11/04/2023
السلام عليكم ورحمه الله وبركاته ♥️
انا للاسف هبطل شغل الفتره دى .... مكنتش متصوره أن هوقف شغل بالسرعه دى بس الحمد لله على كل شيء ❤️
شكرا لكل اللى دعمنى واللى وثق فيا فى وقت انا مكنتش وثقه فيه فى نفسى اصلا
شكرا لكل شخص خلانى اعرف ان الدنيا لسه بخير وفيها ناس كويسه
نبطل نكد بقه وندخل فى المهم 🙂
انا اخترت الصوره دى علشان دى اول فرده جوانتى انا عملتها "اول حاجه عملتها فى الكروشيه "
الفرديه دى اخدت معايا اسبوع عقبال ما عملتها .... والفرده التانيه بتاعتها خدت ٣ ايام وفى الاخر الاتنين طلعوا مش نفس المقاس 🤦🏻♀️
بعد كده بدأت اعمل جوانتى تانى خد منى اسبوع وكنت خلصت الفردتين " مش زى الاولانى خد ١٠ ايام " وبرضو طلعوا مش نفس المقاس 🤷🏻♀️
بعد كده بدأت اعمل واحد تالت ده بقه خلص فى ٣ ايام وطلع المقاس مظبوط 👌🏻
ودلوقتي انا اقدر اعمله فى يوم ويطلع نفس المقاس أن شاء الله 💪🏻
الخلاصه من الكلام ده كله أن اللى بيحاول فى حاجه بيوصل فى الاخر بإذن الله ❤️
كل اللى عليك هو السعى والنتيجه دى سيبها على ربنا ✋🏻
سواء وصلت للى انت عاوزه أو لا اعرف أن ربنا كتبلك الخير فى اللى انت وصلتله فإرضى بقضائه ....
كل اللى حابب يبدأت مشروع ... يبدأ من دلوقتي
انت مش متأخر ولا حاجه لا ده الوقت اللى ربنا اختاره ليك فأكيد هو ده الوقت المناسب
وربنا يوفق الجميع ويارب السنه دى تكون سنه سعيده ومليانه انجازات و...
السلام عليكم ورحمه الله وبركاته ♥️
