صغار لكن عظماء

17/02/2026

كتاب صوتي جميل فرجوه للولاد من منهج المتدبر الصغير

تصميم : معلمة آية ابوشهبة . PDF to flipbook converted using heyzine.com

08/02/2026

من خلال بحثي عن منهج امشي عليه لطفلي لقيت مناهج كثيرة وحلوة للأطفال لكن من رأيي الصراحة ان افضلهم ٣ مناهج والثلاثة لا غني عنهم الصراحة هتقوليلي ليه ؟ 🤔
هقولك
لان كل منهج بيمسك مرحلة عمرية او جانب من حياة الطفل ويركز عليه فمش قادرة استغني عن واحد فيهم
الثلاث مناهج هما
👈 1- منهج جلين دومان وده للطفل من سن يوم لحد ٦ سنوات ويعتمد علي تنمية القراءة والمعرفة والذكاء وكمان الحركة عند الطفل .

👈2- منهج مونتيسوري وده بيعتمد اكتر علي تنمية حواس الطفل وليه ٥ أركان( هما ركن الرياضيات وركن اللغات وركن الحسيات وركن الحياة العملية وركن الثقافيات) وده بيبدأ من عمر يوم لحد ١٢ سنة .

👈3- منهج المتدبر الصغير هوه منهج يعتمد علي المنهاج النبوي في تعليم الأطفال القرآن الكريم
وله أكاديمية اسمها أكاديمية المتدبر الصغير واكاديمية بهجة ومركز العلم والعمل (هقولكم الفرق بينهم بعدين🤭)
والقائم عليهم مُعلمي د. شريف طه يونس
👈🏻المنهج ينقسم قسمين :
👈🏻قسم منهاجي وده بيبني افكار الطفل علي المنهج النبوي وله كورسات بياخدها الطفل زي كورس الرسالة القرآنية وكورس رحلة اكتشاف ما يقدمه لنا القرآن

👈🏻والقسم الثاني : هو القسم المهاري
وده بيعتمد علي قراءة وفهم وتدبر السور القرآنية ونطلع الوصايا وكمان بندي للطفل عليها قصة ونديله واجب عملي علي السورة
احنا ان شاء الله هنشرح الثلاث مناهج بإذن الله
لكن هنبدأ بمنهج المتدبر الصغير وتحديدا هنبدأ بالقسم المهاري وهو شرح السبع العظام وهما( الفاتحة وآية الكرسي وخواتيم البقرة والإخلاص والفلق والناس والكافرون)
والقصص اللي عليهم وازاي نوصلهم للطفل
انتظرونا
كتبته✍️ :
هبة الله ناصر

08/02/2026

17/12/2023

الدرس الأخير في المستوي الأول للرياضيات منتسوري من ٣ الي ٦ سنوات وهو سلم الخرز القصير
وهو مكون من خرزات من ١ الي ٩ او الي ١٠ كل عدد بلون
طريقة التقديم اول حاجة الطفل يجلس علي اليسار وارتبها من الواحد الي ٩ ونمثل ان فيه واحد طالع علي السلم ونقوله اي لون بتحبه؟ يقول مثلا الوردي نقوله طيب ده كام عدهم هيلاقيهم ٣ وناخد واحدة تانيه وهكذا لحد ما يحفظ الألوان ونقوله ضع الأحمر خلف ظهرك او ضع الثلاثة علي رأسك وهكذا وبعد كده أين الأحمر واين الأزرق وهكذا
النشاط ده هدفه تمهيد للمستوى الثاني اللي بعده وعندنا أوراق عمل للتلوين وهكذا

وعن تجربه هي ممتعة جدا للأطفال بيلعبو ويتعلموا ويستمتعوا في نفس الوقت
السعر للسلم الواحد ٥٥ جنية
من يريد الحجز خاص حبيباتي

17/12/2023

النشاط الرابع من المستوي الأول في ركن الرياضيات منتسوري من ٣ الي ٦ هو نشاط البطاقات والأقراص وهي عبارة عن الأرقام من ١ الي ٩ مع أقراص حمراء بنفس العدد الهدف منه أن يتعرف الطفل علي مفهوم الزوجي والفردي أرتبهم من اليمين الي اليسار او من اليسار الي اليمين حسب اتجاه كتابة الطفل
بعد ما نوصل لل٩ أقوله انت ملاحظ حاجة؟
اللي ماسك مع بعضه اسمه زوجي واللي لوحده اسمه فردي
طيب انت عندك ٢ عيون ده زوجي ولا فردي؟
وعندك ٢ ايدين ده زوجي ولا فردي ؟ وعندك أنف واحدة ده زوجي ولا فردي؟ وهكذا الي ان يتقن الطفل النشاط ولا ننتقل الي النشاط اللي بعده حتي يتقن هذا النشاط تماما
الخامة بتاعه النشاط ده ورق مقوي
السعر ٥٠ جنية
متاح عمله بالفوم السميك السعر ٩٠ جنية

16/12/2023

16/12/2023

صندوق المغازل ثالث نشاط في ركن الرياضيات من سن ٣ الي ٦ سنوات هدفه تعليم الطفل مفهوم الصفر
طريقته بالدرس ثلاثي المراحل هنقول للطفل حنحط هنا عصا واحدة وهنا اثنان وهنا ثلاثة لحد ٩ وبعد كده نقوله حنحط هنا ايه ونشاور علي خانة الصفر هقوله مش حنحط حاجة خالص كده هيوصل للطفل مفهوم الصفر
وبعد كده ممكن نعمل عليه نشاط نقول للطفل روح هناك في آخر الصالة او الغرفة ونصقف تصقيفه واحدة
ولما يرجع نصفق تصفيقتين الطفل يعرف انه هيروح ويجي مرتين وهكذا لرقم ١٠ وبعد كده منصقفش خالص فهيفهم مفهوم الصفر نكرر النشاط لحد ما يحفظه ويدركه كويس
السعر ١٠٠ جنية فقط 😍