تميز للأستثمار Tamayoz capital

22/08/2023

21/08/2023

كل الناس عايزة تعمل مستقبل كويس لعيالها ومحدش فكر يعمل عيال كويسة للمستقبل!!
من هنا آتي الخلل

13/05/2018

-يومين ورا بعض أدخل مكان ويبقي فيه محلين فاتحين قدام بعض واحد شغال جامد جدا والتاني معندوش حد ... اليوم الأول كان في مول محلين فاتحين أيس كريم وكاب كيك المهم اشتريت من المحل الأول وأنا منتظر وكنوع من الفضول أشتري من المحل التاني علشان أفهم ليه ما بيبعش وأتعامل بشكل سيء لدرجة إني قلت للي واقف في المحل أنا عرفت ليه إنت حالك واقف انت بتتعامل مع الناس كأنك بتبيع في الستينيات ...
واليوم الثاني كان في نادي المهندسين ...ونفس القصه بالظبط محل بيتزا ومحل كريب وبرضه وصلنا مع المحل اللي مش شغال كويس للخناق لأنه قال ربع ساعه وبعد ساعه إلا ربع مفيش حاجه اتسلمت ....
-عموما ده الوضع في مصر دايما في كل مجال ...فئه بتطور نفسها وبتطور منجها وبتطور فكرها وبيبقي عندها شغل وفلوس أكتر من طاقتها وفئة تانيه شغاله تأدية واجب أو بإهمال كبير أو بعقلية قديمه ودول هاتلاقيهم دايما يقولك أصل السوق واقف والدنيا نايمه ومصر بلد ما فيهاش فرص وأنا كان المفروض أسافر علشان أنجح ....
-اللي بنشوفه علي مستوي المشروعات هو برضه اللي بنشوفه علي المستوي الفردي هاتلاقي ناس بتشتغل وبتطور نفسها ودخلها والفرص اللي بتتعرض عليها متناسبه مع الجهد والتطوير وناس تانيه واقفه عند أداء معين ومش عايزه تتجاوزه حتي لو بتقدم مجهود عالي لكنه إما شكل بدون محتوي أو قديم غير محدث لا يحتاجه السوق حاليا أو ماعندوش الاتنين لا مجهود ولا علم وحاله غريبه من الفشل والبلاده في التعامل مع وقته وحياته وشغله وكل حاجه وفي النهايه هاتلاقيه دائم الشكوي من الأحوال والظروف وبيكلمك دايما عن الفرص في أوروبا والدول المتقدمه اللي عمره ما راحها وهو فاكر إنه لو راح هناك بأداءه ده وبمعلوماته دي هايبقي فاشل برضه والمثل بيقول (خايب بلاده خايب بلاد الناس) ومش هيلاقي حتي المستوي اللي هو عايش فيه في مصر لأن مصر حتي الفاشل بيلاقي فيها فرص إنما أعتقد إن الدول المتقدمه لا يوجد فيها فرص إلا للمثابر ودي حقيقه لو مش مصدقها ممكن تسأل أكتر من 5 مليون مشرد في الولايات المتحده وحدها ....
-أنا دلؤقتي نصيحتي ليك كشاب إن قدامك طريق من طريقين ..إما إنك تشتكي وتحاول إنك تثبت إن الحكومه فاشله ودي حاجه مش محتاجه إثبات في حد ذاتها وتبقي كل بوستاتك عباره عن يأس ونكد ودي بتعملك إحباط إنت واللي حواليك ومش هاتوصلك لحاجه في الأخر ...أو إنك تحاول تطور نفسك وتزود دخلك بدرجة إنك تقدر تتجنب أي مشكله تحصل في محيطك العام أو الخاص ...
-ببساطه إنت صاحب القرار ممكن تاخد قرار إنك تنتظر لحد ما الحكومه الفاشله تبقي ناجحه وربنا يديلك طولة العمر أو إنك تتعامل مع الحياه علي حقيقتها وهي إن ما فيش حد هايساعدك غير نفسك ووساعتها لما تنجح مش هايبقي عندك وقت تتكلم عن الفشل والإحباط وربنا لا يضيع أجر من أحسن عملا :)

02/05/2018

شقق بموقع متميز بمدينة شبين الكوم بوسط المدينة أمام المحكمة و بجوار مجمع المصالح و التأمين الصحي بمساحات 50م , 55م , 60 م
تصلح لجميع الأغراض الادارية بأسعار مناسبة و التسليم فوري
للأستعلام
تليفون 01090029019 +01101001189
ايميل [email protected]