29/11/2018
فكرت ازاي
فكرت في ايه
قبل متهلك جسد
وتحزن اهله عليه
قبل متبقض روحه
ويسيل دمه حواليه
فكرت في مين
فكرت في صاحب لقمة عيشك
وعشانه قتلت الملايين
فكرت في بنت ايه ذنبها
بدل متكون فرحانة يوم فرحها تمشي في جنازة امها
فكرت ازاااي
فكرت ازاي في موت طفل .
قلبك طوعك تيجي عليه
مصعبتش عليك برأته هان عليك لمعة عينيه
قلبك محنش لمدة لحظة عطل فيها تفكيرك في القصاص
ايدك مرتعشتش قبل ماتضرب الرصاص
جوة جوفك مات كل شعور واحاسيس
لحظة ماقومت تضرب في الاتوبيس
واكيد قتلت بكل اقتناع وبدون تفكير
يشهد علي اللي بقوله تراب مدق الدير
يشهد علي كلامي الانبا صمؤيل
ورب العرش الجليل
الذي لا يغفل ولا ينام
علي كل من سفك دم انسان
ومش أكمني مسيحي بكتب لأخواتي المسيحين
انا قلبي بس وجعني بجد عن اللي ماتوا ومش فاهمين
عن اهالي الضحايا اللي مبقوش عايشين
علي كل واحد هيعيش علي ذكرة شخص حبة سنين وسنين
وعن اخواتنا اللي قتلوه... اللي محقونين
غل وكره وحقد من المتعبدين
قلبي موجوع
عيني رافضة الدموع
انا لسة مش مدرك فكرة
قتل انسان .. بدون اي رحمة
والدهس في قليل الحيلة الغلبان
والدوس عليه في وسط الربكة والزحمة
ومحدش حاسس بيهم
كل اللي عليهم ..
نشكر ... ونحيه .. في كل من تقدم لنا بالتعازي
وانا مش لديني إنحيازي
انا اصلي محتاج الفترة دي اكون سياسي
مش مهم حد مات
مش مهم حدث .... فات
مش مهم موت اب
كان سند للولاد
مش مهم موت ام وقهرة بنات
العجوز مات
والطفل شاب
واهم حاجة في بلدنا منتدي الشباب
احداث مريعة .
اخبارنا كل يوم
وشوش فظيعة . تشايل الهموم
قال ديني قالي اعمل كدة
بأي دين بتتكلموا .
فأن الاسلام لم ولن يكن الا دين للتسامح علي مر العصور
الكتاب قال ..((ذلك بأن منهم قسسين ورهبانآ وانهم لا يستكبرون ))
فأنتم بأي حق تقتلون
بأي كتاب تتحدثون
بأي قلب تقهرون
بس انا إلهي موجود ... ومش هممني اللي جي
حتي كمان مش عايز اعرف فكرت ازاي
