15/11/2023
هو يعني انت فاكر لما تقاطع منتج ولا مطعم كده هتنصر فلسطين في حاجه ولا اصلا هتضر العدو بـ 1% اصلا؟
أيوة هتضرهم طبعا كتير جدا جدا جدا جدا والأهم
يا أخوتي المقاطعة دي لينا احنا اكتر ما تكون لاخوانا هناك .. انا بقاطع عشان اعرف اعيش بعد ما اشوف ناس بتكتب اساميها على ايديها و ايدين اطفالها عشان لما يموتوا يتدفنوا جنب بعض ومش لاقيين حتى الكفن
انا بقاطع عشان اعرف انام .. انا اللي محتاج حاجه تسكن ضميري .. انت فاهمني ؟!
المقاطعة دي أقل حاجه ودعم ممكن نعمله لأخواتنا
إنتم متخيلين إننا عندنا رفاهية قد إيه ومنتجات كتيرة كلها ليها بديل وإخواتنا مش لاقيين حتى الماية النضيفة عشان يشربها مش مشروبات غازيه وشوكولاتة وشيبسي
إستقيموا وإتحدوا يرحمكم الله. واجب المقاطعة نهائي
وأتمنى الأزهر الشريف و دار الإفتاء يتكلموا إن المقاطعة واجب ديني قبل ما يكون واجب أخلاقي تجاه إخواتنا اللي بيتقتلوا بفلوسنا. من إستغني فالله أغني
مقاطعتك ليهم ولمنتجاتهم أضعف الإيمان
M.E.S
