الكلام احلي مع اللمه

26/12/2022

مهما تعرف وتقابل ناس صدقني مش هتلاقي أحسن من الشخص المتربّي، التعامُل مع الناس المتربية عامل زي الحلويات اللي سُكرها مظبوط، ناس مظبوطة وأنيقة كدا في نفسها، لسانهم ما يعرفش ينطق الغلط، ونيّتهم دايمًا صافية، وكلامهم شيك كدا يخليك تتعلّق بيهم وتحبهم كُل يوم أكتر من اللي قبله، فيا بخت اللي حياته فيها شخص بالمواصفات دي.

26/12/2022

لما تتجوز بنت اصول شبعانه مش هتتكسف تقولها
ممعيش فلوس .. لما تروحوا مكان مش هتبقي عاوزه تشتري كل حاجه تقابلها ومسروعه علي كل حاجه تشوفها كأنها عمرها ما شافتها ... هتلاقي عينها مليانه باقتناع ومش عاوزه فعلا حاجه لأنها حاسه انها عندها كل حاجه حتي
لو معندهاش

لما تتجوز بنت اصول مش هتتمنظر بأي حاجه عشان تبين للناس اد ايه هي مهمه لان في الغالب دي محدثه نعمه

لما تتجوز واحده شبعانه هتلاقيها الناس بتحبها من غير سبب لأنها اتعودت تدي مش تاخد ... هتلاقيها في عز أزماتك راجل في ظهرك مش بتضغطك لحد ما تخرج عن شعورك ...

هتلاقيها بتسامح و بتنسي مهما كان قساوه الموقف
هتلاقيها مهما كانت بنت ناس بتتعلم كل حاجه عشانك
مش هتقولك انت جايبني ليك خدامه زي ما بنشوف
بالعكس هتلاقيها بتتعلم اي حاجه عشان بيتها يكمل
سعاده وامان

لما تتجوز بنت اصول شبعانه مش هتورطك في حوارات اكبر منك لمجرد أنها نفسها ترسم الدور علي اللي حواليها
هتلاقيها في عز خنقتها بتطبطب عليك مع انها هى الى محتاجه الطبطبه ... هتلاقيها مقدره اي حاجه بتعملهلها
مهما كانت صغيره ....

اتجوزوا بنات اصول عشان دول اللي هيبقوا سندكم
بعد ما الزمن ياخد كل التفاصيل و الصحه تروح و المال و ميبقاش الا المعدن اللي لو صدي مش هتتحمله يوم لأنه هيكون اكل منك حته حته ع مرور الزمن ومع اول سقوط ليك هيسيبك و يدور علي حد جديد

26/12/2022

26/12/2022

علشان لما نقول خلوا بالكم من البيست فريند محدش يتقمص .. أهو دى رهف بلوجر إتخطبت لزوج صاحبتها .. صاحبتها اللى بتحكلها على كل أسرارها من أول يوم عرفت جوزها لحد متخطبت وإتجوزت وإتارى صاحبتها طول الفترة دى على علاقة بجوزها وف الأخر خطبها على مراته ومنزلين يقولوا عملناها بعد حلم 10 سنين ..

هقول تانى صاحبتك ثم صاحبتك ثم صاحبتك تحٓرصى منها مهما حكتيلها أسرار تيجى لحد بيتك وأسرارك الخاصة وتقولى لنفسك إستوب ده خط أحمر لأن دلوقت مبقاش فيه صُحاب زى الأول بقوا
يخـ ـونوا ويـ ـغدروا وكمان بيـ ـقتلوا ..

- تسألينى إيه أكتر حاجه توجع هقلك خيبة الأمل ف حد مُقرب بإن يُغدر بيكى والضربه تجيلك منه وعلى رأى أبو الليف لما قال أنا خدت الضربه بجد من أقرب ناس ف حياتى .. !

" اللهم إنا نستعيذك من خبثاء النوايا متصنعي الود "