30/10/2024
السلام عليكم ورحمه الله وبركاته.
للمره مش عارفه كان هرجع للشغل لكن المرادى عايزه أوضح كام حاجه كدا كانت بتضغط عليا ف كنت بوقف الشغل👀
★أول حاجه الاوردر
-بالنسبه لشغل الاكليرك أو الخشب يعنى الحاجات ال تخص ( الخطوبه * كتب الكتاب ) دا شغل بيتعمل ف ورشه والورشه دى مش شغاله لحسابى فقط ف بيبقى فى وقت لحد م يخلص واستلم شغلى منهم يومين على الأقل يعنى حضرتك تتطلبى منى الشغل قبل المناسبه ب اسبوع ١٠ ايأم عشان يبقى فى وقت ونعمل *حسابنا للورشه *حاجه تبوظ ف نقدر نصلحها وهكذا يعنى
-بالنسبه لأى شغل تانى بياخد 3 أو 4 أيام سواء جرابات ، مراسيل ، بوكسات هدايا أو مجات
★تانى حاجه يجماعه الديبوزيت (العربون)
بيزعلكو لى نفسى أفهم😂
مهو حضرتك انا مش عامله الشغل دا كله عشان انصب عليكى وحضرتك قبل م تطلبى المفروض بتبقى شايفه شغلى قبل كدا عن طريق سوشيال ميديا عن طريق حد تعرفيه ف أنا لما اطلب منك ديبوزيت دا بس ضمان لحقى وضمان ليكى برضو والله عشان اشتغلك شغلك منا مش بشتغل بدون ديبوزيت هتدفعيلى جزء من المبلغ قبل الشغل والباقى يوم الاستلام ولو شحن ف هتدفعى الباقى قبل م اشحن علطول
★تالت حاجه ممكن أعمل اوردر مستعجل لكن تبقى ظروف طارئه يعنى خطوبه اتحددت وملحقتيش تعملى الصينيه وتكلمينى لو متاح عندى وقت هعملهالك وهطلعها مظبوطه برضو متقلقيش لكن متبقيش عارف ان خطوبتك بعد اسبوعين وتيجى قبل الخطوبه بيوم وتكلمينى😂
وبسكدا ارجو مكونش طولت عليكم واعذورنى ف الكلام الكتير دا لكن عشان الكام نقطه دول كانو مهمين وكان لازم اتكلم فيهم
وارجو من الناس ال اخدت منى شغل تكتبلى كومنتات عن شغلى ف البيدج أو تبعتلى♥️
