13/09/2026
مشكلة كبيرة بتواجه أي مبتدأة😩
ازاي بتتكون المشكلة؟
بتكونها حيرة المبتدئة واللى بتكون لأكتر من سبب حاولت أجمعلكم أهمها مع حلول عملية ليها عشان البوست ده يكون بوصلة فى رحلة تعلمك لفن الكروشيه🧭
★السبب الأول★
🕸️وجود أنواع كتير جدا من الخيوط ومنها الصوف والقطن والكليم والقطيفة وغيرهم
★السبب التانى★
🪡وجود أشكال وأنواع ابر مختلفة منها الألمونيوم والاستانلس واللى بيختلف ترقيمهم فى الحجم وكل نوع ليه استخدامه ومميزاته
★السبب الثالث★
وهو التكلفة🥹
خامات الكروشيه مش رخيصة أبدا 💸
بالذات لو عايزة أطلع بنتيجة هايلة وجودة عالية✨
★السبب الرابع★
هو العشوائية وعدم منهجية التعليم فى البداية أو يكون مجرد حماس بدايات بعد كم يوم يختفى والأدوات كلها اللى اشتريتها تفضل مركونة😞
٭
🔐دلوقتى عرفنا الأسباب طيب والحل؟
٭
🎗️هنقسم الحل ل٤ خطوات بحيث تكون خطوات ثابتة وسهلة نبدأ بيها
٭
الخطوة الأولى✓
🧶اختيار نوع واحد من الخيط للبداية والأفضل يكون خيط متوسط السمك
الخطوة الثانية✓
اختيار إبرة واحدة🪡 للبداية وأكون حريصة إن الابرة تكون مناسبة لنوع الخيط اللى اختارته
الخطوة الثالثة✓
💰أشترى الأساسيات اللى هحتاجها فى البداية بس لإن ألوان الخيوط لوحدها مغرية جدا فلازم أكون محددة ميزانية معينة
الخطوة الرابعة✓
🎯أبدأ بخطوات واضحة لتعليم الأساسيات بتجهيز خطة منظمة للتعلم وعدم الالتفات لأي مشتتات
٭٭٭٭٭٭٭٭
لو فيه أي مشكلة تانية بتواجهك اسألى فى التعليقات ونجاوب عليها إن شاء الله🎀
—★—
ولو البوست كان مفيد ليكِ شاركيه مع زميلاتك اللى بيتعلموا عشان يستفادوا هما كمان✨
