26/11/2021
عزيزى المستهلك الراغب فى شراء فلتر مياه منزلى .
*خد بالك اى حد هيقولك فلتر بدون مقدم او مقدم 100 ج مثلا وان الفلتر تايونى او امريكى ما هو الا اشتغاله الفلتر هيكون عباره عن صينى او مصرى جوده رديئه جدا وبيكون مختوم تايونى وهتلقى حضرتك الفلتر سعره زايد عليك حوالى 40% علشان حضرتك مشتريه قسط بدون مقدم فبلاش تبيع صحتك بالرخيص وتوهم نفسك انك عندك فلتر
*بالنسبه لاى حد يقولك فلتر امريكى تعرف انه غير صادق مفيش فى مصر فلتر امريكى هيكون صينى او مصرى مختوم امريكى او عليه علم امريكا
*وبالنسبه للناس اللى بتيجى تقولك احنا من المركز القومى للبحوث ومعاهم جهاز ده اشتغاله وملوش علاقه بالمركز القومى اطلاقا وبيقولك اننا بنحلل لك المياه الجهاز ماهو الا اداة للتسويق والبيع
* وده بيفصل جزيئات المياه عن بعض بيظهر لحضرتك كل عنصر فى المياه على حسب لونه زى الحديد وعناصر اخرى مع وجود الطينه والرمله والشبه والكلور ان وجد
*خد بالك ان المياه الصحيه لزم يكون فيها نسبه املاح ومعادن وغير صحى انها تكون خالى من اى املاح لانها فى الحاله دى بتكون مياه حامضيه
*وخد بالك من الناس اللى بتيجى البيت تقولك اننا تبع مبارة الريس فلتر لكل بيت
*عزيزى العميل مفيش حد هيجيلك لغايه البيت وهو شغال فى منتج عالمى وجوده عاليه وكمان هقسطك بدون فوايد وبدون مقدم وعملك عروض وبيقولك ان الفلتر معاه 12 شمعه هديهاو اى رقم وبيقولك ان الضمان 10 سنين مفيش الكلام ده
هتكون جوده المنتج من اردء الانواع ولما تيجى للضمان هيقولك ان القطعه دى من مستهلكات العميل
* وخد بالك كمان من الناس اللى بتقولك اننا بنبيع واحدت معالجه مش فلتر وانه ايطالى وانه 10 و12 مرحله ده بيكون جهاز صينى وسعره مبالغ فيه لكن شكله عصرى جدا وتحفه منزليه ودى من مميزات الاجهزه الصينى انها معروفه بشكلها وانقتها
لكن الجهاز من الداخل هو 7 مراحل وهتلقى مرحله صخور فيها 4 او 5مربعات دى بيحسبوها
على انها 4 مراحل او 5 وهى فى الاصل مرحله واحد فقط
وهيقولك بقى اننا معانا شهادات جوده من كل شكل ولون لغايه ما حضرتك تقتنع به
*وخد بالك ان قطع غياره مش متوفره الا عن طريقهم باسعار نار وفى بعض الاحيان كمان العميل مش بياخد مفتاح الجهاز ولو طلبه بيشتريه بمبلغ وقدره
*الناس اللى هتسال او بتسال على فلاتر تانك
فلتر تانك منتج مصرى يعد اقل جوده يعنى اقل من الصينى نتائج معالجته للمياه غير جيده وقطع غياره غير متوفره بسهوله ماعد الشمعات.
*الناس اللى بتسال عن فلتر سخن وبارد
اغلب الاجهزه السخن وبارد الل موجوده صينى
قطع غيارها غير متوفره وغاليه لو لقيتها وكمان فريون التبريد الخاص بيها غير موجود هنا لان غير فريون الثلاجات المتوفره فى مصر
الافضل لحضرتك انك تشترى بتمن فلتر سخن وبارد تشترى فلتر محترم ومبرد مياه محترم
ودول هيكون عمرها اطول وقطع غيار متوفره
*طيب اى الحل واى العمل
*لو حضرتك بتشتكى من الاملاح الزائده والمعادن الثقيله فى المياه وبكتيريا وفيروسات ومحتاج فلتر 7 مراحل يعمل بنظام RO يعنى بماتور وخزان
حضرتك الافضل انك تشترى فلتر من حد مضمون دا بالنسبه للفلتر ال ٧ مراحل عشان الأملاح
*اما لو حضرتك مفيش عندك مشكله فى الاملاح ومش بتشكتى منها هتركب فلتر 5 مراحل فلتريشن من غير خزان او ماتور
وده هيكون فلتر تايونى اصلى ويكون يحتوى على ممبرين الترافلتريشن لازاله الفيروسات والبكتريا او وحده UV لقتل البكتريا والفيروسات
واخير اسال على المنتجات اللى انا رشحتها فى اى مكان تحب تشترى منه وبالتوفيق للجميع 01008933425//01277889871 للاستفسار
