13/08/2026
السلام عليكم
البوست ده مش غرضه الهجوم ولا رد الاساءه بإساءة ولكن غرضه التوضيح فقط لكل الناس ال تعرفنا وال اكيد متصدقش اننا نعمل الكلام ده .
الاستاذه قالت في البوست بتاعها انها طالبه اوردر ولما حصل حجز بلغناها تاخد فلوسها ورفضت وقالت لا هطلب ثاني بحكم اننا اتعاملنا مع بعض كثير يعني متهربناش ولا نصبنا زي ما قالت انها استعوضت ربنا في الفلوس بس بحذركم .
الاوردر كان ٤٥ قطعه في الفتره دي خلص ٤ قطع من الويبسايت الاوردر وصل واتشحن قبل البوستات دي كلها بيومين استأذنك تشوفي الاسكرين تحت وترجعي تكملي قرايه سكرين من شركة بوسطه انها لغيت الاوردر واتساب عشان تبتزنا زي ما حصل، بعتنا ثمن النواقص للحسابات تحول اقسم بالله قبل البوستات دي كلها بردو ثمن النواقص ٣٥٢٠ جنيه يوم الثلاثاء الساعه 11.36 هاتولي بوست نزل في اي مكان قبل التوقيت ده عشان حجتها اننا اتحركنا بعد البوست استأذنك بردو تشوفي الاسكرينات وترجعي تكملي.
ال حصل بعد البوست هو الاسكرين ريكوردينج ال هتشوفوها كامله مش مجتزئه من اول لاخر مسج واتساب بينها وبين اميره لما اميره شافت حد بيقول دول نصابين؟؟ هربت؟ لا راحت قالت لها فون وبعدها تأكيد واتساب انك اخدتي كل مستحقاتك قبل البوست محتاجه اي ثاني قالت حرفيا محتاجه ثمن النواقص بسعرهم علي مصر كام؟ زياده ١٢٣٦ جنيه وانا احذف البوست بالفعل بدون اي نقاش اميره حولت المبلغ ال طلبته عشان تحل ودي ما هو أنا وقتي اغلي بكثير من ١٢٠٠ جنيه مش قصة خوف ياجماعه صاحب الحق عينه قويه أنا عايز حد يطلع لي كلمه واحده اني طلبت منها تحذف اي بوستات او عملت اي فعل بدافع الخوف أنا كل ال عملته رضيت ربنا في الاول واديتها حقها وعشان اشتري دماغي حولت ال طلبته يبقي احنا غلطنا في اي؟
اكونتاتنا الشخصيه واكونتات الشغل اتعملهم بلوك عشان منعرفش نرد عليها ناس كثير اتسرعت في الحكم علينا وكلها اكونتات مجهولة الهويه وال كان بيرد من عملائنا بأدب كان بيتهزق.
توضيح بسيط في ناس منكم عارفه شركة بوسطة كويس وعارفين ان مستحيل اوردر يتكنسل يوم الثلاثاء في اسكندريه ويرجع المنوفيه الاربع بالليل ويتشحن الخميس بعد الفجر عشان يوصل في نفس اليوم مع مندوب خاص الأمر ال كلفنا 950 جنيه مصاريف طريق ويومية مندوب طالع مخصوص كان سهل جدا منعملش كل ده ولا نصرف كل ده ونتبع الاجراءات العاديه والأوردر محجوز مقابل اعتذار وحذف البوست بنفس الطريقه لكن والله لا دي اخلاقنا ولا دي طريقة تعاملنا مع العملاء بتوعنا مهما حصل وموضوع البوست كان لازم ينزل من امبارح ولكن فضلنا الانتظار كل ده لعل يحصل بادرة خير منها وتحذف من نفسها بعد ما استملت من الساعه 10 الصبح ولا ندخل في جدال احنا في غني عنه رغم ان الواقعه وتفاصيلها تسويقياً مفيده جدا لنا وده اول بوست من نوعه ينزل علي صفحتنا من يوم ما اشتغلنا وبردو قابل للحذف اي وقت بعد ما الامور توضح.
بشكر كل الناس ال دعمتنا وكل الناس ال وقفت علي الحياد وانا خصيم اي حد قال ما ليس فينا يوم القيامه .
الأسكرين ريكوردينج في اول تعليق
