عاوز بنزين-المنيا

14/05/2022

جروب عاوز بنزين الاصلي المنشأ من سنة 2011 اتقفل من شهرين لاسباب منعرفهاش .
وده لينك الجروب البديل التابع للناس الي عملوا الجروب الاصلي واى جروب تانى سارق نفس الاسم ملناش اي علاقه بيه.
ياريت تدخلوا علي اللينك وتضيفوا اصحابكم وتعرفوهم عشان نرجع تاني اكبر تجمع للمنياويه علي السوشيال ميديا.
https://www.facebook.com/groups/488802805918722

14/01/2022

الجروب الرسمي لعاوز بنزين موقوف من ادارة الفيس بوك وجارى محاولات استعادته وبنوضح ان اي جروب تاني سارق اسمنا ملناش اي علاقه بالي بيتنشر فيه .

17/02/2020

جروب عاوز بنزين يدعم استكمال انشاء مستشفي المنيا الخيري للأطفال
ويدعو جميع أعضاء الصفحه والجروب الي الدعم والمشاركه بالصفحه الرسميه للمستشفي
https://www.facebook.com/minyachildrenhospital/

22/03/2019

الفيديو ده لتوضيح كيفية استخدام ابلكيشن الجروب
*النسخه دي تحت التجريب وهيحصل عليها تحديثات تاني للمجالات التجاريه (اندرويد سيستم بس دلوقت)
*الراعي الخاص بالبرنامج نقدر ندخل علي صفحته من خلال كليك علي صورته في الصفحات الداخليه
*الخصومات حصريه لاعضاء الجروب وهتلاقي اسمك تحت كارت الجروب فبداية البرنامج
***ابعتلونا رائيكم واقتراحتكم
البرنامج ده مستهدف يبقي نافذه جديده لرواج تجارى فالمنيا زي ما الجروب كان سبب لرواج تجارى بفضل الله
لينك البرنامج...
https://play.google.com/store/apps/details?id=com.anddev.mo
لينك فيديو لشرح البرنامج
https://youtu.be/qzOtDz-eucY
ملحوظه مهمه ...محدش ينزل البرنامج الا بعد ما يشوف الفيديو
ملحوظه مهمه تاني ...معلش محدش ينزل البرنامج الا لما يسمع الفيديو عشان مش هيفهم البرنامج كويس

19/03/2019

لاول مره في محافظة المنيا
التطبيق الي هيبقي عليه كل الانشطه التجاريه الي بتشترك معانا في الجروب
البرنامج الي هيبقي ليه سيستم وشكل مميز وجديد جدا في المنيا وكل الخدمات الي فيه بخصومات حصررررريه لاعضاء الجروب من مقدمي الخدمات التجاريه
انتظروا الاعلان الرسمي يوم الجمعه بليل وشرح كامل لنظام البرنامج
هذا البرنامج برعاية المجموعه الهندسيه للاستثمار العقارى

07/03/2019

قناة_عاوز_بنزين_على_اليوتيوب

زيارة مهمه جدا قام بيها الجروب وتم توثيقها فى صورة فيديو بيشرح للناس تاريخ بداية المتحف ووصل لحد فين وايه المستهدف منه بعد اكتمال مراحل انشاءه
والاهم ليه المتحف متوقف العمل بيه
هل المتحف ده هيتحط فيه شوية تماثيل بس؟ والا فى اهداف تانى؟ المواطن العادى هيستفاد ايه من المتحف ده؟
جروب عاوز بنزين هوه الجهه الوحيده الغير حكوميه المهتمه والمتابعه لمراحل انشاء المتحف ده وكانت جهه ضغط لاستكماله
كل الاجابات دى فى الفيديو ده واحد من سلسلة فيدوهاتنا على قناة الجروب على اليوتيوب الى نتمنى دعمكم لينا بالاشتراك والمشاركه
https://www.youtube.com/watch?v=P0RoHAydVhg&t=27s #

زيارة جروب عاوز بنزين للمتحف الاتونى بالمنيا والوقوف على اخر مراحل انشاءه

21/02/2019

المكان الى مفروض هيضم الاثار القديمه ..قريب هيتحول بنفسه لاثر وده لان بقاله اكتر من 20 سنه وهو لسه مش مهيأ انه يشتغل وباقى فيه شغل كتير
طب ايه الحكايه وليه واقف وهيشتغل امتى ولما هيشتغل هيبقى مكان للاثار وبس والا هيبقى ليه نشاطات تانى؟
هل فعلا المكان ده هيبقى نقله نوعيه فى محافظة المنيا فى مجال السياحه ومجالات تانى؟ والا دى اوهام؟
هل فعلا المكان هيفتح بيوت كتير وهيوفر فرص عمل كتير؟
استنوا اجابات الاسئله دى على
وتصوير خاص لينا مسجل هنجاوب فيه على كل الاسئله دى
لينك القناه https://www.youtube.com/channel/UCl_zBRXDaDKTteWmO8XiFzw
#اشترك وكمان شوف الفيديوهات الى موجوده قبل كده واعمل لايك وشير

05/02/2019

على بركة الله نبدء
قناتكم على اليوتيوب
صفحه جديده بنفتحها للجروب ونافذه جديده بشكل مختلف
امتداد تانى وتوسيع لقدراتنا واستغلال لمواقع النت بشكل يخدم اهدافنا ويساعدنا بطريقه اكبر لتحقيق الهدف الاساسى من صفحتنا دى
(نشر الخير ومساعدة الناس لبعض بدون مقابل او هدف)
القناه الى هنعرض فيها النماذج الايجابيه من الناجحين من اهل المنيا داخلها وخارجها
هنسلط الضوء على مشاريع ناجحه ونستفيد منها ونعرف ازاى نجحوا
هنروح للمشروعات الى فيها مشاكل ومتوقفه ونعرف ليه ونحاول نساعد تشتغل
هنستضيف دكاتره كبار يكلمونا عن اكتر المشاكل الشائعه فى تخصصاتهم ونرشد الناس يتعاملوا معاها ازاى
هنستضيف علماء المنيا فى كل مجال ونتعلم منهم
هننقل فاعليات ثقافيه وفنيه ودينيه وهنغطى على قد ما نقدر ابرز الحجات الى تهمكم
هنعرض مشاكل الناس ونسلط الضوء لو فيه تقصير فمكان ما
هنتكلم مع المتخصصين عشان ينقلوا خبراتهم للناس
القناه دى لاهل المنيا ونستهدف انها تبقى نقله نوعيه نعملها بشكل محترف وعشان كده هيبقى ليها رعاه يدعموها ويصرفوا عليها عشان نقويها ونكبرها
ولكن ............................
زى ما الجروب ده كبر بيكم القناه دى مش هتبقى مؤثره وفاعله الا بمشاركتكم وتفاعلكم ونشركم ليها وتقولوا رائيكم عنها وتنقدوها وتساعدونا نكبرها
احنا نزلنا عليها حاليا فيديوهات سابقه لحفل الشاعر هشام الجخ وفاعلية المنيا بشكل تانى وهنحاول ابتداء من الجمعه القادم وبشكل منتظم ننزل فيديوهات جديده
اشتركوا فى القناه وكبروها
#شارك #انشر #تفاعل