11/03/2026
لكل عملاء وأصدقاء الاستور ❤️
حابب أشارككم خبر يمكن يكون فيه شوية مشاعر بالنسبة لي…
الاستور اتقفل رسميًا مع نهاية سنة 2025 بعد رحلة استمرت سنين طويلة معاكم في مجال الـVape في #الإسماعيلية.
من أول أيام المجال في مصر لما كان لسه محدود جدًا، بدأت الرحلة بالبيع أونلاين، ومع الوقت كبرنا سوا وبقينا مجتمع من العملاء والأصدقاء. وقتها كان السوق فيه نقص كبير في السوائل والمنتجات، وده خلاني أطور بعض السوائل بنفسي علشان أقدر أوفر بدائل للعملاء.
بعدها فتحنا المحل واشتغلنا سنين طويلة في بيع الأجهزة والمنتجات والصيانة، والحقيقة إن أجمل حاجة في الرحلة دي كانت الناس اللي اتعرفت عليهم.
كثير منكم ما بقاش مجرد عميل… بقى صديق وأخ، وده أكبر مكسب خرجت بيه من الرحلة دي.
حابب أشكر كل شخص دعم الاستور يوم من الأيام، وكل حد وثق فينا أو رشحنا لحد من أصحابه. دعمكم وثقتكم كانوا السبب الحقيقي في نجاح الاستور واستمراره كل السنين دي.
حتى لو الاستور اتقفل، الذكريات والعلاقات الجميلة اللي اتعملت بينا هتفضل موجودة.
شكرًا ليكم جميعًا من قلبي على الدعم والمحبة طول السنين اللي فاتت 🙏
ويارب دايمًا نشوفكم بخير.
- اول استور ڤيب ف الإسماعيلية 💪💙
