09/06/2023
نصائح مهمة لعربيتك من Carbon Car
إمتى أغير زيت موتور العربية :
الشركات المصنعة لزيوت الموتور مش بتكتب على العبوات المفروض يتم تغيير الزيت بعد كم كيلو و بالتالى إزاى بنقول ده زيت 5000 و 10000 وهكذا؟
تغيير الزيت إذا كان معدنى أو نصف تخليقى يتم من 3000 إلى 5000 أو كل 6 شهور أيهما أقرب .
و إذا كان الزيت تخليقى بالكامل يتم من 8000 إلى 15000 أو سنة أيهما أقرب و العامل الأخر المؤثر فى عمر الزيت تقييم الأداء أو مستوى الخدمة
لإن فى بعض التقييمات بيكون أداء الزيت من حيث عمره أفضل من التقييم السابق.
لكن فيه عامل آخر بيحدد عمر الزيت و هو نوع العربية و الموتور و موديل السيارة
الشركة المصنعة للعربية بتحدد فى كتالوج السيارة معيار اللزوجة المطلوب و تقييم الأداء المطلوب و النوع المطلوب سواء تخليقى أو معدنى و بيوضح كمان المفترض يتم تغيير الزيت بعد كم كيلو و لكن هو مش بيحدد رقم واحد صريح لكن بيحط حد أدنى و حد أقصى بناء على نوع و ظروف قيادتك بتميل لأى نوع منهم :
▪️ظروف القيادة الشاقة : القيادة لمسافات قصيرة و القيادة فى الازدحام و التكدس المرورى لفترات طويلة, و كذلك القيادة فى الطرق الرملية و المناطق الصحراوية كثيرة الغبار و الاتربة و القيادة فى العواصف .
▪️ظروف القيادة الجيدة : القيادة لمسافات طويلة نسبيا على طرق سريعة و سرعات معتدلة.
و عشان كدة هتلاقى فى الكتالوج مثلا : من 8000 إلى 12000 فلو انت معظم مشاويرك من النوع الثانى يبقي هتغير بعد 12000 و لو مشاويرك من النوع الاول يبقي هتغير بعد 8000 .
وبس كده
#نصحية رقم 1
نصايح CARBON CAR
