20/08/2020
شوية نصايح لازم تعرفها قبل ما تركب كاميرات مراقبة :
1-- مفيش حاجة اسمها اعلى جودة بأقل سعر
انت عمرك ما هتركب مرسيدس 2019 ب 50 الف جنية
ولا عمرك هتشيل I phone X ب 2000 ج
فخليك واقعى واعرف انت بتشترى ايه
فيه حاجة اسمها جودة مناسبة على أد فلوسك
وفيه حاجة اسمها جودة عالية بفلوس عالية
2-- لما تيجى تختار كاميرات المراقبة حدد هدفك مظبوط
عاوز تتابع الدنيا وخلاص ولا عاوز تشوف تفاصيل ووشوش بنى أدمين ولا عاوز تجيب ارقام العربيات " و كمان حدد العربيات دى ثابتة ولا متحركة ولو متحركة بتتحرك بسرعة كام ؟ " كل العوامل دى بتفرق مع المهندس اللى هيصمملك السيستم واللى احنا ممكن ننفذه ليك عن طريق افضل كاميرات لدينا.
3-- دايما اهتم ان يكون فيه سيستم يشغل الكاميرات لما الكهربا بتقطع لان اول حاجة بيعملها الحرامى انه يفصل الكهربا عن المكان عشان يكون على راحته وده اللى حلنا مشكلته عندنا فى شركة السوق المركزي للأنظمة الأمنية وحلول الحاسب
4-- اهتمامك بالسعر على حساب الكواليتى هيلبسك فى الحيط .. بلاش توفر فى الكاميرات بالذات وركب حاجة محترمة " هى مره فى العمر "
5-- مش معنى ان عم عبده البقال بقا شغال فى الكاميرات ان الموضوع بقا سهل ومش مستاهل -- الفيس بوك مليان فيديوهات لعمليات سرقة وخطف وسطو مسلح وكل الفيديوهات مشترك فيها ان وش المجرم مش باين وده مش ذنب عم عبده بس -- ده ذنبك انت انك ركبت حاجة رخيصة غير مطابقة للمواصفات ومش متناسبة مع المكان اللى انت فيه وديه اللى الزبون بيقع فيها وهو بيشترى .
6-- التركيب والفنش للسيستم يعتبر عامل كبير فى سلامة النظام وعمله بشكل سليم وده اللى بيفرق من شركة للتانية -- ودايما اهتم بحماية الكابلات جوة مواسير PVC او ع الاقل مواسير حرار يه
لازم تعرف كمان ان العنصر المسئول عن التسجيل هو الهارد ديسك وده بيركب جوة جهاز التسجيل "الدى فى آر " والهارد منه انواع كتير فيه هارد بيانات بيركب فى الكمبيوتر وهارد فيديو بيركب مع كاميرات المراقبة جوة ال دى فى ار .. متروحش تركب هارد كمبيوتر للكاميرات عشان مش هيعمر اكتر من 6 شهور .. اللهم بلغت
7-- اهتم دايما بجهاز التسجيل لان ده عليه عامل كبير جدا فى وضوح الصورة سواء فى العرض او فى التسجيل -- وخللى بالك مش كل الاجهزة بتسجل زى ما بتعرض
يعنى ممكن جهاز التسجيل يعرض على الشاشة كاميرا 2 ميجا بيكسل - بس لما يجى يسجل هيسجل بدقة 1 ميجا بيكسل فقط وده الفخ اللى بيقع فيه ناس كتير عن جهل
بتروح تشترى كاميرات غالية ومش بتستفاد بيها
8-- اهتم ان يكون جهاز التسجيل مستخبى لانه شبة الرسيفر واول حاجة بتتسرق
9-- مفيش كاميرا تنفع مكان التانية -- كل مكان له كاميرات معينة - اللى يركب فى محل غير اللى يركب على طريق غير اللى يركب على بوابة غير اللى يركب جوة فرن
احمد مش زى الحاج احمد فى الحالة دى :D
10-- خليك فى المنتج المضمون للكاميرات مش اى حد يقولك ديه ببلاش تروح تاخد منه .اهتم بالمواصفات وشوف بعينك قبل ما تركب
11 -- كاميرات المراقبة قبل ما بتكون عامل ردع فى بعض الاوقات -- بتكون عامل ارتياح نفسى
تحياتي لكم جميعاً
واتمنى من الله أن ينعم
عليكم بنعمة الأمن والأمان
السوق المركزي للأنظمة الأمنية وحلول الحاسب
الدعم الفني وخدمة العملاء01020537736
01277238929
