06/08/2024
لا تتخلى أبدًا عن حلمك 🤍
مشكلة اسعار العسل
قبل ما تسأل العسل بكام ؟
و تقارن ما بين أسعار الصفحات الكثيرة الموجوده
طبعا السعر مهم جدا في اتخاذ قرار الشراء
لكن من أهم المعايير لاختيار العسل اشياء اخرى
1 - جودة العسل نفسه.
2 - نسبة التغذية السكريه يعني العسل من رحيق الزهور ولا النحل شارب ميه بسكر وعامل منه عسل .
3 - متبقيات المبيدات من علاج النحل من الأمراض لان النحل يمرض زي اي كائن حي يعني النحل اللي حضرتك
ها تاخد منه العسل تم علاجه بمواد كيميائيه ولا تم علاجه بأعشاب غير ضاره للمستهلك العسل .
4 - نوع المرعى يعني حضرتك تشتري العسل يكون النسبه العظمة من الرحيق المنتج منه العسل يكون نفس اسم العسل
مثلا في صفحات كتير بتبيع عسل سدر لكن هو في الأصل عسل به نسبه سدر وليس عسل سدر
وجود شجرة في محيط النحل لا تعني أن العسل عسل سدر لكي تسميه عسل سدر يكون نسبه الرحيق مثلا أكبر من 95% من زهور السدر او النبق .
5 - تسأل على العسل تم معالجته ازاى العسل متعالع !!!؟
يعني دا لو تم التسخين لدرجه حرارة عاليه ولمده كبيره بيكسر الانزيمات الموجوده في العسل مش بس كدا لأ دا كمان بيوجد ماده سامه في العسل (h.m.f) تنشاء من تسخين العسل ودا للأسف بيعمله معظم الشركات الكبير وبعض النحالين او تجار العسل لتفادي التبلور او التجمد للعسل وايضا تسرع عمليات التعبئه لان التسخين يقلل الزوجه للعسل
او يضيف عليه مواد برضو حتى لا يتبلور ودا برضو خطير على صحة المستهلك .
6 - هل تم تكثيف العسل !!؟
بعض التجار فيعمل تكثيف لعسل السدر واعسال الجبلية حتى يبان للمستهلك أنه ثقيل الكثافة وإصلي ودا برضو يعتبر غش .
المفروض العسل من الخليه للمستهلك مايكون في اي لعب او تدخل في العسل حتى لا يفقد قيمته العلاجيه او الغذائيه .
طبعا هتقولي ياعم سودتها في وشي طيب اشتري منين ؟واعرف دا كله ازاي ؟
اشتري من حد ثقه تكون متوسم فيه الدين والامانه
ولو مافيش في ناس كتير في المجال محترمه وبتخاف ربنا توكل على الله وجرب من اي حد يبان عليه الامانه ناس فاهمين في المجال عليك بالبحث والتجارب .
لو علي السعر بس .
فأسهل حاجه التاجر يقدر يعملها انه يجيب اقل جودة منتج ويبيعه بأرخص سعر ودا للاسف في ناس بتعمل كدا دا في ناس بتصنع العسل من سكر الجلوكوز ولون وريحه والكيلو ٧٠ و٦٠ وللاسف مضر وغش لانه بيبيع سلعه على غير وصفها او اسمها
الموضوع أهم من السعر وخلاص
متفرحش بالسعر القليل جدا
ولا تنجذب سريعا للسعر العالي جدا
ف العسل سلعه ليس لها سعر موحد لكن في تقارب ومنطقيه في الاسعار
طبعا الكلام ده للي بيبحث عن عسل طبيعي (من رحيق الزهور )العسل العلاجي
مش الي عايز يشتري عسل وخلاص اي حاجه مسكرة والسلام
واخيرا اتمنا للجميع الصحه والعافيه
