13/05/2026
رسالة من قلبنا ليكم ✨
عارفين إن غيابنا المفاجئ وقفل الفرع سبب تساؤلات وزعل عند ناس كتير، ووصلتنا رسائل كتير كلها حب وسؤال واهتمام، وده شيء لمسنا جدًا ومش هنعرف نوصف قد إيه أسعدنا ❤️
بجد ممتنين لكل عميل دخل عندنا يوم، اشترى حاجة، رشّحنا لحد، أو حتى دخل وسلم علينا 🫶🏻
إنتوا مش مجرد عملاء بالنسبة لينا، إنتوا جزء كبير من رحلة Rose House ومن ذكريات المكان اللي بدأنا فيه
حابين نوضح إن قرار غلق الفرع ماكانش سهل أبدًا، وسببُه ظروف خاصة بالمكان وارتفاع ايجاره بشكل مبالغ فيه خلّى الاستمرار فيه صعب للأسف 😞
وعمرنا ما كنا هنفكر نسيب المكان اللي بدأنا فيه، وكبرنا معاه، واتعرفنا فيه على ناس جميلة بقت جزء من رحلتنا 🤍
المكان ده غالي علينا زي ما هو غالي عليكم، لكن أحيانًا لازم نقفل باب علشان نفتح باب أحسن وأكبر و دايماً اكيد لعله خير و فضل ربنا بيكون عظيم 🥰
شكرًا لكل حد سأل علينا أو كان مستني رجوعنا… محبتكم وثقتكم هما الدافع الحقيقي لخطوتنا الجاية 🌸
استنونا قريب… Rose House ♥️
