سوقonline

17/01/2026

"بالشبشب يا طنط!".. لما "أحمد" يدي درس في الأصول وسط تمرينة [ الجيجيتسو ]
في وسط الزحمة والدوشة بتاعة نوادي التدريب، والضغط اللي بيتحط على عيالنا عشان يبقوا "أبطال" في ألعاب قتالية، ساعات بننسى حاجة مهمة قوي اسمها "الأصول والتربية". انتشرت مؤخرًا واقعة غريبة شوية في تمرينة "جيجيتسو" (اللي هي بالمناسبة ميكس كده بين الجودو والكاراتيه للي ميعرفش)، بطلها ولد اسمه أحمد، وأم شايفة إن "الرياضة مفيهاش عيب".
القصة وما فيها: رياضة ولا "مرمطة"؟
الموضوع بدأ لما أم صممت إن بنتها اللي عندها 15 سنة تنزل "تتثبت" في الأرض وتدخل في ماتش "Fight" مع ولد. والسؤال اللي بيفرض نفسه هنا: ليه؟ وليه بنت في سن المراهقة تتحط في موقف زي ده وسط الولاد تحت مسمى الرياضة؟ ربنا خلق البنات ليهم طبيعة، والولاد ليهم طبيعة، والرياضة دايمًا كان فيها "بنات مع بنات" و"ولاد مع ولاد".
[ لما الأصول تتكلم ، الكل لازم يلتزم الصمت ]
الموقف قلب بدرس في الأدب لما الكابتن نده على "أحمد" عشان يلاعب البنت، لكن رد فعل أحمد كان غير متوقع. تعالوا نشوف الحوار اللي دار بين أحمد و الكابتن و مامت البنت في التمرين
__ أحمد (للكابتن) ،، "أنا آسف يا كابتن، مش بلعب مع بنات."
__ الأم (بتحاول تقنعه)،، "ليه يا حبيبي؟ دي رياضة عادي !! العب معاها."
__ أحمد ،، "آسف يا طنط، مينفعش ألمسها أصلًا."
__ الأم ،، "يا حبيبي كلكم إخوات هنا، مفيش فرق، والرياضة مفهاش الكلام ده."
__ أحمد (بكل هدوء) ،، "يا طنط أصلًا حرام ألمسها.. وبعدين بصي حضرتك شايفة الست اللي قاعدة هناك دي؟"
__ الأم ،، "آه شايفاها ، مالها؟"
__ أحمد ،، "دي أمي.. يرضيكِ يا طنط تيجي تضربني بالشبشب وسط الجيم وأنا طول الباب كده؟ أنا لو فكرت بس ألعب مع بنت حضرتك ، امي هتضربني أنا وبنتك بالشبشب !"
---------------
كلمة حق في حق "الأم الجدعة"
الحقيقة، الحكاية دي مش بس عن الرياضة، دي عن "التربية". تحية كبيرة للأم "رحاب كمال" اللي زرعت في ابنها "أحمد" المعنى الحرفي للرجولة .
إن الرجولة مش إنك تستعرض قوتك على بنت، ولا إنك تكسر حواجز الحياء عشان ميدالية أو تمرينة.
أحمد فاز في الماتش بتاعه مع "خصم حقيقي"، لكنه فاز قبلها في ماتش "الأخلاق" لما عرف يحط حدود ويحترم نفسه ويحترم البنت اللي قدامه، حتى لو هي أو أهلها مش واخدين بالهم من الحدود دي.
يا ريت كل الأمهات يربوا "أحمد".. عشان نضمن إن جيل بكرة لسه عارف يعني إيه أصول.
هل شايفين إن رياضة القـ..ـتال المختلط (بنات مع ولاد) في السن ده حاجة عادية ولا "أحمد" هو اللي صح؟

14/01/2026