدك كويس وتسيبي العجينة ترتاح نص ساعة
- بعد ما يعدي نص ساعة بتبدأي تشكلي الكحك علي شكل كور صغيرة وبعدين افرديها واحشيها كور صغيرة من الحشو وبعدين اقفلي العجين علي شكل كورة وترشي عليه سمسم.
- هنبدأ نوزع الكحك علي الصاج او صينية من غير ما ندهنها وندخله الفرن علي درجة حرارة متوسطة لمدة 15 دقيقة وبعد ما تخرجيه من الفرن زينيه بالسكر البودرة وبألف هنا وشفا
متوفره بجميع الاحجام بمحلات عرض خاص
