كريم ارناؤوط المحامي

03/07/2026

بسم الله الرحمن الرحيم
انا بعيد كل البعد عن السوشيال ميديا ومبكونش متابع اي تريند او بكون متابع السوشيال بشكل مستمر وده بحكم اني بحب مهنتي وبحب اطور من نفسي واحب ادي وقتي كله لشغلي ، ولكن في أمر حابب اتكلم فيه وموضوع شائك حصل وده اللي دفعني اني اكتب البوست ده
اولا الموضوع ده من وجهه نظري الشخصيه فقط لا غير
ثانيا اعذروني لو البوست طويل شويه
اللي حصل ان من كام يوم حصل أمر غريب وواقعه توصف بأنها الاسوء علي الاطلاق وهي واقعه (الطفله) .
انا مش هخوض في عرض حد و مش هدخل في تفاصيل عائليه و مش هدخل في طريقه الحمل ان كانت مشروعه او غير مشروعه ... أنا مش رجل دين ولا فقيه ولا شيخ ، انا انسان اتربي علي الصح و الغلط و الحلال و الحرام ، انا هتكلم في نقطتين بالنسبالي اثبتو ليا حاجات كتير ولما اي حد يفكر فيها هيفهم كلامي
النقطه الاولي هي العنايه الالهيه
النقطه التانيه هي الذنب و العقاب
النقطه الاولي خلينا نتخيل الواقعه كما حدثت (كائن بشري مجرد من كافه الصفات الانسانيه لا استطيع وصفها بالام ولا استطيع وصفها بالشياطين ولا استطيع وصفها بالحيوان لان لايوجد كأن بتلك الصفات) المهم الكائن ده اخد طفله لم تتجاوز يوم واحد من العمر متجرد من اي مشاعر وصفات و وضع الطفله في شنطه سفر قماش وحمل الشنطه ووضعها علي احد الارصفه بجوار كومات من الاكياس و القمامه وهي تحتوي علي طفله لم تتجاوز اليوم في عز الشمس و الحر اللي محدش يقدر يستحمله كبير كان او صغير وتركها لتوجه مصيرها المجهول بالعذاب ثم الوفاه ثم ان تكون وجبه سهله للكلاب الضاله و الحشرات ،، في ابشع طرق القتل البارد .
ولكن حدثت العنايه الالهيه واللي لو كل واحد ركز في اللي حصل هيعرف ان ديما ربنا معانا في كل الاوقات ، لو قولنا الروايه السابقه دي لاي حد هيقول النتيجه الطبيعه هي موت الطفله ، لكن اللي حصل كان اكبر من كده وكان علامه من ربنا علي انه رحيم وانه دائما قادر علي كل شئ بأنه يحفظ تلك الطفله من كل الشرور ومن كل المحاولات لقتلها ، بالنسبالي انا الموضوع ده أثر في اقتناعتي ....
عاشت الطفله علشان تتفتح في موضوعها واحد من اقسي واصعب القضايا ، عاشت الطفله علشان تثبت العنايه الالهيه اللي ناس كتير ربما متشوفهاش ، عاشت الطفله علشان يتم معاقبه البشعه القاتله السفاحه المتسببه في تلك الواقعه .
يمكن بكون بتكلم بلسان الانسان او بلسان الاب او بلسان الرحمه ...
انا مبتكلمش انهردا بالقانون ولا بالعقاب ، لو هيكون ليا طلب قانوني هيكون اعدام ذلك الكائن عديم الاحاسيس و المشاعر مجرد الصفات معدوم الانسانيه .
انا اتمني اعدام ذلك الشئ ربما كانت وجهه نظري هتتغير لو كانت الطفله دي انسان كبير قادر علي الدفاع عن نفسه ولكن هناك الكثير من عمليات القتل بتحدث ولكن بوقعات مختلفه ربما يكون البوست بتاعي نابع من المشاعر و نابع من التربيه اللي اتربنها
انا هكون منتظر حكم القضاء العادل ، وانا علي يقين تام ان مهما كان عذاب الدنيا مش هيكون زي عذاب الاخره
ربنا يحفظنا جميعا